Lydie Schmit
Vu Wikipedia, der fräier Enzyklopedie.
D’Lydie Schmit, gebuer den 31. Januar 1939 zu Esch-Uelzecht a gestuerwen de 7. Abrëll 1988, war eng lëtzebuergesch LSAP- Politikerin.
D'Lydie Schmit ass an enger Aarbechterfamill opgewues. Si huet Sproochen a Geschicht studéiert a war vun 1963 u Lycéesprofessesch, fir d'éischt an enger Privatschoul, dunn, vun 1968 un, am Lycée Hubert Clément zu Esch. 1970 ass si der LSAP bäigetratt, gouf 1973 Vizepresidentin an, vun 1974 bis 1979, Presidentin vun deeër Partei.
Vun 1976 bis zu hirem Doud 1988 war si am Schëfflenger Gemengerot. 1979 ass si an d'Chamber gewielt ginn, huet hirt Mandat awer den 30. August 1980 nees opginn. Politesch huet si sech verstäerkt op internationalem Plang engagéiert: Den 10. November1980 gouf si Presidentin vun der Sozialistescher Fraen-International, a gouf Vizepresidentin vun der Sozialistescher International (bis 1984).
1984 huet si fir d'Wale vum Europäesche Parlament kandidéiert a gouf als Deputéiert op Stroossbuerg gewielt.
D'Lydie Schmit ass de 7. Abrëll 1988 u Kriibs gestuerwen.
