Jacques Poos
Vu Wikipedia, der fräier Enzyklopedie.
De Jacques F. Poos (* 3. Juni 1935 an der Stad) ass e lëtzebuergesche Politiker.
No senger Première am Stater Kolléisch studéiert de Jacques Poos Commerce an Economie op der HEC vu Lausanne.
1959 trëtt hien an de Staatsdingscht. 1964 gëtt en Direkter vum Tageblatt. 1974 gëtt hie fir d'éischte Kéier, als Deputéierte vun der LSAP, an d'Chamber gewielt. 1976 gëtt en zum Finanzminister an der Regierung Thorn-Berg ernannt.
No de Wahle vun 1979 ass d'LSAP net méi un der Regierung bedeelegt; de Jacques Poos bleift Deputéierten an der Chamber. Hie gëtt Direkter vun der Banque Continentale an dono vun der Banque Paribas.
1984 kënnt et no de Chamberwahlen zu enger Koalitiounsregierung vun CSV an LSAP ënnert dem Jacques Santer als Premierminister; de Jacques Poos gëtt Vizepremier an Ausseminister. Dës Koalitioun gëtt 1989 an 1994 verlängert; de Jacques Poos behält seng Ministerposten.
1999 ass de Jacques Poos net méi Spëtzekandidat vu senger Partei; hee gëtt als Deputéierten am Europäesche Parlament gewielt.
2004 zitt hie sech aus dem aktive Politkliewen zeréck.
De Jacques Poos ass bestuet an huet dräi Kanner.
