Gaia
Vu Wikipedia, der fräier Enzyklopedie.
D'Gaia (och Ga oder Ge) ass eng vun den eelste griichesche Gëttinnen. Si as d'Personifizéierung vun der Äerd.
D'Gaia huet aus sech selwer eraus den Uranos (Himmel) an de Pontos (Mier) geschaf. Duerch de Pontos ass si d'Mamm vun engem grousse Mieresgëtterstamm awer och d'Mamm vun den Titanen, de Kyklopen, den Hekatoncheires, den Erinyen, de Giganten, de mélëche Nymphen an aneren. D'Gaia huet och de Stuerz vum Uranos duerch de Kronos veruersaacht an am Kampf géint den Zeus d'Titanen a Giganten ënnerstëtzt, zum Schluss huet si awer missten den Zeus als mächtegste vun alle Gëtter unerkennen.
D'Gaia hat verhältnisméisseg wéineg Kulturstätten, déi sech am wesentlechen op Attika konzentréiert hunn. Eng méi grouss Roll huet si allerdings an der philosophescher a kosmologescher Literatur.
Ganz alen Iwwerliwwerunge no gëlt d'Gaia och als éischt Inhaberin vum Orakel vun Delphi.
 |
Griichesch Mythologie – All d'Artikelen op der Wikipedia zu der griichescher Mythologie. |
