Astrid Lulling

Vu Wikipedia, der fräier Enzyklopedie.

D'Astrid Lulling (*11. Juni 1929 zu Schëffleng) ass eng lëtzebuergesch Politikerin.

D’Astrid Lulling studéiert tëschent 1953 a 1955 Wirtschaftspolitik op der Universitéit zu Saarbrécken. Si ass vun 1949 bis 1963 Sekretärin a Redacteurin vum Lëtzebuerger Arbechter-Verband (LAV).

Vun 1963 bis 1971 ass d’Astrid Lulling Presidentin vun de Sozialistesche Fraen an der Lëtzebuerger Sozialistescher Aarbechterpartei (LSAP).

1971 ass d’Astrid Lulling Matbegrënnerin vun der Sozial-Demokratescher Partei (SDP) an do Member vum Direktiounscomité bis 1982. 1974 gëtt se fir des Partei an d’Chamber gewielt. No parteipolitesche Reiwereien gëtt si 1984 op der Lëscht vun der Chrëschtlech Sozialer Vollékspartei (CSV) an d’Chamber gewielt.

Vun 1989 un ass si bis haut Deputéiert vum Europäesche Parlament. Do war si och schonns 1965 bis 1974 Member.

Zënter dem 20. Juli 2004 ass d'Mme Lulling Questeur vum Europaparlament.

Och lokal war d’Astrid Lulling an hirer Heemechtstad Schëffleng engagéiert: Tëschent 1970 an 2000 war si do am Gemengerot, déi éischt 15 Joer dovunner als Buergermeeschtesch.

D'Astrid Lulling ass Commandeur de l'ordre de la République italienne, Grand officier de l'Ordre de Mérite a Grand officier de l'Ordre de la Couronne de Chêne.

Den 29. Juni 2007 krut d'Mme Lulling den Ordre d'Officier de la Légion d'Honneur vum franséischen Ambassadeur zu Lëtzebuerg iwwerreecht.

[Änneren] Um Spaweck

• Internetsäit www.AstridLulling.com
• www.Luxdico.com Projet Luxdico patronéiert vun der Mme Astrid Lulling
• Astrid Lulling TV Reportagen a Video Blog op Google Video