Hydromeli
E Vicipaedia
Hydromeli -tis, n. seu hydromel -lis, n., seriore Latinitate mĕdus[1] -i, nonnumquam sed minus accurate "mulsum" dictum, est potio inebrians vino similis sed ex aqua et melle tantum facta.
Nomen hydromeli nonnumquam et in mixturam non ebriantem adhiberi videtur.[2] Secundum Pexenfelderum, melicratum recens "officinae iulepum" dicebatur.[3]
Graecis et Romanis antiquis hydromeli raro in usu erat, sed frequentissimum erat apud Germanos antiquos, et multas alias gentes Europaeas Medii Aevi. Adhuc potatur a Polonibus et Aethiopibus. Videtur fortasse Indoeuropaeis priscis placuisse.
[recensere] Hydromelitis Genera
- Melicratum est versio hydromelitis multo maiori parte ex aqua.[4]
- Melomeli est concoctio fructuum melle liquidissimo perfusorum, qua poma conservari facillime possint.
- Hydromeli conditum vulgo dicitur methiglin seu meddyglyn, a voce Latina "medicum" et voce Cambriana "llyn" id est "temetum"
[recensere] Vide etiam
[recensere] Notae
- ^ Anthimi De Observatione Ciborum, ter. E.g. "Similiter et de medus [sic] bene factum, ut mel bene habeat, multum iuvat."
- ^ Marcus Grant in libri sui Roman Cookery: Ancient Recipes for Modern Kitchens pagina 82, asseverat Bassi hydromeli (Geoponica 8.28.) alcohole egisse, fortasse quoniam ad ignem coquitur.
- ^ Apparatus Eruditionis, p. 201
- ^ Vegetius De Arte Veterinaria 3.15.22
