Geoponica

E Vicipaedia

Geoponica est collectaneum de re rustica Graece scriptum saec. 10 p. C. n. Constantinopoli, imperatori Byzantino Constantino VII Porphyrogenito dicatum, ex opere deperdito Cassiani Bassi saec. 6 p. C. n. sumptum. Textus graecus exstat in pluribus libris manuscriptis; in nonnullis collectaneum omne Cassiano Basso adscriptum est.

Index 1 Continentur 2 Fontes Geoponicorum 3 Fortuna 4 Notae 5 Nexus externi 6 Bibliographia 6.1 Textus et versiones 6.2 Monographiae

[recensere] Continentur

1. Caeli regiones; astronomia
2. Agricultura in universo; tritici genera
3. Opera mensium
4. Vineam serere; vitis insitio, inoculatio
5. Vineam laborare, stercorare
6. Vinum facere; mustum conservare
7. Vinorum species conficere, mutare, medere
8. Conditum, mulsum, acetum conficere
9. Oleam propagare, laborare; oleum facere
10. Horticultura in universo; pomarium serere
11. Aromatica et flora serere
12. Olera serere
13. Animalia insectaque nocentia arcere
14. Aves alere et saginare
15. Apicultura
16. Equos, asinos, camelos alere
17. Bos pascere
18. Oves pascere
19. Canes, lepora, porcos alere; salsamenta conficere
20. Pisces alere; liquamen conficere

In Geoponicis sunt multa praecepta aut "recepta" ciborum praeparandorum:

• 2.33: Panis clibanicius sive focacius
• 3.7: Alica
• 3.8: Tragos sive trachanas
• 3.9: Ptisana
• 8.1-24: Vina aromatica et confecta
• 8.25-32: Mulsum, Sicera, Hydromeli, Rosatum, Apiatum, Conditum, Sapa
• 8.33-42: Acetum
• 9.28-33: Conditura olivarum

[recensere] Fontes Geoponicorum

Tres manuscripti, quorum unus in Bibliotheca Laurentiana servatus est, in titulis notant nomina auctorum antiquorum de quibus capitula Geoponicorum extracta sunt; eruditi dubitant an haec nomina fiduciam meritant necne. In praefatione libri 1, in duos manuscriptos servata, index fontium inserta est: Florentinus, Vindanionius Anatolius Berytius, Diophanes, Leontius, Tarentinus, Paradoxa Africani, Pamphilus, Varro,^[1] Fronto, Paxamus, Damegeron, Didymus, Sotion, Quintilii fratres, una cum operibus de agricultura Democrito, Apuleio, Zoroastro tributis. Etiam alii auctores citantur in titulis et marginibus: Aratus,^[2] Apsyrtus, Cassianus,^[3] Dionysius, Hierocles, Pelagonius,^[4] Philostratus, Ptolemaeus,^[5] Theomnestus. In ipso textu citantur et Aristoteles,^[6] Asclepius et Manetho,^[7] Hesiodus,^[8] Hippocrates,^[9] Homerus,^[10] Iuba rex,^[11] Nestor, Oppianus Corycius,^[12] Plato,^[13] Plutarchus,^[14] Theophrastus,^[15] Vergilius.^[16] De fabis praecepta Amphiarai, Orphei et Pythagorae citantur.^[17]

[recensere] Fortuna

Burgundio Pisanus anno 1137 Constantinopoli translationem Latinam librorum 6, 7, 8 conscripsit sub appellatione Libri de vendemiis. Saeculo XVI multae editiones versionesque proderunt in Italia, Germania, Francia, Hispania.

[recensere] Notae

[recensere] Nexus externi

• R. Rodgers, "Kêpopoiïa: Garden-Making and Garden Culture in the Greek Geoponica," in Byzantine Garden Culture, ed. A. Littlewood et al. (Washington, 2002), 159-175.
• De Geoponicis disputatio Johannis N. Lupia anglice
• Translatio anglica Geoponicorum a Thomasso Owen edita hic aut hic

[recensere] Bibliographia

[recensere] Textus et versiones

• 1538 Constantini Cæsaris selectarum præceptionum de agricultura libri viginti, Iano Cornario medico physico interprete. Venetiis 1538; Basileae 1538, 1539, 1540; Lugduni 1541; Cassii Dionysii Uticensis de agricultura libri XX, desyderati diu et falso hactenus Constantino Caes. adscripti, Lugduni 1543; Geoponicon libri XX. qui à nonnullis Dionysio Uticensi, ab aliis Constantino Magno imperatore attribuuntur, Lugduni 1658. [Translatio Latina a Iano Cornario] textus editionis 1541 textus editionis 1543
• 1539 Geoponika: De re rustica selectorum libri xx Graeci, Constantino quidem Caesari nuncupati a Ioanne Alexandro Brassicano edita. Basileae 1539. [Graece]
• 1542 Constantino Cesare de li scelti et utilissimi documenti de l’agricoltura, nuouamente dal latino in uolgare tradotto per M. Nicolo Vitelli. Venetiis 1542, 1554. [Translatio Italica a Nicolao Vitelli]
• 1542 De noteuoli et utilissimi ammaestramenti dell'agricoltura, di greco in volgare novamente tradotto, per Pietro Lauro modonese. Venetiis 1542, 1549. [Translatio Italica a Petro Lauro]
• 1543 Les XX livres de Constantin Cesar, ausquelz sont traictez les bons enseignemens d’agriculture tr. Anthoine Pierre. Poitiers [Pictaviae] 1543, 1545; Parisiis 1550. [Translatio Francogallica] textus librorum 6-8
• 1543 Ex commentariis Geoponicis, siue De re rustica, olim Diuo Constantino Caesari adscriptis, octo ultimi libri. Coloniae 1543. [Translatio Latina librorum 13-20 ab Andrea a Lacuna] textus
• 1551 Geoponica: Der Feldbaw, oder das Buch von der Feldarbeyt, vor tausent Jaren von dem christlichen Keyser Constantino IIII. inn griechischer spraach beschriben, vnnd durch D. Michael Herren verdolmetscht. Strassburg [Argentorati] 1551. [Translatio Theodisca]
• 1704 Geoponika: Geoponicorum sive De re rustica libri XX Cassiano Basso scholastico collectore ed. Peter Needham. Cantabrigiae 1704. [Graece cum translatione Latina]
• 1781 Geoponicorum sice De re rustica libri XX Cassiano Basso, scholastico, collectore ed. Io. Nicolao Niclas. Lipsiae 1781. [Graece cum translatione Latina P. Needhami et commentario variorum]
• 1804 Geoponika tr. T. Owen. Londinii 1804-1805. [Translatio Anglica]
• 1895 Geoponica sive Cassiani Bassi scholastici de re rustica eclogae ed. Henricus Beckh. Lipsiae (Bibliotheca Teubneriana) 1895; Stutgardiae 1994. ISBN 3-598-71387-8. [Graece cum variis lectionibus]
• 1960 Geoponiki tr. E. E. Lipshits'. Moscoviae 1960. [Translatio Russica]
• 1998 Geopónica, o, Extracto de agricultura de Casiano Baso / traducción y comentarios de María José Meana, José Ignacio Cubero, Pedro Sáez. Matriti 1998. ISBN 84-7498-462-9 [Translatio Hispanica]

[recensere] Monographiae

• E. Fehrle, Richtlinien zur Textgestaltung der griechischen Geoponica. Heidelberg 1920.
• W. Gemoll, Untersuchungen über die Quellen, der Verfasser und die Abfassungszeit der Geoponica. Berolini 1883.
• John A. C. Greppin, "The Armenian and the Greek Geoponica" in Byzantion vol. 57 (1987) pp. 46-55.
• E. Oder, "Beiträge zur Geschichte der Landwirthschaft bei den Griechen" in Rheinisches Museum vol. 45 (1890) pp. 58-98, 202-22, vol. 48 (1893) pp. 1-40.
• J. L. Teall, "The Byzantine agricultural tradition" in Dumbarton Oaks papers vol. 25 (1971) pp. 35-59.