Pulitik

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Pulitik utawa politik kuwi proses nggawé lan pembagéan kakuwasan jroning masyarakat kang antara liya awujud proses ngrumusaké kawicaksanan, utamané jroning negara. Dhéfinisi iki minangka upaya nggandhèngaké sawetara dhéfinisi kang béda-béda bab hakikat pulitik kang dikenal jroning Èlmu pulitik.

Pulitik kuwi seni lan ngèlmu kanggo ngrengkuh kakuwasan sacara konstitusional utawa sacara nonkonstitusional.

Saliyané kuwi pulitik uga bisa ditilik saka arah kang béda, yakuwi antara liya:

• pulitik kuwi usaha kang ditempuh déning warga negara kanggo mujudaké kahanan apik kanggo sakabèhé (teori klasik Aristoteles)
• pulitik kuwi bab kang magepokan karo penyelenggaraan pamaréntahan lan negara
• pulitik minangka kegiatan kang diarahaké kanggo ngéntukaké lan njaga kakuwasan ing masyarakat
• pulitik kuwi kabèh soal bab proses ngrumusaké lan nglaksanaaké kawicaksanan publik.

Jroning mangertèni pulitik kudu faham sawetara kunci, antara liya: kakuwasan pulitik, legitimasi, Sistem Pulitik, perilaku pulitik, partisipasi pulitik, proses pulitik, lan uga ora kalah wigatiné seluk beluk bab partai pulitik.

Bab lan Paragraf 1 Èlmu pulitik 1.1 Téori pulitik 1.2 Lembaga pulitik 1.3 Partai lan Golongan 1.4 Hubungan Internasional 2 Masyarakat 3 Kakuwasan 4 Negara 5 Tokoh lan pemikir Èlmu pulitik 5.1 Tokoh-tokoh pulitik 5.2 Pemikir-pemikir pulitik 5.2.1 Mancanegara 5.2.2 Indonesia 6 Delengen uga

[sunting] Èlmu pulitik

[sunting] Téori pulitik

Téori politik kuwi kajian bab konsep nentokaké tujuan pulitik, piyé carané nggayuh tujuan mau sarta kabèh konsekuensiné. Bahasan bab Teori Pulitik antara liya filsafat pulitik, konsep bab Sistem Pulitik, negara, masyarakat, kadhaulatan, kakuwasan, legitimasi, lembaga negara, owah-owahan sosial, pembangunan pulitik, perbandingan pulitik, lll.

Akèh banget wangun sistem pulitik kang dikembangaké déning negara-negara ing donya antara liya: anarkisme,autoritarian, demokrasi, diktatorisme, fasisme, federalisme, feminisme, fundamentalisme keagamaan, globalisme, imperialisme, kapitalisme, komunisme, liberalisme, libertarianisme, marxisme, meritokrasi, monarki, nasionalisme, rasisme, sosialisme, theokrasi, totaliterisme, oligarki dsb.

[sunting] Lembaga pulitik

Sacara umum tegesé sawijining organisasi, nanging lembaga bisa uga arupa sawijining kabiasaan utawa prilaku kang duwèni pola. Perkawinan upamané, kuwi sawijining lembaga sosial, kang diakoni déning negara liwat KUA utawa Cathetan Sipil ing Indonesia apadéné kang diakoni déning masyarakat waé tanpa pangakon negara. Jroning bab iki, sawijining organisasi uga arupa prilaku kang duwé pola kanthi mènèhi jabatan marang wong-wong tinamtu supaya bisa ngayahi fungsi kanggo nggayuh tujuan bebarengan, organisasi bisa formal utawa informal. Lembaga pulitik kuwi prilaku pulitik kang duwèni pola jroning babagan pulitik.

[sunting] Partai lan Golongan

[sunting] Hubungan Internasional

Jroning wangun klasik hubungan internasional kuwi arupa hubungan antar negara, nanging jroning perkembangan sabanjuré, konsep iki owah dadi nyakup kabèh interaksi kang dumadi lintas wates negara. Jroning wangun klasik, hubungan internasional diperanaké mung déning para diplomat (lan spiun) saliyané tentara jroning paperangan. Dén jroning konsep anyar hubungan internasional, werna-werna organisasi internasional, perusahaan, organisasi nirlaba, malah wong pribadi bisa dadi aktor kang wigati tumrap pulitik internasional.

[sunting] Masyarakat

Yakuwi kumpulan manungsa kang dumunung ana ing sajroning tlatah negara.

[sunting] Kakuwasan

Jroning teori pulitik nunjuk marang kamampuan kanggo nggawé supaya wong liya nglakokaké bab kang ora dikarepaké. Max Weber nulis aané telu sumber kakuwasan: kasiji saka asumber saka hukum utawa undhang-undhang; kaloro, sumber saka kakerasan kayadéné penguasan gaman; katelu, sumber saka karisma.

[sunting] Negara

Negara minangka sawijining kawasan teritorial kang ing jeroné ana pedunung, nduwèni kadhaulatan kanggo nglakokaké pamaréntahan, lan diakoni déning negara liya. Katentuan kang tersebut ing dhuwur iku minangka syarat ngadegé negara miturut konferensi Montevideo ing taun 1933

[sunting] Tokoh lan pemikir Èlmu pulitik

[sunting] Tokoh-tokoh pulitik

[sunting] Pemikir-pemikir pulitik

[sunting] Mancanegara

Tokoh tokoh pemikir Ilmu Pulitik saka kalangan teoris klasik, modern utawa kontempoter antara liya: Aristoteles, Adam Smith, Cicero, Friedrich Engels, Immanuel Kant, John Locke, Karl Marx, Lenin, Martin Luther, Max Weber, Nicolo Machiavelli, Rousseau, Samuel P Huntington, Thomas Hobbes, Antonio Gramsci, Harold Crouch, Douglas E Ramage.

[sunting] Indonesia

Sawetara tokoh pemikir lan penulis materi Èlmu pulitik lan Hubungan internasional saka Indonesia antara liya: Miriam Budiardjo, Salim Said dan Ramlan Surbakti.

[sunting] Delengen uga

Cithakan:Wikiportal

• Dhémokrasi
• Kawicaksanan publik
• Partai pulitik
• Pemilu
• Daftar istilah pulitik

Artikel prakawis pulitik puniki setunggaling tulisan rintisan. Panjenengan saged mbiyantu Wikipedia ngembangaken.