Plato
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Plato (basa Yunani: Πλάτων) (kurang luwih 427 SM - 347 SM) filsuf Yunani Klasik iku sawijining filsuf Yunani kuna sing gedhé banget pangaruhé. Dhèwèké siswa Socrates lan guruné Aristoteles.
Karyané sing wigati dhéwé iku Republik (ing basa Yunani: Πολιτεία utawa Politeia, "negara") sing ngwedharaké garis gedhé carané ndeleng kahanan "idhéal". Dhèwèké uga nulis 'Hukum' lan akèh dhialog ing endi Socrates iku tokoh utamané.
Sumbangsih Plato sing palig wigati iku tentuné ngèlmuné prekara idhe. Donya fana iki namung reflèksi utawa wayang saka donya idhéal. Ing donya idhéal, kabèh prekara iku sampurna, ora mung barang-barang kasar waé nanging uga konsèp-konsèp falsafi kayata 'kawicaksanan' lan 'kabeneran'.
Salah siji perumpamaan Plato sing misuwur iku perumpamaan bab guwa.
Akèh pakar sing nduwé pangidhepan yèn Plato iku filsuf paling wigati ing sajarahing manungsa. Kabèh karya falsafi sing ditulis sawisé Plato, namung "cathetan sikil" karya-karyané waé.
[sunting] Uga delengen
- Atlantis
- Daftar filsuf
- Filsafat
[sunting] Pranala jaba
- (en) Plato "The Complete Works"
