Mugison
Úr Wikipediu, frjálsa alfræðiritinu
Örn Elías Guðmundsson, fæddur 4. september 1976, ættaður frá Ísafirði og Bolungarvík er betur þekktur sem Mugison.
Mugison fór til útlanda að læra upptökur ungur að aldri en þegar hann kom heim tók hann upp fyrstu plötuna sína, Lonely Mountain, heima í herbergi sínu. Platan kom út og þótti afbragðs verk og var gefin út á Íslandi og víða í Evrópu. Í kjölfarið var Mugison fenginn til að gera tónlist við kvikmynd Friðriks Þórs, Niceland. Hann sló ekki slöku við og gerði tónlistina við Niceland ásamt því að taka upp aðra breiðskífu sína, Mugimama, is this monkey music? sem vann til Íslensku tónlistarverðlaunanna 2004 sem poppplata ársins og var lagið Murr Murr valið besta lag ásamt því að Mugison var tilnefndur sem besti söngvari og besti flytjandi ársins.
Þriðja plata Mugison kom út árið 2005 og heitir A Little Trip to Heaven, gerð við samnefnda kvikmynd Baltasars Kormáks.
Mugison og Papamug hafa séð um tónlistarhátíðina Aldrei fór ég suður síðastliðin ár. Aldrei fór ég suður er einnig nefnd Rokkhátíð alþýðunnar þar flytja tónlist sína ýmsar hljómsveitir, þekktar sem óþekktar.
[breyta] Hljómplötur
- Lonley Mountain (2003)
- Niceland (soundtrack) (2004)
- Mugimama, is this monkey music? (2004)
- Little trip (2005)
- Mugiboogie (2007)
