Banda de Möbius
De Wikipedia, le encyclopedia libere
Le banda de Möbius (o Moebius), nominate secundo le mathematico e astronomo german August Ferdinand Möbius, es un objecto topologic con solmente un superficie e un bordo. Illo era co-discoperite independentemente per Möbius e le mathematico german Johann Benedict Listing in 1858. Un modello pote esser create facilemente per semi-torquer un banda de papiro (o altere material) e unir le extremitates pro crear un sol banda.
Le banda de Möbius ha un numero de proprietates estranie. Si uno seca le banda per su medio, uno non obtene duo bandas, mais un banda longe con duo semi-torsiones. Si uno seca ancora le banda longe, uno obtene duo bandas serpentate le un circa le altere. Alternativemente, si uno seca per le banda un tertio del distantia del bordo, uno obtene duo bandas; le un es un banda de Möbius magre, e le altere es un banda longe con duo semi-torsiones. Altere combinationes de bandas pote esser obtenite per facer bandas de Möbius con duo o plus torsiones in vice de un. Per exemplo, un banda con tres semi-torsiones, quando bipartite per su longitude, deveni un banda ligate in un nodo trifolio. Per secar un banda de Möbius, dante lo extra torsiones, e reuniente le extremitates, uno produce figuras inexpectate appellate anellos paradromic.
