Nerin

Ass Wikipedia.

Ynnyd mooie Nerin 'syn Oarpey

She ellan as çheer ayns yn Oarpey Heear ta Nerin (Yernish: Éire, Ullanish: Airlann). T'ee yn treeoo ellan smoo ayns yn Oarpey. She çheer Celtiagh t'ayn, gollrish Mannin, Nalbin, Bretin, y Chorn, as y Vritaan. She Divlyn (Yernish: Baile Átha Cliath) yn balley smoo er yn ellan. Ta'n ellan rheynnit eddyr daa steat - ta Pobblaght Nerin ny steat seyr as ta Nerin Hwoaie ny cooid jeh'n Reeriaght Unnaneysit.

[reaghey] Shennaghys

Ard-art: Shennaghys Nerin

[reaghey] Çheeroaylleeaght

Boayloaylleeaght Nerin

Mysh 486 km (301 meeillaghyn) er liurid, as eddyr 275 km (171 meeillaghyn) er lheead, ta boayl mysh 84,412 km² (32,591 meeillaghyn cerrinagh) eck. Ta ram sleityn roie mygeart yn ellan lesh maghyn mooarey (ram jeh coodit lesh curree moaney) ayns y çheshvean. She Corrán Tuathail (1,041m), t'ayns sheear yiass, y clieau s'yrjey er yn ellan. Ta'n Çhannon yn awin s'odjey mysh 386 km (240 meeillaghyn) er liurid. Ta Logh Nay ayns y twoaie ny loch smoo ayns Nerin as ayns ny h-Ellanyn Goaldagh.

[reaghey] Sleih

Ta ny smoo ny shey millioon dy 'leih er yn ellan (4.34 millioon ayns Pobblaght Nerin, 1.75 millioon ayns Nerin Twoaie. She Divlyn yn caayr smoo 'sy phobblaght as she Beeal Fershtey yn caayr smoo ayns y ny Shey Coonteeyn.

[reaghey] Çhengey

Ard-art: Çhengaghyn Nerin

Ta daa hengey oikoil ayns Pobblaght Nerin - Baarle as Yernish - ach ta'n Baarle yn çhengey lee loayrit. Ta'n Yernish ynsit ayns ny scoillyn as t'ee loayrit foast myr y chied çhengey er y çheu heear, heear hwoaie as heear yiass jeh'n çheer.

[reaghey] Craueeaght

Ta'n Agglish Raueagh yn rheynn chredjue smoo (73% jeh pobble yn ellan, as mygeayrt 86.8% jeh pobble ny pobblaght), as ta'n chooid smoo jeh'n chooid elley greimmey lesh nane jeh ny rheynnyn protestoonagh. Ta'n Agglish Anglicaanagh (yn Agglish Yernagh) yn agglish phrotestoonagh smoo. Ta'n phobble Islamagh gaase, trooid yn inymmyrkey son y chooid smoo. Ta eggys beg Ewagh ayn foast. Cha nel craueeaght ec 4% jeh pobble ny pobblaght.

[reaghey] Ard-valjyn

Ta 11 ard-valjyn ayns Nerin. Rere mooadys, t'ad Divlyn (1.7 millioon), Beeal Feirshtey (700,000), Corcaigh (380,000), Doirrey (94,329), Luimneach (93,321), Galliu (71,938), Lis ny Garvagh (71,465), Purt Largey (49,240), yn Euar (27,433), Keeill Chennee (23,967) as Ard Maghey (14,590).

[reaghey] Spoyrt

Ard-art: Spoyrt Nerin

Ta daa ard-spoyrt ashoonagh ayns Nerin - cammag Yernagh as bluckaneyrys Gaelgagh ta reirit ec y CLG. Ta cohirrey ooilley-Nerin dagh ooilley vlein ayns y daa spoyrt lesh kione-chloiaghyn ayns Mean Fouyir ayns Páirc an Chrócaigh, Divlyn. Magh voue ta soccar as rugby feer chadjin myrgeddin. Ta daa wirran soccar ayn - t'ad fwirran soccar Pobblaght Nerin as fwirran soccar Nerin Hwoaie.

[reaghey] Laaragh fotografyn

Ellanyn Aran, Co. ny Galliu	Cashtal ny Blárna	Cluain Mhic Nóis	Aillte an Mhothair
Yn balley boallit Doirrey	Droghad yn Lhieng, Divlyn	Taagher ny Voawragh	Na Beanna Boirche
Carrick Pherick	Sceilig Mhichíl	Slieau Liag	Cashtal Balley Aah Trim