 Galipedia
Boteiro en Vilariño de Couso. Imaxe destacada da semana 17. Autor: Jpereira
Historia da Galipedia
A Wikipedia en galego nace oficialmente o 8 de marzo de 2003; durante algúns meses só tivo un usuario ILVI procedente da Wikipedia interlingua. O segundo usuario da Galipedia, e o primeiro galegofalante, foi Agremon o creador de todo isto e quen deu nome ao proxecto. Rexistrouse o 22 de xullo de 2003. Estes días estamos de aniversario, hai catro anos que botou a andar o wiki.
"Houbo un día en que Agremon comezou a Galipedia case como hai moi pouco ese velliño encetaba a wikipedia en lingua fulfulde (o fulani no que falan os senegaleses que venden nos nosos mercados). Co noso labor estamos demostrando que se pode facer un traballo voluntario e de calidade en galego (chegando mesmo a ser referencia doutros medios) e que, tanto dende Galicia coma dende África, queremos un mundo mellor, máis igualitario e máis xusto. Acadalo é o maior dos esforzos, pero ós poucos ímolo conseguindo." --Sobreira 9 decembro 2006
As novas da Galipedia
- Eleccións municipais 2007 en Galicia
Eleccións municipais 2007. Autor: Beninho
Co gallo das últimas eleccións municipais os editores da Galipedia ensaiaron un proxecto de edición en tempo real. Conforme o Ministerio do Interior publicaba os datos e segundo remataban os escrutinios (adiantándose nalgún caso aos medios de comunicación tradicionais) publicaronse os resultados para os máis de 300 concellos galegos. Un bo exemplo dos froitos que pode dar o traballo coordinado e colaborativo. Paralelamente estanse creando novos modelos con comparativas dos resultados por anos e acrecentando novos datos para acompañar os gráficos xa creados.
- A colaboración desde os Centros de Ensino
Moitos novos usuarios están a coñecer a Galipedia desde o seu centro de ensino. Trátase dunha vía de colaboración moi interesante que grazas ao esforzo dos mestres e alumnos colaboradores medra día a día. Algúns dos centros colaboradores son: O IES Lamas de Castelo de Carnota, o IES Pazo da Mercé das Neves, o IES Porta da Auga de Ribadeo.
Imaxe subida por editores do IES de Carnota
- O contorno Xabarín Club
Unha enciclopedia participativa, sempre en continuo crecemento, leva consigo a idea de que a obra nunca estará rematada. Isto non impide que coa imaxe do conxunto actual poida apreciarse a existencia de carencias significativas. A importancia deste programa da TVG para moitos xoves galegos queda fóra de dúbida: a mellora desta temática revelase importante co obxecto de crear unha enciclopedia que teña contidos para todos galegos e non galegos de calquera idade. Algúns editores xa están a traballar nisto e esperamos que se vaian incorporando novos usuarios co tempo.
Participación
Colabora elixindo o contido da Portada: Artigo destacado • Artigo destacado sobre Galicia • Imaxe da Semana
Tamén podes colaborar noutros temas: Categorizando • Votacións para borrar • Votación de bots
- Que se fala na Taberna
Mellorando entre todos
- Como colaborar
- Axudando a mellorar a profundidade (índice que, con base en distintos parámetros, mostra o grao de revisión dos artigos): corrixindo erros, clasificando as páxinas en categorías, incluíndo datos, inserindo imaxes, dando formato, acrecentando os artigos curtos de máis, mellorando a redacción dos parágrafos escuros,...
- Elaborando imaxes, gráficos ou fotografías libres de dereitos para ilustrar os artigos.
- Propoñendo esquemas de clasificación.
- Lendo artigos, mesmo de temas dos que non se ten coñecemento, para comprobar a redacción e a claridade dos conceptos expostos.
- Verificando se hai contidos procedentes de fontes con copyright ou se os artigos cumpren cos requisitos de neutralidade da Wikipedia.
- Revisando o rigor e a fiabilidade das afirmacións publicadas.
- Engadindo referencias aos datos e textos das entradas.
- Axudando no mantemento e na administración: canto máis medra o proxecto maiores son as necesidades de administración. A colaboración dos editores nas tarefas de mantemento permite dispoñer de tempo para deseñar procedementos máis eficaces de xestión.
A colaboración dos editores pode concretarse en varias liñas de traballo. Desde marcar as edicións vandálicas co modelo lixo, categorizar artigos que os editores non lles dan ningunha categoría (ou, se se descoñece, marcar co modelo semcat), dar a benvida aos novos editores co marcador benvida, marcar as imaxes sen orixe, sen licenza ou que vulneran as regras da Política de uso das imaxes ata mover os artigos que leven un título erróneo (que pode ser por moitas causas, como non seguir as regras da toponimia ou por un erro ortográfico). Unha tarefa moi importante é a de advertir aos administradores das deficiencias nas páxinas de axuda ou a inexistencia delas nalgún caso. Un instrumento moi útil para facilitar o traballo aos administradores é o Taboleiro dos administradores, onde calquera usuario pode comunicarse con eles. En definitiva, que calquera aportación na xestión redundará en beneficio de todos.
 Técnica
As extensións de MediaWiki permiten engadir funcións ao sistema. Estas son as últimas engadidas:
Extension:ImageMap, para definir dentro dunha imaxe áreas nas que ao clicar se acceda a unha ligazón. No servidor de aplicacións de Wikimedia hai unha ferramenta para determinar as coordenadas de cada zona da imaxe. O código escríbese entre as etiquetas <imagemap></imagemap>.
Extension:Poem, permite inserir dun xeito sinxelo poemas ou materiais semellantes sen ter que recorrer a saltos de liña ou recursos semellantes. Usando as etiquetas <poem></poem> dáse formato.
Extension:SyntaxHighlight GeSHi, neste caso coa etiqueta <source></source> coloréase o código que se inclúa. Por exemplo:
<?php
v = "string"; // exemplo de inicialización
?>
texto en html
<?
echo v; // fin do código php
?>
En Special:Version pode accederse a unha lista completa con todas as extensións de MediWiki dispoñibles na Galipedia.
Novas páxina especiais: Páxinas sen ligazóns interwiki, Artigos co menor número de revisións.
Agora non é preciso usar un modelo para asignar un bordo ás imaxes con fondo claro; co novo atributo border pode facerse. Uso: [[Image:Nome_do_ficheiro.extensión|border|100px|right]]
 Proxectos Wikimedia:
Rexistro e contrasinais
Desde principios de maio os contrasinais que coincidan co nome de usuario non poden seguir usándose. No caso de ter definido un enderezo de correo electrónico nas preferencias de usuario poderá recibirse unha nova clave, en caso contrario mesmo pode perderse o acceso a esa conta.
Captcha para evitar o rexistro automático
Seguridade nos contrasinais. Por causa dun incidente na Wikipedia en inglés na que as contas de varios administradores foron crackeadas e utilizadas abusivamente, como medida de seguridade inseriuse un Captcha para evitar os sistema automáticos de proba de contrasinais. Así mesmo revisáronse todas as contas de admnistradores na Wikipedia en inglés e en Commons para desactivar aquelas contas con contrasinais febles. Recoméndase a todos os usuarios que revisen os seus contrasinais, en particular aos administradores, e en caso necesario os substitúan por claves máis seguras. En Meta está dispoñible un documento en inglés con recomendacións.
Proxectos da Wikipedia en galego
Tamén podes colaborar noutros proxectos en galego: No repositorio de imaxes Commons. (Categoría Galicia / Galería Galicia / Material en galego / Usuarios galegos / Primeiros pasos)
No Galizionario, un dicionario multilingüe. Comezou a súa andaina o 5 de maio de 2004 e na actualidade ten 15.723 entradas.
En Galilibros unha colección de libros que poden ser escritos por todos. Conta na actualidade con 221 artigos de librería.
En Galicitas unha colección de frases célebres de todos os tempos e lugares. Conta na actualidade con 160 entradas.
En Wikifontes un repositorio de textos orixinais en galego. conta na actualidade con 82 documentos.
|
Comunidade
Novidades
A Galipedia é unha das opcións de busca na versión alfa da turbina de culturagalega.org. Entre as opcións de procura están google (web e vídeos), technorati, o DOG, culturagalega e a Galipedia. Unha vez que se insire o termo da consulta presenta o resultado na Galipedia se hai o artigo e se o termo se corresponde co nome exacto na Wikipedia en galego.
Colaboradores
Cando a Galipedia apenas contaba cuns poucos usuarios uníuse Rocastelo. Aínda hoxe é o colaborador que máis edicións fixo en artigos. É un dos usuarios que axudou a levantar a zona galega de Commons sendo dos primeiros en cargar imaxes de Galicia. Entre os seus méritos está organizar o Wikisource en galego así como o resto dos proxectos na nosa lingua. A súa pegada pode verse en centos de artigos nos que aplicou con rigor e eficacia os principios da Wikipedia. A Galipedia que coñecemos hoxe é resultado en gran medida da súa contribución.
Anteriores: Agremon / Joao Xavier / Xosel
Tarefas pendentes
- Homónimos: con frecuencia enlázase incorrectamente coa páxina de homónimos en lugar do artigo final. Corrixilo.
- Galizionario: o dicionario multilingüe en galego necesita acrecentar entradas. Editar.
- Artigos destacados: propoñer e revisar artigos para que se convirtan en destacados. Mellorar.
- Ademais seguen pendentes: PendenteCategoría (reducir os artigos sen clasificar) e En progreso (reclasificar en categorías específicas).
Bots
Bots aprobados nos últimos seis meses:
orixe cs.wp
orixe he.wp
orixe nl.wp
orixe nl.wp
orixe de.wp
orixe br.wp
orixe fr.wp
orixe da.wp
Artigos destacados
Velaquí a relación de artigos destacados (xeral e sobre Galicia) no que vai de ano:
- Xaneiro: Grecia antiga, Irmandades da Fala
- Febreiro: Segunda República Española, Himno galego
- Marzo: Protestas da Praza Tian'anmen, Castelo da Rocha Forte
- Abril: Guerras Médicas, Pedro Álvarez de Soutomaior
- Maio: Lingua galesa, Hidacio
- Xuño: Burro, Formación das liñaxes na nobreza galega baixomedieval
- Xullo: Sonic Youth, Literatura galega dos Séculos Escuros
- Agosto: Historia da escravitude, Mosteiro de San Clodio
- Setembro: O Detective Conan, Viquingos en Galicia
- Outubro: Parlamento escocés, —
Algúns temas abertos en páxinas de discusión, axúdanos a pechalos:
- Casuals: "Os casuals nascen nos anos 80, non nos setenta..." (85.56.195.162)
- A Esperela: "Alguén pode confirmar cales son os limites do lugar da esperela..." (Tacho3 )
- Medio: "Despois de lelo outra vez non o teño tan claro,..." (Acerto)
- Conxugación: "Penso que hai que crear unha páxina de homónimos..." (Kryser)
- Francisco Pi i Margall: "Francisco ou Francesc?..." (Prevert)
- Pene: "Este artigo é obxecto de vandalismos noutras Wikipedias e procede da Wikipedia en castelán no que tamén foi vandalizado repetidamente..." (Prevert)
- Hostal dos Reis Católicos: "Na literatura artística esta obra é denominada Hospital Real..." (213.60.60.30)
- Luis Michelena "Malia chamarse Luis Michelena, o certo é que el preferiu empregar sempre Koldo Mitxelena..." (193.145.249.213)
- Gallaecia Eu non vexo no texto latino nada de que tocasen a gaita xa naquela época; coido que o que din e que "facían ruido golpeando ou chocando os escudos = caetras (213.60.30.30)
- Xogo popular Neste artigo, un dos xogos do listado é "sangue", pero está enlazado a "xogo", onde non se menciona tal, se é que existe. (Lameiro)
|
