Pasta
Na Galipedia, a wikipedia en galego.
 |
| Alimentos |
|---|
|
Pan - Pasta - Queixo - Arroz |
| Cociñas rexionais |
| Asia - Europa - Caribe Sudeste asiático - Latino américa Oriente medio - Norte de África - África - Galiza Categoría: Gastronomía |
| Técnicas de preparación rexionais |
| Técnicas - Utensilios Pesos e medidas |
| Vexa tamén: |
| Chefs famosos - Cociñas - Comidas diarias Wikibooks: Cookbook |
Denomínase pasta ós alimentos preparados a partires dunha masa (a palabra pasta vén do italiano "paste", que significa masa) cuxo ingredente básico é a fariña de trigo mesturada con augua, á cal se lle pode engadir sal, ovo ou outros ingredientes, formando un produto que xeralmente é cocido en augua. Comunmente adóitase empregar a especie Triticum durum (trigo duro) na súa elaboración.
Pódense atopar diferentes tipos de pasta, fresca ou non, e de diversos tamaños, formas e variedades. Probablemente a máis coñecida é o espagueti. Os macarróns son outro dos tipos de pasta máis coñecidos, estes son de diversos tamaños, aínda que os máis coñecidos son aqueles de forma cilíndrica e ocos.
A pasta tamén fai referencia a calquera tipo de prato no cal o ingrediente principal sexa a propia pasta, servida con salsa de tomate ou calquera outro tipo de salsa.
As pastas secas ao estilo italiano fanse a partires da sémola do trigo duro, o que lle dá unha cor amarela clara e unha textura levemente cauchutosa. A pasta adóitase cociñar ao dente (en italiano: “pequeno bocado”).
Algunhas pastas americanas están feitas dunha mestura de fariña e sémola. Estas pastas adoitan ter un sabor e textura diferentes. Outras pastas como a Pizzoccheri, están feitas de trigo sarraceno. Os Gnocchi adoitan incluirse dentro dos platos de pasta, aínda que están feitos de distintos ingredientes (principalmente de patacas moídas) e teñen un xeito distinto de preparación.
[editar] Xeitos de servir a pasta
A forma máis sinxela de servir a pasta é cocida en augua e servida con diferentes mollos e salsas, cun mollo sinxelo, de tomate se se trata dun entrante, ou cun mollo que conteña carne, peixe, vexetais ou mariscos se se trata dun prato principal. O costume dos italianos de botarlle ao mollo queixo relado, convertiuse nun hábito universal, sendo moi popular hoxe en día.
Outra forma sinxela de servir a pasta, principalmente as de pequeno tamaño, é nas sopas. Ou guisada, se esta se fai dentro do mollo.
Os macarroni and cheese, son un dos pratos de pasta máis apreciados nos Estados Unidos, Fanse ao forno con queixo fundido ao forno enriba da pasta.
Existen outros pratos de pasta feitos ao forno, como a lasaña e os cannelloni.
