Mark Webber

Na Galipedia, a wikipedia en galego.

Mark Webber
Carreira na Fórmula 1
Nacionalidade	Australiano
Monopraza número	9
Escudería actual	Williams
Escudería no 2009	{{{EscuderíaVindeira}}}
Grandes Premios disputados	85
Campionatos	0
Vitorias	0
Podios	1
Pole positions	0
Voltas rápidas	0
Primeiro Grand Prix	Gran Premio de Australia de 2002
Posición no 2008	14º (7 pts)
editar

Mark Webber naceu o 27 de agosto de 1972 en Queanbeyan, Australia. Agora reside en Mursley, Inglaterra.

De pequeno xogaba ao rugby nos Canberra Raiders, equipo australiano varias veces campión de liga. A súa traxectoria no automobilismo comezou no 1991 en karts e continuou neles ata o 1993. Grazas ás súas numerosas vitorias nos karts australianos pasou a competir na Fórmula Ford, onde lle foi igual de ben ca nos karts.

Un gran costructor da Fórmula Ford, Van Diemen, quedou asombrado ao ver as capacidades de competición de Mark e levouno a competir a Inglaterra, pero sen cambiar de categoría. O seu primeiro ano alí foi brillante, de feito quedou segundo na clasificación xeral grazas ás catro vitorias sumadas nesa tempada.

Na tempada de 1997 comezou na Fórmula 3000 na escudería Alan Docking, ese ano rematou en cuarta posición, ao igual que en Macau, e en Zandvoort fíxoo cun merecedor terceiro posto.

En 1998 fixo unha estupenda actuación no campionato de GT da FIA, baixo o mando do equipo AMG. Estivo trala pisto do campión, que era Bernd Schneider e perdeu o campionato por só oito segundos no último circuito da tempada.

Ao ano seguinte continuou en AMG Mercedes pero como piloto oficial. Á metade da tempada a FIA cancelou o campionato por falta de interesados nel e Mercedes' retirouse polos dous accidentes consecutivos de Mark, un durante os entrenamentos e outro durante a carreira. Dos dous saíu ileso.

Despois da súa experiencia en AMG entrou na Fórmula 3000 europea, na cal rematou terceiro e grazas a ese resultado recibiu unha oferta dun equipo de Fórmula 1 pero rechazouno. Logo diso participou nunha sesión de probas con Benetton e superou as marcas de Giancarlo Fisichella e Ralf Schumacher. Así foi como conseguiu o seu posto como piloto de probas en Benetton para a seguinte tempada. Ademais, quedou segundo no campionato de F3 internacional co equipo Supernova.

No ano 2001 incorporouse á escudería Minardi na cal lle foi bastante ben, tendo en conta que non contaba precisamente co mellor monopraza da parrilla. Despois de dous anos nesa escudería fichou por Jaguar Racing, na cal tivo unha grande actuación. Nesta tempada 2005 aparece como compañeiro de Nick Heidfeld en Williams.