Lingua cúmbrica
Na Galipedia, a wikipedia en galego.
O cúmbrico ou cámbrico era o idioma celta británico centrado en Cumbria no noroeste de Inglaterra e que se falaba a partir do sur de Escocia ata Greater Manchester, é dicir, a rexión á que os galeses chaman Y Gogledd Hen “O vello norte”.
Só a coñecemos por tres palabras inseridas nun texto latino: Leges inter Brettos et Scottos. Estas tres palabras son «galnys» inimizade de resultas dun homicidio ou ben a débeda de sangue debida a el, « mercheta» filla e «kelkyn» círculo, cuxos equivalentes en galés moderno son «galanas», «merch» e «cylch» (en bretón «merc'h» e «kelc'h», no caso das dúas últimas palabras). Tamén hai nomes propios na Vida de san Kentigern. Onde parece haber máis trazas desta lingua é na toponimia.
A zona onde se falaba situábase dunha e doutra banda do límite actual entre Escocia e Inglaterra, na parte occidental, nos reinos de Rheged, de Gododdin e do Strathclyde. Algúns din que os bardos Taliesin e Aneurin do século VI terían composto as súas obras nesta lingua. Segundo os textos que chegaron ata nós, non era moi diferente do galés antigo, lingua mellor coñecida. Tampouco diferiría demasiado da lingua bretoa falada nesta época.
Na actualidade hai esforzos de reconstruír a lingua usando palabras e frases que sobrevivan entre os falantes locais de inglés.
| Linguas celtas | |||
| Linguas celtas continentais | Galo †| Lepóntico † | Gálata † | Celtibérico † | Nórico † | ||
| Linguas goidélicas | Irlandés | Gaélico de Galloway ? † | Manx | Gaélico escocés (Gaélico escocés • Gaélico canadiense) | ||
| Linguas britónicas | Bretón | Córnico | Britónico † | Cúmbrico † | Ivérnico ? † | Picto ? † | Galés | ||
| Linguas mesturadas | Shelta | Bungee † | ||
| † Lingua morta | |||
