Lima
Na Galipedia, a wikipedia en galego.
|
|||
| Tamén chamadas: "La Ciudad de los Reyes" ("A cidade dos reis") |
|||
 |
|||
 |
|||
| Fundación | 18 de xaneiro de 1535 | ||
| Subdivisións | 43 distritos | ||
| Alcalde | Luis Castañeda Lossio | ||
| Área | 2.664,67 km² | ||
| Poboación - Total - Densidade |
8.380.300 (2004) 3 019/km² |
||
| Zona horaria | UTC/GMT-5 | ||
| Latitude | 12º 2.6´ S | ||
| Lonxitude | 77º 1.7´ O | ||
| Páxina web oficial: www.munlima.gob.pe | |||
Lima é a cidade capital do Perú. Tamén o foi do Virreinado do Perú. Está situada ás beiras do Océano Pacífico, na costa central deste país.
Índice |
[editar] Historia
A cidade de Lima foi fundada por Francisco Pizarro o 18 de xaneiro de 1535 co nome español de Ciudad de los Reyes, mais co paso do tempo persistiu o seu nome orixinal que provén do idioma aimara (lima-limaq, flor amarela) ou do quechua (rimaq, falador) polo seu río, o Rímac. Aínda que a súa historia como tal comeza coa colonización española, na zona existía xa un poboamento de culturas preincaicas e mesmo un importante santuario-oráculo inca, cuxo tesouro foi pagado coma rescate a Francisco Pizarro, que talvez por iso elixiu o lugar para fundar a capital do futuro virreinado en 1535. Fíxoo coa tradicional parrilla ortogonal do urbanismo colonial hispano na beira sur do río Rímac.
Nos primeiros mapas do Perú pódense ver conxuntamente o nome de Lima co da Cidade dos Reis.
Hoxe, na primeira década do século XXI, a ‘‘‘"Lima Metropolitana"‘‘‘ é unha cidade de máis de 8 millóns de habitantes, totalmente conurbada co Callao e en claro proceso de megalopolización.
¹Parece que o lugar do cidade foi decidido o 6 de xaneiro – no festivo dos Reis Magos – por iso o nome "Cidade dos Reis". Mais, a fundacion formal da capital fíxose 12 días despois, o 18 de xaneiro.
[editar] Xeografía
A cidade abrangue os vales dos ríos Chillón, Rímac, Surco e Lurín; estendéndose así sobre unha área de 2.664,67 km².
Debido á súa extensión, que na actualidade chegou a abranguer certas zonas desérticas, hai quen a considera a cidade máis extensa sobre un deserto, seguida de Cairo. Non obstante, hai que ter en conta que a cidade de Lima foi fundada sobre un val (o val do río Rímac), estendéndose até ocupar outros dous máis.
[editar] Litoral
Esténdese desde o quilómetro 50 da panamericana norte, á altura do distrito de Ancón no límite coa provincia de Huaral, até o distrito de Pucusá á altura do km 60 da panamericana sur, no límite da provincia de Cañete, o que fai unha extensión de pouco máis de 130 quilómetros de praias.
[editar] Poboación
A capital peruana posúe ao redor dun terzo do total da poboación nacional. Os seus máis de 8 millóns de habitantes son produto principalmente da migración rural -urbana das últimas décadas-, especialmente desde os anos 60 do século XX. A capital peruana encóntrase entre as 28 cidades máis poboadas do mundo.
Situada perto do Océano Pacífico ao que se asoma polo seu porto do Callao, e tendo as súas costas a precordilleira dos Andes, o seu xigantismo é tal que representa un terzo da poboación do país, con graves problemas de asentamentos espontáneos ("pobos de xente nova") polo constante fluxo de inmigrantes do interior rural andino.
[editar] Economía
A capital peruana concentra máis do 75% da produción industrial e é o centro financeiro do país. As principais actividades comerciais son a industria, o comercio e o turismo.
[editar] Transporte
Existen máis de 450 liñas de transporte urbano, formada principalmente polas chamadas "combis", camionetas rurais que fan servizo público, ademáis de microbuses e buses en menor número. Existe ademais un tren eléctrico que circula nun tramo de 10 quilómetros no sur da cidade, o cal está en construción para culminar a súa rota no norte da cidade.
Existen praias ao largo de todo o seu litoral, durante case 100 Km, e estradas polo seu doado acceso en non máis de 40 minutos. Isto proporcioa no verán a facilidade para que os habitantes accedan a un dos seus pasatempos máis populares.
[editar] Servizos
A capital peruana estendeu ao máximo o concepto de comodidade para facilitar a vida dos seus máis de oito millóns de habitantes, pois moitos dos comercios como farmacias, supermercados e tendas atenden o público as 24 horas do día e incluso funcionan sen pechar durante todo o ano. Isto obsérvase, sobre todo, na área de servizos (supermercados, gasolineiras, bancos, centros comerciais, restaurantes,...). Tamén é popular a entrega a domicilio, se ben pode chegar a lugares distantes, como as praias, incluso por un único transportista.
Existe tamén grande oferta de centros de diversión nocturna como bares e discotecas, repartidas ao redor de distritos bohemios como Barranco e Miraflores, así como nas zonas norte ("A Rúa 8" en Comas) e sur da cidade.
A oferta de cines na cidade é moi axeitada, contando con salas modernas de última xeración, procurando estreas que case semprese dan simultaneamente con Estados Unidos e Europa.
A inusual oferta de servizos na cidade débese a que o maior movemento económico está distribuído en zonas habitadas, economicamente falando, por xente de clase media e non en zonas de xente de clase alta, o que xera unha gran demanda.
[editar] Cultura
[editar] Educación
Lima é un dos principais centros culturais do Perú. Posúe 28 universidades, entre as cales a Universidade Nacional Maior de San Marcos, Decana de América, preséntase como a máis antiga no continente, sendo fundada o 12 de maio de 1551.
[editar] Museos
Como importante centro cultural, Lima conta cunha gran lista de museos que poden ser de interese desde o punto de vista cultural para o visitante.
[editar] Centro histórico
A orixinalidade do seu centro histórico valeulle ser declarado pola UNESCO como Patrimonio da Humanidade no ano 1988.
[editar] Política
Lima é a cidade capital da República do Perú. É sede do Palacio de Goberno, o Congreso da República e a Corte Suprema de Xustiza do Perú. É tamén sede da Secretaría Xeral da Comunidade Andina de Nacións e a Comunidade Sudamericana de Nacións.
[editar] Goberno
A Provincia de Lima non integra ningunha rexión administrativa do Perú, segundo o artigo 65 da Lei 27867 de Gobernos Rexionais do 16 de novembro de 2002. Ten como "capital" o distrito de Cercado de Lima.
Na provincia de Lima as competencias e funcións recoñecidas aos gobernos rexionais son transferidas á Municipalidade Metropolitana de Lima, a cal posúe autonomía política, económica e administrativa nos asuntos da súa competencia rexional e municipal.
A Provincia de Lima á súa vez está integrada por 43 distritos.
[editar] Galería de fotos
 Catedral de Lima |
 Casona da Universidade Maior de San Marcos |
 Panamericana Sur |
 Municipalidade Metropolitana de Lima |
 Praza de San Martín |
 Parque da Exposición |
 Pazo do Goberno |
 Pazo de Xustiza |
 San Isidro |
 Centro Financieiro |
 Hora punta en Lima |
 Club Nacional |
 Chosica |
 Praza de Armas |
 Hotel Country Club |
 Estadio Monumental |
[editar] Ligazóns externas
- Opinión do diario español ABC sobre Lima e o seu centro histórico
- Portal da Municipalidade Metropolitana de Lima
- Participa Perú - Rexión de Lima Metropolitana
- Plan de Desenvolvemento da Rexión de Lima Metropolitana
- Relixiosidad na Cidade de Los Reyes
- Igrexa Católica en Lima
- Illas Palomino
