Corona Borealis

Na Galipedia, a wikipedia en galego.

Corona borealis

Nome Latino	Corona Borealis
Abreviatura	CrB
Xenitivo	Coronae Borealis
Simboloxía	A Coroa do Norte
Ascensión Recta	16 h
Declinación	+30°
Área	179 graos cadrados Rango 73º
Número de estrelas (magnitude < 3)	1
Estrela máis brillante	(α CrB) (Alphecca or Gemma) (magnitude ap. 2,2)
Choiva de meteoros	Ningún
Constelacións colindantes	Hercules Boötes Serpens Caput
Visible en latitudes entre +90° e −50° Mellor visibilidade ás 21:00 (9 p.m.) durante o mes de Xullo

Corona Borealis (Latin para Coroa Boreal) é unha pequena constelación boreal onde as súas principais estrelas forman un arco semicircular. Esta é unha das 88 constelacións modernas, e foi tamén unha das 48 constelacións listadas por Ptolomeo, quen referiu á constelación coma Coroa. A palabra Borealis foi engadida despois, en contraste coa Corona Australis, a Coroa Austral.

Non ten estrelas de primeira magnitude. A súa estrela máis brillante, α CrB (Alphecca, tamén coñecida coma Gemma) ten unha magnitude de 2,2 (lixeiramente variable) e é considerada membro difuso da asociación estelar de Ursa Major. A constelación contén moitas estrelas variables interesantes: dúas das máis coñecidas son R Coronae Borealis e T Coronae Borealis.

[editar] Estrellas

[editar] Estrellas principais

α Coronae Borealis (Alphecca, Gemma ou Gnosia), de magnitude 2,22 e situada a 72 anos luz da Terra, é unha estrela binaria cunha compañeira que xira ó seu redor nun período de 17,4 días.
β Coronae Borealis (Nusakan). De magnitude 3,66 tamén é un sistema binario.
γ Coronae Borealis, de magnitude 3,81 forma parte dun sistema triple e está a 140 anos luz da terra.
θ Coronae Borealis, estrela binaria de magnitude 4,14, cunha compoñente principal que é unha variable eruptiva.
κ Coronae Borealis, xigante laranxa de magnitude 4,82 cun planeta extrasolar.
ν Coronae Borealis, binaria óptica formada por dúas xigantes vermello-alaranxadas, ν¹ Coronae Borealis e ν² Coronae Borealis.
ρ Coronae Borealis, de magnitude 5,39 ten un planeta extrasolar.

[editar] Outras estrelas con designación Bayer

10/δ CrB 4,59 atopase a 165 anos luz da Terra. 13/ε CrB 4,14; 7/ζ¹ CrB 6,00; 7/ζ² CrB 5,07; 2/η CrB binaria 4,99 - 6,08; 14/ι CrB 4,98; 12/λ CrB 5,43; 6/μ CrB 5,14; 20/ν¹ CrB 5,20; 21/ν² CrB 5,40; 19/ξ CrB 4,86; 1/ο CrB 5,51; 9/π CrB 5,57; 17/σ CrB binaria 5,23 - 6,66; 16/τ CrB 4,73; 18/υ CrB 5,80

[editar] Outras estrelas notables

R Coronae Borealis, estrela variable de magnitude 5,85, superxigante amarela que perde intensidade a intervalos irregulares. Da nome a un tipo de variables.
T Coronae Borealis, nova recurrente que estourou nos anos 1866 e 1946.

[editar] Obxectos notables do espazo profundo

Corona Borealis non contén obxectos do espazo profundo brillantes. Abell 2065 é un cúmulo de galaxias que contén cerca de 400 membros, o máis brillante deles é de magnitude 16.

[editar] Mitoloxía

Corona Borealis e Bootes.

Na mitoloxía grega a coroa pertence a Ariadna, filla do rei de Minos. Ariadna non quería acepta-la proposta de matrimonio de Dionisio, que tiña forma mortal, pois non quería casar cun humano despois de ser abandoada por Teseo. Para probar que era un deus, Dionisio quitouse a corona e lanzouna ó ceo. Ariadna, compracida, casou con el e tornou inmortal.

Outra lenda di que Dionisio agasallou a Ariadna unha coroa coma presente de bodas. Cando ela mureu, o deus lanzou a coroa ó ceo onde ficou coma constelación. Posteriormente Ariadna foi divinizada por Zeus.