Arabysk
Ut Wikipedy
It Arabyske is in taal út de Afro-Aziatyske taalfamylje, dus relatearre oan it Hebrieusk en oan it Arameesk, nei alle gedachten de taal fan Jezus Kristus. It wurdt praat yn in grut diel fan it Heine Easten en oan de noardkust fan Afrika, yn likernôch 22 lannen.
Ynhâld |
[bewurkje seksje] Islam
It Arabysk is de religieuze taal fan mohammedanen, en de taal dêr't it hillige boek fan de Islam, de Koaran yn skreaun is. It is net sa dat alle mohammedanen de taal sprekke, mar Arabysk wurdt al leard en brûkt troch mohammedanen de hiele wrald oer.
[bewurkje seksje] Klassyk Arabysk
De standertfoarm fan de taal hjit Klassyk Arabysk. Dizze foarm wurdt yn boeken, yn 'e media en yn de religieuze lear brûkt; it is in offisjele taal yn alle Arabyske lannen. Der is lykwols, lykas mei oare skrifttalen, in dúdlik ferskil tusken de skreaune foarm fan it Klassyk Arabysk en de sprutsen foarm. Of de foarmen as twa aparte talen beskôge wurde moatte is net eltsenien it oer iens.
[bewurkje seksje] Deistiche taal
Yn it deistich libben wurdt in grutte tal fan lokale dialekten praat; dy dialekten wurde net skreaun.
[bewurkje seksje] Skrift
Arabysk wurdt yn it Arabyske skrift skreaun, in skrift dat fan rjochts nei lofts rint. Dat Arabyske skrift wurdt ek brûkt foar in soad oare talen, bygelyks Persysk en Urdû. Krekt as it Latynske skrift giet it Arabyske skrift werom op it Fenisyske skrift. Ut it orizjinele Fenisyske skrift is it Nabeaanske skrift ûntstean, wat de direkte âldfaar fan it Arabyske skrift west hat.
