Alfonso Cano
Wikipedia(e)tik
 |
||
| Datu pertsonalak | ||
|---|---|---|
| Izen osoa | Guillermo León Sáenz Vargas | |
| Ezizena | Alfonso Cano | |
| Jaiotza data | 1951ko uztailaren 22a | |
| Bogota (Kolonbia) | ||
Guillermo León Sáenz Vargas (Bogota, 1951ko uztailaren 22a - ) Alfonso Cano moduan ezagutua, FARC-EPko mendebaldeko blokeko nagusia da 2008ko maiatzaren 25etik gutxienez, Manuel Marulandaren ordez. Azken honen heriotzaren ondoren munduan denbora gehien gerrilari gisa aritu dena dela kontsideratzen da. Antropologoa da eta horrez gain zuzenbide ere ikasi zuen.
1970ko hamarkadan Kolonbiako Alderdi Komunistan militatu zuen. Bertan bertako arduradunetako bat izatera heldu zen. Garai horretan nahikotan atxilotua izan zen. 1980ko hamarkadan gerrillan sartu zen eta Union Patroticaren sorreran parte hartu zuen, Belisario Betancourt presidentearekin egindako bake negoziazien parte gisa.
Paramilitarrek eta militarren Union Patrioticako 3.000 militante desagertarazi edo erail zituzten eta orduan FARCeko iparekialdeko atalaren arduraduna izan zen, Uraba eskuladean, Panamarekin mugan. 2000tik aurrera Kolonbia Berriko Mugimendu Bolibartarraren arduraduna da. Bere aurka gaur egun 47 atxilotze agindu ditu, horietako bat Interpolena. Hala ere Cesar Gaviriarekin Caracasen eginiko negoziazioetan eta Mexikoko Tlaxcalan egin zirenetan berak hartu zuen parte.
