Fas
Wikipediya ra, ensiklopediya hosere
 |
|
| Paytext/Sersuke | Rabat |
| Suka tewr gırde | Kasablanka |
| Zıwan | Erebki |
| Hukmat | Monarşiya Qanuniye |
| Erd | |
| - Pêro-pia | 446,550 |
| - % awe | (%) 0.1 |
| Nıfus | |
| - Pêro-pia | 31,478,000 |
| - Sıxletina nıfusi serê km² | 66/km² |
| Yewina Perey | Dirhem (MAD) |
| Warey Saete | 0 |
| Kılmkerdışê pela interneti | .ma |
| Kodê têlefoni | +212 |
Fas (المغرب) yew dewleta qıta Afrikao. Caê xo mıntıqa ra zımey (şımalê) qıta Afrika dero. Zımey Fasi de Deryao Sıpê (Deryao Miyanên) u İspanya; veroc (cenub) de Moritanya; rocakewtene (rocvetış, şerq) de Cezayir; rocawan (ğerb) de Oyanuso Atlantik estê. Paytextê Fasi suka Rabatio. Fas ezaê Mılliyetanê Yewbiyaiyan u Yewina (Jewbiyaena) Erebio. Sistemê idarey xo monarşiya qanuniya u Fas de demokrasiye çına.
Tedeestey |
[bıvurne] Tarix
Tarixê Fasi zaf khano. Verende ra merdumê Berberan Fas de ronişte biyê. Feqet bênatey serranê 200 u 800an de İmparatoriya Roma u İmparatoriya Bizansi erdê Fasi işğal kerdo. Seserra 8ine de Emewi Ereban erdê Fasi de hukım kerdo u Berberan pêrune İslamiyet qebul kerdo. Serra 711ine de merdumê Fasi (Emewi Erebi) şiyê İspanya u hetan serra 1492ine İspanya idare kerda. Seserra 19ine de Fransa Fas işğal kerdo u Fas biyo be koloniya/mıstemera Fransa. Eskerê Fransa Fas de zaf terteley kerdê. Serra 1956ine de Fas xo reyno ra, xoser ilan kerdo.
[bıvurne] İklim u Suki
İklimê Fas vuriyeno. Rocawanê (ğerbê) Fasi de iklim weşo. Feqet rocvetışê (şerqê) Fasi de hewa zaf germıno; tici zaf erzena. Rocvetışê (şerqê) Fasi de erd çolo. Mıntıqa ra Oyanuso Atlantiki de hewa zaf honıko.
Sukê (Bacarê) Gırdi:
- 1. Kasablanka, Nıfus: 3,5 milyoni
- 2. Rabat, Nıfus: 1,2 milyoni
- 3. Tangier, Nıfus: 669,685
- 4. Agadir, Nıfus: 678,596
- 5. Mohammedia, Nıfus: 188,619
Suka Kasablanka zaf raver şiya. Banê xeylê berzi u binaê ke hetê mimarine de mıkemmel vıraziyaê, estê. Kasablanka bacarê dewizio, paytextê borsao, merkezê İqtısadê Fasio. Suka Rabati merkezê siyasetia.
[bıvurne] Nıfus
Nıfusê Fasi 31 milyono. % 90 şarê Fasi rocawanê (ğerbê) Fasi de roniştiyo. % 99 şarê Fasi Ereb u Berberê. Dinê Fasi İslamo; feqet taê İsewiti/Xrıstiyani u Musewi ki estê. Merdumê ğeribi senıkê. Zıwano resmi Erebkiyo; feqet xeylê merdumi Berberki qısey kenê. Nuskar u wendoğê xo zaf niyê.
[bıvurne] İqtısad
İqtısadê Fasi qewetın niyo. Endustriye, turizm u maden zaf muhimê. Standardê heyati hewl niyo. Gırdina iqtısadi ra Fas qıta Afrika de ê phancıno; Fas dıma Afrika Cenubi, Mısır, Cezayir u Nicero.
[bıvurne] Çımey
 |
Dewletê Afrika | |
|---|---|---|
|
Afrika Veroci • Angola • Benin • Botswana • Burundi • Burkina Faso • Cezayir • Cibuti • Cumhuriyetê Afrika Miyanêne • Cumhuriyetê Kongoê Demokratiki • Çad • Eritre • Etyopya (Hebeşıstan) • Fas • Gabon • Gambiya • Gana • Gine • Gineya Bissaoy • Gineya Ekwatori • Kamerun • Kap Verde • Kenya • Komoroy (Adey Komoroy) • Kongo • Lesotho • Liberya • Libya • Madagaskar • Malawi • Mali • Maurityus • Mısır • Moritanya • Mozambik • Namibya • Nicer • Nicerya • Rwanda • Sahilê Dıdanê Fili • São Tomé u Principe • Senegal • Seyşeli (Adey Seyşeli) • Sierra Leone • Somalya • Sudan • Swaziland • Tanzanya • Togo • Tunıs • Uganda • Zambiya • Zimbabwe |
||
