Farfalla finuchjaghja
From Wikipedia
A Farfalla finuchjaghja (o Sbarabatula finuchjaghja) (Papilio machaon) hè un tipu di farfalla chì face parte di a famiglia di e Nymphalidae. Hè una farfalla maiò, incù una apertura alare massima di 8 o 10 centimi. Per via di quessa si vede è si scontra à spessu in a natura, da aprile à sittembre. L'ale di daretu di a farfalla finuchjaghja hanu spezia di coda. Ci hè pocu dimurfisimu sessuale è u masciu è a femina sò guasi listessi. A farfalla finuchjaghja bula lestru è ùn hè micca cusì faciule d'ussirvà la annantu à un fiore.
I brughi sò verdi, incù anelli neri pichjulati di giallu. Si nutriscenu per u più di finochji, ma ancu di rundoni. I brughi hanu un organu particulare, chì li serve per difense si, situata daretu à u capu. 'Ssu organu hè arancinu è puzza assai.
A farfalla finuchjaghja s'assumiglia assai à a farfalla ferulaghja, una spezia di farfalla endemica di a Corsica è a Sardegna. Ma esistenu qualchì differenze.
Esistenu 37 sottispezie di farfalla finuchjaghja.
Cuntenutu |
[edit] In Corsica
A farfalla finuchjaghja hè cumuna in Corsica. Si scontra ind'ellu ci hè u finochju. Esiste dinù in Corsica a farfalla ferulaghja, una spezia endemica di a Corsica è di a Sardegna. E dui farfalle si ponu cunfonde, ma a coda di a farfalla finuchjaghja hè più longa ca quella di a farfalla ferulaghja.