Filip Oillo
Diwar Wikipedia, an holloueziadur digor
Filip Oillo zo un emsaver hag ur skrivagner brezhonek.
Ganet e 1956 e Gwened, en ur familh gwriziennet e Teiz e Bro-Wened Uhel, met tremen a reas e yaouankiz e Aljeria hag e Senegal, ma teskas wolofeg. Brezhoneg ivez a zeskas gant e dud-kozh, ha goude e-unan, en ur genderc'hel gant e studi, eus Dakar da Bariz ha da Dolosa ma tapas e ziplom ijinour e Skol Vroadel an Nijerezh.
[kemmañ] An Emsaver
Deuet da Vreizh e penn-kentañ ar bloavezhioù 1980, e kemeras perzh e savidigezh skol Diwan Landerne hag e Gouelioù Kann al Loar, ur gevredigezh a vo prezidant anezhi e-pad 10 vloaz.
E Burev Diwan Breizh eo bet e-pad pell. Pa soñje dezhañ e oa Diwan o vont da goll hec'h ene e roas e zilez eus ar burev war un dro gant Daniel Kernalegenn, Mari Madeg ha Dora Vargas pa voe anv a sinañ un emglev gant ar Stad C'hall a-benn enframmañ Diwan en deskadurezh Stad dindan renerezh Andrew Lincoln, prezidant Diwan da neuze.
E Kuzul-merañ Ofis ar Brezhoneg emañ bremañ (2006).
[kemmañ] Ar Skrivagner
Apokalips 9, e zanevell gentañ, a voe embannet e 1988 e-barzh Al Liamm. Re all zo bet war he lerc'h: Alc'hwez ar Baradoz, Sant Emilion Da Virviken, Al Loman dizanv, Palankin ar Seizh Plijadur Warn-Ugent,.....
E 1994 e teuas er-maez kentañ levrenn un droidigezh diwar spagnoleg ar XVvet kantved, levr-bourzh Kristol Goulm (Levr bourzh ar veaj kentañ, levrenn gentañ, Al Liamm).
E 1996, e voe embannet gant Al Liamm, e gentañ romant, Blaz An Holen, a c'hounezas gantañ ar Priz Langleiz e 1995, istor un den o vevañ e kornad Brest hag o veajiñ eus Bro-Wened da Goumbala, ur vro faltaziet eus Afrika du.
Diskleriet e oa bet gant an oberour e teuje ur romant all C'hwez Ar Pebr war-lerc'h. Met n'eo ket deuet c'hoazh er-maez.
[kemmañ] E skridoù
- Levr bourzh ar veaj kentañ, Al Liamm, 1994, ISBN 2736800397
- Blaz an holen, Al Liamm, 1996, ISBN 2736800494
- Danevelloù : Apokalips 9, Alc'hwez ar Baradoz, Palankin ar seizh plijadur warn ugent (embannet dindan an anv Palankin ar seizh Eurusted warn ugent), Sant Emilion da virviken, Al loman dizanv, Eñvorennoù, Ur stand en ur gouel.
