Eris (doueez)

Diwar Wikipedia, an holloueziadur digor

Eris (Ἔρις e gregach) a oa c’hoar da Ares, ha gevellez dezhañ. Krouet e voe pa stokas he mamm Hera ouzh ur vleunienn.

Klotañ a ra gant an doueez roman Discordia, an Dizemglev. Ar skeudenn gontrol dezhi eo Harmonia, a zo Concordia e latin.

En Ilias ez ae gant he breur Ares, doue ar brezel, en aervaoù, ha c’hwezhañ a rae kasoni etre ar vrezelourion. Tennañ a ra neuze da Enio.

Naered eo he blev, labezet a wad eo he dilhad, hag un naer a vez ganti en he dorn.

Taolenn 1 Brezel Troja 2 Troioù all 3 He bugale 4 Ger

[kemmañ] Brezel Troja

Dre ma oa droug enni abalamour ma ne oa ket bet pedet da eured Tetis ha Pele e taolas da b-Paris un aval-aour skrivet warnañ Ἡ καλὴ λαϐέτω, hê kalề labétô ( da reiñ d’an doueez vravañ): an aval a zizemglev-se eo a voe kaoz da vrezel Troja (gwelout barn Paris).

[kemmañ] Troioù all

Gant Ares e kemeras perzh e brezel al Lapited a-enep an dud-kezeg.

Kemer a reas stumm Rea hag en ur c'harr sachet gant leoned e vroudas Dyonisos d'en em gannañ gant Lycurgue.

[kemmañ] He bugale

Engehentañ a reas ur ribitailh bugale gwalloberius : an Naon, an Ankoun, ar Boan, ha nouspet hini all.

[kemmañ] Ger

• Eristik a vez graet ivez eus arz an daelañ.
• Eris zo ivez anv ur blanedenn gorr, anvet diwar he lerc'h.