Геаграфія Харватыі
З Вікіпедыя.
Харватыя — дзяржава ў паўднёваўсходняй Еўропе, на Балканскім паўвостраве. Плошча — 56 542 км2, плошча воднай акваторыі — 33 200 км2. Насельніцтва — 4 495 904 чалавека (2005 год)
Змест |
[правіць] Агульныя звесткі
Сталіца і найбуйны горад — Заграб (779 тысяч жыхароў). Вышэйшая кропка краіны — г. Дынара, цэнтральны пік Дынарскага сугор'я (1 830 метраў).
Краіна складаецца з двух частак кантынентальнай, размешчанай, галоўным яынам, у басейне ракі Савы; і адрыятычнай, выцягнутай вузкай паласой па ўзбярэжжы Адрыятычнага мора. Характэрнай асаблівасцю адрыятычнага ўзбярэжжа з'яўляецца незвычайна вялікі лік астравоў, звычайна выцягнутых раўналежна берагу з паўднёвага захаду на паўночны ўсход. Адрыятычнае ўзбярэжжа Харватыі ўтварылася пры структурна-дэнудацыоным раздзяленні ў выніку апускання заходняй часткі Балканскага паўвострава і частковага затаплення морам берагавых хрыбтоў Дынарскага сугор'я. Шматлікія астравы, звілістыя залівы і пралівы ў спалучэнні са Міжземнаморскай расліннасцю надаюць узбярэжжу незвычайна маляўнічы выгляд. 1185 Далматынскіх астравоў займаюць плошчу каля 2500 км², з іх населеныя каля 60. Самыя вялікія — Црэс і Крк займаюць плошчу больш 405 км2, самыя маленькія — малюсенькія скалы пасярод мора. На астравах размешчаныя тры з васьмі нацыянальных паркаў Харватыі — Брыуны, Карнаты і Млет. Працягласць марскога берага – 5 835 кіламетраў; з іх 1 777 кіламетраў – даўжыня кантынентальнага ўзбярэжжа, 4 058 кіламетраў – даўжыня берагавой лініі астравоў.
[правіць] Межы
На поўначы Харватыя мяжуе са Славеніяй (670 км), на паўночным усходзе з Венгрыяй (329 км), на ўсходзе з Сербіяй (241 км), на поўдні з Босніяй і Герцагавінай (932 кіламетру) і Чарнагорыяй (25 км). У паўднёвай частцы адрыятычнага ўзбярэжжа да мора выходзіць вузкі 10-кіламетровы ўчастак Босніі і Герцагавіны, на якім размешчаны горад Неум. З-за гэтага паўднёвая частка Харватыі, цэнтрам якой з'яўляецца горад Дуброўнік, адрэзаная па сушы ад астатняй часткі краіны.
[правіць] Клімат
Кліматычныя ўмовы розных рэгіёнаў краіны вельмі разнастайныя. У паўночна заходняй і ўсходняй Харватыі клімат — умерана-кантынентальны і кантынентальны. Узімку маразы слабыя, але часам ідзе снег, вясна і восень працяглыя і дажджлівыя, лета цёплае, часамі засушлівае. У горных раёнах клімат характэрны для сярэднегор'я — халодныя і снежныя зімы, цёплае лета. На ўзбярэжжа і астравах клімат міжземнаморскі — дажджлівая і бясснежная зіма, доўгае і цёплае лета, мяккія вясна і восень. Турыстычны сезон на ўзбярэжжа доўжыцца з сярэдзіны мая па сярэдзіну кастрычніка.
[правіць] Гл. таксама
- Гарады Харватыі
- Спіс астравоў Харватыі
- Далматыя
