Peste negra

De Biquipedia

Albertenzia: Wikipedia no ye un consultorio medico.

Si creye que aprezisa d'aduya, por fabor consulte con un profesional d'a salut.

Mapa á on puede beyer-se a distribuzión d'a Peste Negra por o continent europeyo á meyatos d'o sieglo XIV

A Peste negra (tamién conoxita como a Muerte negra) estió una epidemia de peste, que alleró Europa e Asia en a metat d'o sieglo XIV (1347-1351), e se calcula que prebocó a muerte d'alto u baxo un terzio d'a poblazión europeya. L'apelatibo negra con que os coetanios clamaban á la malautía biene d'o feito de que os afeutatos presentaban manchas foscas en a piel como consecuenzia d'emorrachias sozcutanias. A peste ye causata por a bauteria Yersinia pestis que se contaxa por as pulgas con l'aduya d'a rata negra (Rattus rattus). En a Edat Meya pensaban que ista malautía la lebaban os gatos e prenzipioron á acotolar-los. A cosa encara estió peor ya que os gatos se minchaban as ratas, e cuan matoron os gatos, o numero de rates aumentó e tamién o numero d'afeutatos por la malautía. A mayoría d'imbestigadors atribuyen a Peste Negra a un brote de Peste Bubonica anque en l'autualitat, bels espertos custionan o modo de transmisión d'a epidemia.

• Se beigan as imachens de Commons sobre a Peste negra.