Cuerbo
De Biquipedia
| Cuerbo | ||||||||||||||||
|---|---|---|---|---|---|---|---|---|---|---|---|---|---|---|---|---|
 Cuerbo grallador (Corvus corax) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Corvus corax | ||||||||||||||||
| Linnaeus, 1758 | ||||||||||||||||
 Destribuzión d'es cuerbos per o mundo |
O cuerbo (Corvus corax (L., 1758)) ye un muixón d'a familia d'es corbidos de bels 65 - 70cm de lonchitut, e 105 - 120cm d'amplaria d'alas, estando asinas o més gran animal aintro d'ista familia d'abes.
Per o suyo aspeuto fesico se l'ha trafulcato á sobent con a cuerba, asumindo-se popularment belas begadas que en yera o masclo d'a mesma espezie, per estar més gran que no ixa altra abe, e alazentando-se en as parellanidaz d'es dos animals, se gosa á empregar a (erronia) expresión cuerbo masclo ta desinnar iste animal en contraposizión con l'altro. En bels charrars también se fan refrenzias ent'a suya mida achuntando-ie formas aumentatibas ta ro nome: corbás en benasqués u corbazo en baxorribagorzano. También per es suyos costumbre carroñadors se'n diz cuerbo burrero en mutos puestos.
Ye una espezie de destribuzión cuasi hommochenia en tot l'amplo de l'hemisferio norte, en Eurasia e America d'o Norte, espezialment per causa d'a suya bersatilidat alimentaria. Es unicos puestos á on no se bei guaire son ixes á on abundan altras espezies semilars que compiten con ers, como ras cuerbas e grallas, como también en as ziudaz.
