Corbu

From Wikipedia

U corbu
Corvus corax
Classificazioni scentifica
Regnu	Animalia
Divisioni	Chordata
Classa	Aves
Ordini	Passeriformes
Famiglia	Corvidae
Genaru	Corvus
Nomu binuminali
Pyrrhocorax graculus Linnaeus, 1758

U corbu (Corvus corax) hè un aceddu chì faci partita di a famiglia di i Corvidae. Hè neru neru è ancu u bizzicu hè scuru. Pesa sin'à 1,5 kg, par una lunghezza di circa 60 cm. L'apartura di l'ali và da 1 à 1,5 metri. L'adulti formani coppii stabuli, chì si riproducini da frivaghju à maghju. A femina sponi da 4 à 6 ova l'annu, tutti in una cuvata. U corbu hè difficiuli da avvicinà, ma pò essa ussirvatu in picculi bandi o in coppiu, in i loca salvatichi o in i furesti.

Cuntenutu 1 In Corsica 2 Citazioni 3 Gallaria d'imagini 4 Rifarenzi 5 Da veda dinò

[edit] In Corsica

U corbu hè prisenti in Corsica.

[edit] Citazioni

U corbu hè mintuvatu à spessu in a cultura è in a litteratura corsa. Par asempiu:

• in u pruverbiu: U corbu dici chi u più beddu piulaconu hè u soiu.
• in u pruverbiu: Corbi cù corbi ùn si cacciani l'ochji.
• in a sprissioni: Aghju addivatu i corba par caccià mi l'ochja.
• in a sprissioni: Ùn vedi mancu u corbu in u latti ! (si dici dinò: Ùn vedi mancu a mosca in u latti !
• in a sprissioni: fà u viaghju di u corbu, chì significheghja: fà un viaghju par nudda
• in a sprissioni: fà a caccia pa i corba, chì vol dì: fà a caccia par nudda
• in a puisia U ciocciu è u corbu di Carulu Giovoni:

À fà di ghjornu, quandu a notte si n'andava

Capulendu a luna, u sole s'annunciava

In un' oscura furesta

S'infattonu testa à testa

Dui acelli di preda o di malincunia:

Apria l'ochji u corbu è lu ciocciu i chjudia.

[edit] Gallaria d'imagini

[edit] Rifarenzi

• Papi, Arnestu, [1], Pruverbii, detti è sprissioni di Corsica è d'altrò: Animali citati in i pruverbii
• Thibault, Jean-Claude, Acelli di Corsica - Les oiseaux de Corse, 1983, PRNC (in francesu)

[edit] Da veda dinò

• a chjaccula
• aceddi di Corsica