De Biquipedia
Bariedaz de l'aragonés |
Campés |
|
Nombre local: |
Campés |
Charradors: |
? |
Localizazión cheografica: |
Ribagorza |
Lugar(s) prenzipal(s): |
Campo |
Rasgos dialeutals: |
De transizión ta o catalán |
Bitalidá: |
Alta |
Escritors prenzipals: |
|
O Campés ye ra bariedat de l'aragonés que se charra en Campo (Ribagorza).
- Son muitos os casos de perduga de a -o final que no gosan trobar-se en aragonés cheneral:
- sort (suerte)
- corp (cuerpo)
- traball (treballo)
- añ (año)
- rebós (reposte)
- fet (feito, feto)
- güells (güellos)
- cunills (coniellos)
- polls (pollos)
- Son bels casos de no diftongazión de a E curta latina, os tres primers los trobamos también en baxorribagorzano:
- ben (bien)
- tamé (tamién)
- peus (piez)
- terra (tierra. Terra tamién se troba en benasqués)
- pedra (piedra)
- tempo (tiempo)
- Son bels casos de no diftongazión de a O curta latina:
- sort (suerte)
- corp (cuerpo)
- forza (fuerza)
- O grupo -it- gosa estar castellanizato.
- mucho, noche, pecho, ascuchá, pero se conserba fet.
- O diptongo -ie- de -iello ye castellanizato á -illo.
[editar] Morfolochía
- Articlos el, la, es, las
- Se conserba a conchunzión contimparatiba més, como en benasqués y bella zona de o Sobrarbe:
- Pronomes presonal de 1º y 2º presonas plurals: nusotros y busotros.
- Morfema presonal de 1 presona plural en -m: cantam,
- Encara que o presén de o berbo estar tiene diftongo: el ye, tu yes, o pasato imperfeuto no en tiene: el eba en cuenta de el yera.
[editar] Conclusions
Ye una transizión entre o benasqués y o baxorribagorzano, igual que a Tierra de Campo, Congosto de Bentanillo y Turbón fan de muga entre as dos Ribagorzas, a o norte una Alta Ribagorza de bals más estreitas, mons altos, selba caducifolia y más plebia, y a o sur una Baxa Ribagorza con a Bal de l'Esera más ampla y plana, mons más chiquez, y clima, bechetazión mediterrania.