Aragonés ribagorzano
De Biquipedia
- Iste articlo ye sobre o dialeuto ribagorzano de l'aragonés. Ta atros emplegos se beiga ribagorzano.
| Bariedaz de l'aragonés | |
|---|---|
| Ribagorzano | |
 |
|
| Nombre local: | Ribagorsano, ribagorzano |
| Charradors: | ? |
| Localizazión cheografica: | Ribagorza |
| Lugar(s) prenzipal(s): | Campo, Estadiella, Graus |
| Rasgos dialeutals: | De transizión ta o catalán |
| Bitalidá: | Alta |
| Escritors prenzipals: | |
L'aragonés ribagorzano u tamién dito ribagorsano en bels puestos á on se charra, ye alto u baxo l'aragonés d'a Bal de l'Esera en a Ribagorza.
Os charrars d'a Ribagorza son dende un punto de bista macrocheografico una transizión enta o catalán, e i-trobamos carauters más catalans asinas como mos mobemos enta l'este y más castellans enta o sur. Dende o punto de bista microcheografico a tranzición concreta ye en o Baxo Isabana y en "la Ribera", una bal lateral á ro sur de o Turbón.
En a enziclopedia aragonesa claman á o grausino meyoribagorzano, sin dembargo se fabla d'Alta Ribagorza á ro norte d'o Turbón y Baxa Ribagorza á ro sur. Graus ye prou á ro sur e ra suya charrada no ye tan diferent de l'estadillano u o fonzense. Si s'abiés d'emplegar o termino meyorribagorzano, diz que se aplicaría millor ta o Campés, seguntes se beye en a tabla de o final de l'articlo.
Contenius |
[editar] Carauteristicas
[editar] Fonetica
- Palatalización de a "l-" inizial latina:
- llobo, llugá
- Palatalizazión de a "l" en os grupos latins "pl-", "cl-", "fl-", "gl-", "bl-":
- flló, cllau, pllegá
- Perduga de a "-r" final:
llugá, pllegá
- Ye a redolada de l'Alto Aragón on mos trobamos más casos de -m- que en castellán han dato -mbr-, y que empezipia a estar presén en aragonés escrito meyebal en 1330.
- NOMINE > nomne > nome
- HOMINE > omne > ome
- FAMINE > famne > fame
Sin dembargo tamién i trobamos muitos casos de -mbr-: bimbre, costumbre, etc....y mesmo fambre en bel lugar.
[editar] Morfolochia
- Articlos: el, e(l)s, la, las.
- Morfema presonal de 1ª persona plural en -m u -n: nusaltros cantam, nusatros cantan. (En aragonés cheneral no esiste a -m final y Miriam se pronunzia Mirian).
- Cherundios en -an, -en, -in:
- cantán, metén, partín
- Pretérito perfeuto perifrástico tipo catalán con o verbo ir:
- el ba cantá en cuenta de el cantó
- Bellas formas berbals estranias en l'aragonés más que más en a Baxa Ribagorza:
- yeba/eba en cuenta de yera.
- "tu es" y "él e" en cuenta de "tu yes" y "él ye".
[editar] Sintaxis
Combinazions de pronomes de datibo e acusatibo de tipo catalán:
- lo + li > lo-i
- los+ li > los-i
- la + li > la-i
- las+ lis > las-i
[editar] Sozdialeutos
O dialeuto ribagorzano de l'aragonés puede dibidir-se en barios sozdialeutos:
- Altorribagorzano u Benasqués
- Alto Benasqués
- Baxo Benasqués
- Meyorribagorzano
- Baxorribagorzano
- Grausino
- Estadillano
- Fonzense
Cuadro de diferenzias entre os charrars locals:
| Baxorribagorzano | Altorribagorzano | ||||
| Estadiella 1888 | Graus 1910 | Campo 1950 | Bisagorri-Renanué 1950 | Benás 1975 | |
| Deminutibo -et | -é | -é, a begatas -et | -et, a begatas -é | -et | -et |
| Deminutibo -iello | -illo | -illo | -illo | -iello | -iello |
| Articlo | El, los, la, las | El, los, la, las | El, es, la, las | El, e(l)s, la, las | El, els, la, les |
| Casos de no diftongazión | Pocos | Pocos | Beluns | Beluns | Muitos |
| Desinenzia de 1ª presona plural | -n | -n | -m | -m pero a begatas -n | -m |
| Desinenzia de 2ª presona plural | -z | -z | -z | -ts | -ts |
| Fonema /z/ u /s/ | /z/ | /z/ | /z/ | /s/ | /s/ |
| Formas de o berbo estar | E, eba | E, eba | Ye, eba | Ye, yeba | Ye, yera |
| Infinitibos en -re | No bi'n ha | No bi'n ha | No bi'n ha | Bi'n ha: binre, beure | Bi'n ha: binre, beure |
| Partizipios | -au, -iu | -au, -iu | -au, -iu | -au, -eu, -iu | -au, -eu, -iu |
| Plurals femenins | -as | -as | -as | -as | -es |
| Pronome de 1ª presona plural | Nusatros | Nusatros | Nusotros | Nusaltros | Nusaltros |
[editar] Enrastres esternos
| Bariedaz orientals de l'Aragonés | ||
|---|---|---|
| Altorribagorzano | Benasqués | Baxorribagorzano | Campés | Chistabín | Estadillano | Fobano | Fonzense | Grausino | Ribagorzano | | ||
| Dialeutos de l'aragonés | ||
|---|---|---|
| Aragonés meridional | Aragonés oriental | Aragonés ozidental | Aragonés zentral | Chodigoaragonés† | Nabarro† | Rioxano† | ||
