Ebringen (Markgräflerland)

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Ebringe«

Der Artikel bschäftigt sich mit dr Gmei Ebringe im Markgräflerland bzw. Brisgau, anderi Ortschafte wo Ebringe heisse findener under Ebringe

Ebringe
(Ebringen)

Wappe

Charte

Dialekt: Alemannisch

Hauptvariante:

Hochalemannisch

Regionalvariante:

Markgräflerisch

Lokalvariante:

nördl. Markgräflerisch
vorderöstr. Variante

Verbreitig:

mässig, Tendenz zum
Nideralemannisch

Basisdate

Brisgau-Hochschwarzwald

245–644 m ü. NN

8,18 km²

2738 (31. Dez. 2006)^[1]

335 Iwohner je km²

79285

07664

08 3 15 028

Gmeigliderig:

3 Ortsdeile

Adress vu dr
Gmeiverwaltig:

Schlossplatz 1
79285 Ebringen

Internetuftritt:

www.ebringen.de

Vogt:

Rainer Mosbach

Lag vu dr Gmei im Landchreis

Topographi

Luftbild

[[Image:|300px|Luftbild]]

Dialäkt: Markgräflerisch (Ebringe)

Ebringe im Brisgau bzw. Markgräflerland isch e Gmei im Landchreis Brisgau-Hochschwarzwald in Bade-Württeberg (Dytschland) südlich vu Friburg im Brisgau.

Inhaltsverzeichnis

1 Geographi
2 Gschicht
3 Bevölchrig
- 3.1 Sproch
- 3.2 Religione
4 Politik
- 4.1 Gmeirot
- 4.2 Vögt
5 Sähnenswürdigkaite
6 Kultur, Gsellschaft un Sport
7 Wirtschaft un Infrastruktur
- 7.1 Wibau
- 7.2 Verchehr
8 Persönlichkaite
- 8.1 Ehrebürger
- 8.2 Söhn un Döchter vu dr Gmei
9 Literatur
10 Webgleicher

[ändere] Geographi

Lueg dodezue au dr Hauptartikel Schimberg (Ebringe)

[ändere] Geographischi Lag

Ebringe lit öppe 4 Kilometer vum südwestliche Stadtrand vu Friburg ewegg. Dr Ort lit in ere astiigende Dalmulde vum 644 m hoche Schimberg, isch nooch Weste zue dr oberrhinische Diefebeni uf un bitet dodemit im Wibau ideali Bedingige.

[ändere] Geologi

Die gsamt Ebringer Gmarkig lit im Schimbergmassiv, eme Vorgebirg vum Schwarzwald, wo geologisch zum Oberrhigrabe ghört.
Dr Schimberg zeichnet sich dur e sehr vilfältigi Oberflächegeologi us, wo s'gsamt Erdmiddelalder sowie tertiäre Vulkanismus un iiszittlichi Leesablagerige umfasst.
Dr Südgipfel vum Schimbergmassiv isch dr Hohfirscht. Säller isch geologisch nit so differenziert wie dr Schimberg sälber, het aber früeher bedütedi Steibrüch bi Pfaffewiler gha un in dr hittige Zitt noch e Chalchbergwerch bi Bollschwil.

[ändere] Usdähnig vu dr Ortschaft

S'bebaut Gebiit vu Ebringe isch nooch Weschte hi bloss durch e schmali Sidligszäsur vu 200 Meter Breiti - durch die d'L125 goht un wo d'Rhidalbahn uf Weschte gege Wolfewiler abgrenzt - vu dr Nochberortschaft Wolfewiler trennt, so dass Schallsched, Wolfewiler un Ebringe praktisch ei Sidligsgebit vu 4 km Längi in Wescht-Oscht-Richtig bilde.

[ändere] Nochbergmeinde

D'Gmarkig grenzt - vu Norde im Uhrzeigersinn - an Friburg im Brisgau, Merzhüse, Au, Wittnau, Sailede, Bollschwil, Ehrechilche, Pfaffewiler un Schallsched.

[ändere] Ortsdeile

Ebringe glideret sich in d'Ortsdeile Ebringe, Dalhüse un Tirol. D'Hauptsidligsax in Ebringe ziegt sich vu dr weschtliche Gmarkigsgrenze iber e Längi vu guet 1700 Meter an die undere Häng vum Schimberg nuf, agfange bi ca. 240 Meter iber NN bis nuf uf guet 350 Meter. D'Hauptax glideret sich in d'Ebringer Ortsdeile Underdorf mit Gwerbegebiit, Middeldorf un Oberdorf sowie dr Ortsdeil Tirol. Südlich vu dr Umgehigsstross befindet sich, südweschtlich vu dr Ortsmiddi un fascht im rächte Winkel zue dr Hauptsidligsax, dr Ortsdeil Dalhüse, wo sich iber ca. 600 Meter Längi erstreckt. An dr Stell vu dr middelalderliche Sidlig Berghüse am Südhang vum Schimberg existiert nummenu die nooch Ufgab vu dr Sidlig mehfach erwitteret Chapelle. Uffem Schimberg befinde sich usserdem zwei Höf. Während dr Ober Schimberger Hof numme Viihwirtschaft betribt, isch dr Under Schimberger Hof e beliebts Usfluegslokal.

[ändere] Klima

S'Klima in Ebringe isch typisch fer dr Ostrand vum Oberrhigrabe. D'Johresdurschnittstemperatur lit im Underdorf bi circa 11°C, mitem Minimum vu ebba 1°C im Jänner unem Maximum vu ebba 20°C im Juli fer d'Periode vu 1970 bis 2000. Die durschnittlich Niderschlagsmengi lit bi ebba 800 Millimeter jährlich.

[ändere] Gschicht

D'Gmei cha uf dr äldischt urchundlich erwähnt Wibau im Markgräflerland zruckblicke. In ere Schenkigsurchunde vu Räbland ans Chloster St. Galle wird Ebringe näbeme "Openwilare" erwähnt: Propterea vernacula terra juris mei in loco, qui dicitur Openwilare, tradimus sancto Galloni viginti juchos, et in Eberingen unum juchum de vinea. D'Urchunde datiert vume 16. Jänner in dr Herrschaftszitt vum Frankechenig Chilperich II., wo vu Juni 715 bis März 721 regiert het, ohni e Johragab, s'wird nummenu e herrschende Chenig Chilperich erwähnt. D'Regierigszitt vu Chilperich I. (561-584) schiidet us, wil zue sällere Zitt s'Chloster St. Galle no nit bestande het. Witteri Chilperichs het's nit gä, so dass d'Datierig in d'Zitt 716-721 igrenzbar isch. Die innere Verhältniss vum Frankeriich mache e Errichtig vu dr Urchunde in dr Johre 717/718 am wohrschiinlichste. D'Ebringer Nochberort Pfaffewiler wie Wolfewiler erhebe dr Aspruch, mit Openwilare identisch z'si. Chlärt isch säll nit un d'Forschig goht bi Openwilare vume undergangene Wiler im nördliche Schnäggedal us. (Quelle: Ebringen, Herrschaft und Gemeinde, Band 1 vu Claus-Dieter Schott un Edmund Weeger, Rsg, - Syte 45)

[ändere] Vorgschicht

Die äldiste Sidligsspure uf dr Ebringer Gmarkig finde sich uffem Gipfelplateau vum Schimberg. Sälli werre in d'Jungstaizitt (ca. 5000 v.Chr.) datiert.

[ändere] Antike

Us de Keltezitt sin cheini archäologische Zügnis bechannt, degege het's in dr Römerzitt uf dr Ebringer Gmarkig e Guetshoft gä. In d'Zitt vu dr Römerherrschaft (etwa vu Christi Geburt bis 260 n.Chr.) dürft doher au d'Ifüehrig vum Wibau falle.

[ändere] Völcherwanderig

260 nooch Christus yberrenne d'Alemanne de Limes. D'Römer ziege s'Miltär an d'Rhigränze zruck, beherrsche aber witerhi d'Rhibeni bis an dr Schwarzwald ani. D'Alemanne gründe chleineri Sidlige. Ebringe dürft nit bloss ufgrund vu dr Nammeendig -inge zue dr erste alemannische Sidlige ghört ha, denn im südwestliche Beriich vum Ort lege d'Alemanne e grössers Gräberfeld a, wo vu circa 300 bis 700 nooch Christus als Fridhof benutzt werre duet.

[ändere] Fränkischi Zitt

Bi der mit dr Igliderig vu dr Alemanne ins Frankeriich afangende Christianisierig gwinnt s'Chloster St. Galle rasch an Ifluss. Säll beleggt au die igangs erwähnt Schenkigsurchunde us dr Johre 716 bis 721. Die Urchunde stellt s'äldist schriftlich Zügnis fer dr Wibau zwische Friburg un Basel dar.

[ändere] Middelalder

Dr Ifluss vum Chloster St. Galle yber Ebringe sott währendem gsamte Middelalder un dr früehe Neizitt bis zue dr vu Napoleon veralosste Säkularisation anno 1806 bsto blibe. Zittwiis het s'Chloster Adelsfamilie mit dr Herrschaft belähnt, bis es nochem 30-jährige Chrieg, nummenu under östriichische Oberhoheit, d'Herrschaft direkt ybernu het.

Anno 817 wird dr Ortsdail Dalhuse s'erstmol erwähnt.

[ändere] Nöizitt

[ändere] Reformation 1520 - 1618

In dr Reformation isch Ebringe - anderst als d'Nochberortschaft Wolfewiler - chatholisch blibe, was zue ere Nöiornig vu dr Pfarreigrenze gfüehrt het. Vor dr Reformation sin Deil vum Ebringer Underdorf pfarrlich Wolfewiler zuegordnet gsi. Die als Resultat vum Augsburger Religionsfride gfunde Formel cuius regio eius religio het in Ebringe als Uswirkig gha, dass numme die Gebiit vu dr weltliche Herrschaft un vu dr Pfarrei deckigsgliich worre sin.

[ändere] Drissigjähriger Chrieg 1618-48

Im Drissigjährige Chrieg isch dr Westhang vum Schimberg Schauplatz vum erste Dag vu dr am 03., 05. un 09. August 1644 zwische Franzose un Bayere ustragene Schlacht bi Friburg. S'isch bsunders fer Frankriich die verlustriichst Schlacht im ganze Chrieg gsi. Ebringe wird, wie alli Dörfer rund um de Schimberg, bi dr Chämpf starch in Mitliideschaft zoge.

S'Schlachtechrüz erinneret an d'Schlacht am 03. August. S'stoht an dr Stell vum Beihus, wo mer erst 30 Johr noch dr Schlacht die bis derthi uffem ganze Berg verstrait ligende Chnoche vu dr Gfallene bestattet het. S'Massegrab het sich - nit zue dr Fraid vu de Chilche - zueme Wallfahrtsort vu dr Iwohner vu dr chatholische Ort vu dr Umgäbig entwicklet un es sin offebar au immer wiider Chnoche als Reliquie entwendet worre. Wil d'Chilche d'Wallfahrte nit het underbinde chänne, het dr letzt St. Galler Dorfgeistlich Ildefons vu Arx schliessli anno 1791 dr Abtransport vu dr verblibene Chnoche vu dr Gfallene veralosst, wodur in dr folgende Johrzehnte d'Verehrig langsam zum Erlige chu isch.

[ändere] Ufklärig 1648-1789

1711/13 wird s'Ebringer Schloss (s'hütig Rothus) als Verwaltigssitz vu de St. Galler Herrschaft im gesamte Brisgau baut.
1742 füehrt der us St. Galle entsendet Dorfpfarrer Benedikt Müller in Ebringe die allgmein Schuelpflicht i.

[ändere] Französischi Revolution 1789-1815

Die Französisch Revolution un die noochfolgend napoleonisch Ära bedütet fer Ebringe ä diefe Ischnitt. S'End vu dr St. Galler Herrschaft un d'Entstehig vu dr selbständige politische Gmei markiere d'Johre 1803 und 1806. Mit dr Säkularisierig anno 1803 isch Ebringe an dr Brisgau under dr Herrschaft vum Herzoog vu Modena, ere habsburgische Näbelinie, falle, 1806 no mit dr Riichsuflösig ans Grossherzogtum Bade.

Underem Idruck vu dr Vorgäng uf dr andere Rhisyte verfasst dr Ildefons vu Arx anno 1792 e Chronik vu Ebringe. Si fangt miteme zimli anti-revultionäre Satz a: "Gottes Vorsehung verpflanzt jeden Menschen an den Ort, an dem er leben soll" und spart im Vorwort nit mit Verurteilige vu dr chenigsmordende Franzose.

[ändere] Vormärz 1815-1847

Im Gfolg vum verheerende Usbruch vum Tambora 1815 in Indonesie goht s'Johr 1816 als Johr ohni Summer in d'Gschicht i. Grossi Hungersnöt un hochi Chindersterblichkeit sin zwische 1815 un 20 in ere chleine Iiszitt in ganz Europa d'Folg, was au in Ebringe Spure hinderlosst.

Nooch 1820 chummt no aber e gwisse Wohlstand, abzläse noch hit in dr Pfarrbüecher an dr Burte- un Dodesfäll. S'Bürgertum in Form vum Vogt un Dorflehrer wagt e Machtprob mitem Dorfpfarrer, wo s'Dorf politisch spaltet, un wo dr Pfarrer schliessli verleert. 1838 glingt's nämli im Vogt d'Abberuefig vum Pfarrer z'erwirke. Mitem Pfarrer verlen au e baar vu sinene Ahänger fer einigi Johr s'Dorf, so dr Schmiid Meinrad Speri mit Familie, wo fer vier Johr nooch Grisse ziegt.

[ändere] 1847-49

Die badisch Revolution isch auch an Ebringe nit vorbi gange. Yberall in Bade sin politischi Debattierclubs entstande, wo sich als Gsangverein tarnt hänn. Under dem Aspekt isch au die 1847 erfolgt Gründig vum Männergsangverain Ebringe (MGV) z'sähne. Nooch dr Niderschlagig vu dr Revolution dur praissischi Truppe het dr MGV doher au s'Schicksal vu dr andere Gsangverein ereilt: Er isch verbotte worre un het erst iber einehalb Johrzehnt später wiider gründet werre düerfe.

[ändere] 1849-1918

[ändere] 1919-33 - Weimarer Republik

[ändere] 1933-45 - Nationalsozialismus

Dr Nationalsozialiste glingt es nooch ihrer Machtibernahm schnell, d'Ebringer Jugend fier sich z'gwinne. Hitler-Jugend und Bunde Deutscher Mädel sorge defir, dass die junge Lit zwische 14 un 20, wo vorher noch voll under dr Fuchtel vu ihrene Eltere gsi sin, in ihrer Freizitt nit nur uffem Feld oder dr Räbe hän schaffe miesse sondern au ohni ihri Eltere hän emol ebbis zämme mache chänne. Dezue muess mer wisse, dass jungi Männer, wo vor em Muschterigsalter hän in e Wirtshüs go welle, vu dr Rekrute (mit em Säge vum Dorfvogt) verprügelet is worre sin. 1937 isch no z'Ebringe au e Freibad eröffnet worre, wo 1945 wiider gschlosse worre isch. S'Freibad het im Summer bis um zwölfi z'Nacht ufga.

Demgegeniber het mer geischtig Behinderti us Ebringe offiziell in Sanatorie uf dr Schwäbische Alb verbrocht, wo si angeblich an Lungeentzündig verstorbe sin, was e Euphemismus fier ihri Ermordig durch Kohlemonoxidvergiftig durch Ileitig vu dr Autoabgase in dr Transportrüm während em Transport gsi isch.

Im Chrieg sin au z'Ebringe Chriegsgfangeni bi dr Büre igsetzt worre. Mindischtens ein devu isch vermuetlich um 1942 ermordet un hintere Schiire in dr Dorfmitti verscharrt worre. 1982 - muetmasslich hän noch Mitwisser gläbt - het mer nämlig e kopfloses Skelett us dr Zit vu 1940-44 bim Ushub fier e Baugruebe gfunde. Isch dr Fund anno 1982 erscht e grosses Dorfgspräch gsi, so isch nooch em Ergebnis vu dr forensische Undersuechig s' Schweigen im Walde gsi. Obwohl offesichtlich e Mord, wo nit verjährt gsi isch, het d'Polizei nit ermittlet un isch dr Fall im Gmeiblättli nit erwähnt worre.

Wo no am 22. April 1945 d'Franzose s'Dorf ignumme hän, hän si starch zwische sälle Familie underschide, wo die Gfangene aständig behandelet, und sälle, wo si misshandelet hän. Interessant isch au, dass dr katholische Gfangene us Pole wie Frankrich dr Bsuech vom Gottesdienscht vu dr Nazis undersait worre isch. Es zeigt nämlig, dass die katholisch Religion as e verbindends Element zwische Gfangene und Iheimische ähnlich starch wie s'Nationalgfüehl gsi si muess.

Bi dr Inahm vum Ort het es die ibliche Wendehäls gä - so het d'Frau vum Bürefüehrer, weller sich mit dr andere Nazis e baar Munet devor iberworfe gha het, bim Izug vu dr Franzose gruefe "jetz chumme unseri Befreier".

[ändere] sit 1945

Ebringe um 1900

1953 initiiert Max Schüler (1904-95) d'Gründig vu dr Winzergnosseschaft Ebringe un tribt massgebli d'Inagriffnahm vu dr Flurbereinigig vu dr Ebringer Räbberg a. Dur die zue chlei Parzellierig dur Realdeilig, Stützmure, sowie veraldete Räbsorte wär sust dr Nidergang vum Wibau ufgrund ere nimmi konkurrenzfähige Wirtschaftswiis absähbar gsi.

In d'Amtszitt vum Vogt Eugen Schüler (1963-90, *1922) falle no d'Flurbereinigunge vu dr drei Ebringer Räbberg (1964-74), was dr Ebringer Landschaft ä völlig nöis Gsicht gä het.

Am 1. Jänner 1975 isch Ebringe im Zug vu dr Gebitsreform gmeinsam mit Menge nooch Schallsched-Wolfewiler igmeindet worre. Us Ebringe isch Schallsched-Wolfewiler 4 worre. Dr Namme Ebringe isch us amtliche Dokumente verschwunde. Allerdings isch e Wettbewerb fer e nöie Namme vu dr Gsamtgmei usglobt worre, bi dem dr Namme „Wigau“ Siger worre isch.

Ebringe het noch vorem Vollzug vu dr Igmeindig Widerspruch bim Staatsgrichtshof vu Bade-Württeberg iglegt, wil es im Igmeindigsvertrag bloss under dr Prämisse zuegstimmt het, dass au Pfaffewiler dr nöie Gsamtgmei biträtte dät. Pfaffewiler isch aber selbständig bliibe. Bis zue dr Chlärig vum Rächtsstritt isch dr Schallsched-Wolfewilermer Vogt Oskar Hanselmann zum Ortsverweser igsetzt worre. Am 6. Februar 1976 het no dr bade-württembergisch Staatsgrichtshof in Manne d'Igmeindig vu Ebringe fer nichtig erklärt un d'Gmei het ihri politisch Selbständigkeit zruckerhalde.

[ändere] Bevölchrig

[ändere] Sproch

Dr ald Ebringer Dialekt ghert zum Hochalemannische, wird aber so guet wie nimmi gsproche bzw. numme in Rest vorhande (wiewohl in alemannische Gedicht un ähnlichem bnutzt), nöis Ebringer Alemannisch isch Nideralemannisch. Umgangssproch isch aber e dialektal gfärbts Umgangsdytsch. D'Alemannischchenntnis sin grad under dr jüngere au Iheimische numme gring. Im Gegesatz zum Francais regional isch d'Ebringer Umgangssproch starch vum Dialekt gefärbt, un Zuezogeni (wie au viili Iheimischi) halde d'Umgangssproch au scho fer richtige Dialekt.

An dr Ebringer Fasnet wird e Umgangshochdytsch verwendet wo vu dr niideralemannische Ussproch prägt isch.

Allerdings wird die alemannisch Nammenskonvention durchus pflägt. D.h. mer stellt dr Noochnamme in dr Regel vor, wemmer vu ebberm ussem Dorf schwätzt.

[ändere] Religione

Dominierendi Konfession isch als Erb vu dr St. Galler Herrschaft die Römisch-katholisch Chilche.

[ändere] Politik

[ändere] Gmeirot

Dr Ebringer Gmeirot het 12 Mitglider us sit dr Wahle vum 13. Juni 2004 fümf Lischte. Dr Fraueadeil isch nooch dr Wahl uf drei Gmeirätinne (25%) gegenüber 5 oder chnapp 42% nooch dr Wahl 1999 abgsunke. Am 23. Juli 2007 sin drei Gmeirät (je ein vu dr CDU, dr Bürgerlischte und dr Bürger fer Ebringe) usgschide un durch Noochrücker ersetzt worre. Dr Fraueadeil isch no uf 4 (33,3%) agstiige.
Folgedi Lischte hän 2004 bzw. 1999 fer dr Rot kandidiert:

CDU 27,5% (-3,5) - 3 Sitze (-1)
Bürgerlischte Ebringe 24,7% (-4,8) - 3 Sitz (-1) Die Liste stoht politisch de Frie Wähler noch.
Bürger fer Ebringe 21,6% (+4,0) - 3 Sitz (+1) Die Liste stoht politisch SPD un Griene noch.
Frauelischte Ebringe 18,2% (+3,6) - 2 Sitz (=)
FDP/DVP 8,0% (+8,0) - 1 Sitz (+1)
SPD 0,0% (-7,3) - 0 Sitze (=) D'SPD isch 1999 noch mit ere eigene Lischte aträtte, het sich 2004 aber dr sit 1984 im Gmeirot verträttene Bürger fer Ebringe agschlosse.

[ändere] Vögt

1963-1990 Eugen Schüler
1990-2006 Hans-Jörg Thoma
sit 2006 Rainer Mosbach

Traditionell wird z'Ebringe dr Burgemeischter (vor allem an dr alemannische Fasnet) au als Vogt bezeichnet, was bi dr ledschde Wahle anno 2006 natürlich fier e gwissi Erheiterig im Wahlkampf, wo au in dr Fasnetzit gläge isch, gsorgt het. Bi dr Burgemeischterwahl am 26.03.2006 isch dr Rainer Mosbachus Waldkilche gli im erschte Wahlgang zum Noochfolger vum Hans-Jörg Thoma gwählt worre, wo nimmi aträtte isch. Bi ere Wahlbeteiligig vu 75,92% het er 50,25% vu dr gültige Stimme erreicht un isch demit um guet 3,5% vorem Zweitplatzierte Joachim Vogt gläge. Anderi Kandidate hän chei Rolle gspilt. Amtsatritt isch dr 01. Juni 2006 gsi.

[ändere] Sähnenswürdigkaite

[ändere] Bauwercher

Schloss (Rothus)
Katholischi Pfarrchilche St. Gallus un St. Otmar
Berghuser Chapelle St. Trudpert
Schneeburg (Ruine)
Rotteminschterhof
Mehrzweckhalle

[ändere] Denkmoler / Grenzstei

Hohbannstei (Gmarkigsstei im Hohfirstwald, an der 5 Gmeinde agrenze. Inzwische stoht am Ort bloss no e Noochbau, dr echt Stei befindet sich im Dorfmuseum vu Pfaffewiler)
Schlachtechrüz - als Erinnerig an de zwische Bayere un Franzose am 03. August 1644 am Schimberg ustragene erst Dag vu dr Schlacht bi Friburg im Drissigjährige Chrieg.

[ändere] archäologischi Stätte

Scharreteacker (alemannischs Gräberfeld)

S'alemannisch Gräberfeld im Südweste vu Ebringe isch de Usgrabige z'folg zwische 300 un 700 noch Christus in Bruch gsi, also bis zue de Zitt vu de erste urchundliche Erwähnig vu Ebringe. Es isch 1825 wiiderentdeckt worre. Noch 1990 isch aimol d'Ortsumgoig mitte dur s'Gräberfeld gfeehrt worre, zum andere het mer im Ostdail s'Gwerbbit druf errichtet.

Schimberggipfel

S'Gipfelplateau vum Schimberg het e jungstaizittlichi Sidlig bherbergt.

[ändere] Naturdenkmoler

Jennidal (Naturschutzgebit)

S'besunder am Naturschutzgebiit Jennidal isch si Vilfalt an heimische Orchideearte. In ere in Ditschland eimolige Viilfalt sin guet 75% vu allene in Ditschland heimische Orchideearte uf dr Ebringer Gmarkig aztreffe. Zum Schutz vu dr Orchidee isch e Beträtte vu dr Matte un Gärte im Naturschutzgebit Jennidal nit erwünscht.

[ändere] Kultur, Gsellschaft un Sport

[ändere] Regelmäßigi Verastaltige

Ebringer Fasnet
- Schmutziger Dunnschdig mit Hemmglunkiumzug
- Fasnetfridig mit Juckihu-Party vu de Guggemüsige
- Fasnetsamschdig mitem Ebringer Narreobe
- Fasnetsunndig mitem Ebringer Fasnetumzug
- Rosemändig mit de Ebringer Wiibürefasnet
- Fasnetzischdig mit de Ebringer Chinderfasnet un de obendliche Fasnetverbrennig
Ebringer Widäg (jährlich am 3. Augustwocheend) in historische Cheller un Höft
Wi- und Sektfestival (jährlich am 3. Juliwocheend) ums Ebringer Schloss

[ändere] Bildig

Schimbergschuel (Grundschuel)
Chinderschuel Ebringen

[ändere] Karitativi Verain / Organisatione

Malteser Hilfsdienst Ortsgruppe Ebringe

[ändere] Kulturelli Verain

Katholischer Chilchechor Ebringe
Männergsangverain Ebringe 1847 i.V.
Müsigverain Ebringe i.V.
Musischs Zentrum Ebringe i.V.
Trachtegruppe Ebringe

[ändere] Sport- un Spilverein

Fuessballsportverein Ebringe i.V.
Motorclub Ebringe i.V.
Radsportverein "Wanderlust" Ebringe i.V.
Schachclub Ebringe i.V.
Turnverein Ebringe i.V.

[ändere] Fasnetszümft

[ändere] Wirtschaft un Infrastruktur

[ändere] Wibau

De Wibau domineert die landwirtschaftlich Nutzig in Ebringe. Die abaute Sorte, de so daift Sortespiegel, betrait lut Uschunft vum Badische Wibauverband: 33% Spotburgunder, 29% Guetedel (Chasselas/Fendant), 21% Müller-Thurgau, 4% Nobling, 3% Wisser Burgunder, 3% Ruländer (Grauer Burgunder), 7% anderi Sorte wie Edelsorte oder Neizüchtige, under anderem Dornfelder, Frisamer, Gwirztraminer, Kerner, Merzling, Muskateller, Chardonnay, Regent, Risling, Bronner.

Die größte örtliche Wibauverainigige sin d'Winzergnosseschaft Ebringe (chai Onlinebstellig meglich) und s'Wiguet-Wichellerai Mißbach

[ändere] Verchehr

[ändere] Strossenetz

Ebringe isch mit sinere Umgehigsstross an d'L 125 / B3 abunde. D'Innestadt vu Friburg isch mitem Auto in ere Virtelstund erreichbar, s'Gwerbgebit Haid in öppe 6 Minute. Noch Wittnau füehrt e Stross yber d'Bergmatte uffem Schimberg. Nächstglägeni Autobahn isch d'A5/E35. Aschluss in Nordrichtig isch Friburg-Süd, nooch Süde Bad Chrozige.

[ändere] Radwäg

Dur Ebringe goht dr Markgräfler Radwanderwäg un dr Fernradwäg Friburg-Milhüse. Beliebt fer Radrennfahrer isch dr Astiig vu dr Umgehigsstross zue dr Berghuser Chapelle (Bergwertig vu dr Dytsche Strosseradmeisterschafte 2004 un vu dr alljährliche Räblandtour).

[ändere] Öffentlichi Verchehrsmiddel

Dr DB-Haltepunkt Ebringe lit uf dr Gmarkig vu Wolfewiler. Si Bedienig erfolgt im Ramme vum Integrale Taktverchehr Bade-Württeberg. Z'Friburg (Fahrzit ca. 10 Minute) isch dr Ybergang uf dr Fernvercher sittem Fahrplanwechsel im Dezember 2006 uff yber e halbi Stund usdähnt worre, degege sin d'Ybergäng uf die andere Regionalbahne chürzer worre.

Mitem Bus erreicht mer dr vu acht Haltestelle erschlosse Ort yber d'Linie 7240 Friburg-Bad Chrozige. Dagsyber an Werchdige bestoht zwische Ebringe un Friburg e Halbstundetakt mit witterer Verdichtig in dr Stosszitte, Am Obend und am Samschdig sowie nooch Bad Chrozige bestoht e Stundetakt, an Sunn- un Firdige e Zweistundetakt.

[ändere] Flueghäfe

Nächstglägener internationaler Verchehrsflueghafe isch Basel/Mulhouse, circa 50 km südsüdwestlich vu Ebringe.

[ändere] Persönlichkaite

[ändere] Ehrebürger

Eugen Schüler (Ald-Vogt), *1922, Ehrebürger sit 1991
Otto Goldschmidt (Gründer vu de Ortsgruppe vum Malteser Hilfsdienst), * 1918, Ehrebürger sit 2002

[ändere] Söhn un Döchter vu dr Gmei

Natascha Thoma-Widmann, Dytschi Wichenigi 1997, *1971

[ändere] Literatur

Geschichte der Herrschaft Ebringen - Ildefons von Arx und Joseph Booz (Hrsg.), Verlag von Franz Xaver Wangler, Freiburg, 1860
Ebringen, Herrschaft und Gemeinde, Band 1 - Claus-Dieter Schott und Edmund Weeger (Hrsg.), Rombach-Verlag Freiburg, ISBN 3-9802758-0-9
Helge Körner (2006): Der Schönberg – Natur- und Kulturgeschichte eines Schwarzwald-Vorberges. 472 S., 48 Farbtafeln und 200 sw-Abb. Lavori-Verlag, Freiburg. ISBN 3-93573-753-X.

[ändere] Webgleicher

http://www.ebringen.de/

Der Artikel isch die alemannisch Version vum wittist selber erstellte Artikel „Ebringen (Markgräflerland)“ in de dytsche Wikipedia

See also ebooksgratis.com: no banners, no cookies, totally FREE.