Wikipedia:Beleid oor redelike gebruik

vanuit Wikipedia, die vrye ensiklopedie.

Doel: Om konsenus te verkry oor die gebruik van 'n beleid wat die redelike gebruik ("fair use" in Engels) van media wat onderhewig is aan kopiereg in die Afrikaanse Wikipedia te gebruik. Tans is die status: Nog geen konsensus bereik. Doel: die afkeur of toestaan van só 'n beleid.

Gebruikers wat wil stem word aanbeveel (maar is nie verplig nie) om die volgende deur te lees:

• Clearing up Wikimedia's media licensing policies
• Resolution:Licensing policy
• Licensing policy FAQ draft

[wysig] Voorstelling van beleid

Ek stel voor dat die Afrikaanse Wikipedia 'n eenvoudige beleidsdokument kry ten opsigte van die afbeelding van sportklublogos as "redelike gebruik" om te voldoen aan die vereistes van die Wikipedia Foundation se "Resolution:Licensing policy". Ek beskou dit as baie belangrik om te voorkom dat die Afrikaanse wikipedie armer vertoon as byvoorbeeld die Engelse wikipedia en dat gebruikers dan eerder van die begin af die taalvreemde wikipedies besoek as meer volledig. Gebruiker:Anrie is van mening dat die voorstel hier gemaak word sodat gebruikers daaroor kan stem. Ek is bereid om 'n eenvoudige konsepbeleid op te stel wat dan soos enige ander artikel deur ander gebruikers verander en verbeter kan word, mits daar oor die beginsel saamgestem word. Ek is ook bereid om die Wikipedia Foundation nader om hulp, indien dit nodig geag word. Ek beskou die saak as dringend. Graaf 17:32, 1 Junie 2007 (UTC)

Ek nomineer Gebruiker:Alias as stemkoördinator en vra hom om die tydsduur van die stemmery voor te stel. Anrie 18:07, 1 Junie 2007 (UTC)

[wysig] Ja-stemme

1. Ondersteun voorstel. Morne 17:36, 1 Junie 2007 (UTC)

2. Ondersteun voorstel. Graaf 18:48, 1 Junie 2007 (UTC)

3. Ek steun die voorstel. --hansjoseph 17:02, 3 Junie 2007 (UTC)

4. Ek is nie heeltemal seker waaroor ons stem nie. Maar ja ek glo wel dat ons 'n beleid moet hê wat die plasing van materiaal wat onder die billike gebruik bepalings geplaas moet moontlik te maak, buiten natuurlik as dit strydig is met die Wikimedia Foundation se riglyne (waarvan ek ongelukkig nie kennis dra nie). Ek glo egter dat die gebruik van baie van sodanige materiaal wetlik verdedigbaar kan wees onder die bepalings van die Suid-Afrikaanse wetgewing. Ongelukkig weet ek nie wat die situasie sal wees indien daar teenstrydighede sou wees met Amerikaanse of ander internasionale wetgewing nie (sien ook besprekingsblad). --RM 20:06, 3 Junie 2007 (UTC)

5. Ondersteun voorstel - fair use is 'n grondreg wat op die Eerste wysiging van die Amerikaanse grondwet berus. Dit is dus nie onderhandelbaar nie. --Voyageur 18:35, 14 Julie 2007 (UTC)

6. Ondersteun voorstel. Ons het redelike gebruik nodig sodat die visuele impak soortgelyk is aan wikipedia's in ander tale wat dit wel toelaat. Laurens 15:51, 16 Julie 2007 (UTC)

[wysig] Nee-stemme

1. Teen die voorstel. Ek voel dat so 'n beleid teen die beginsel van 'n vrye ensiklopedie is en meer kwaad as goed sal doen. Sien my volle argument hier. Anrie 18:07, 1 Junie 2007 (UTC)

2. Teen die voorstel. Kyk asseblief ook by die argumente op die Nederlandse Wikipedia op http://nl.wikipedia.org/wiki/Wikipedia:Stemlokaal/Archief:Het_gebruik_van_%22Fair_Use%22_media_op_deze_Wiki, daar is ook oor die onderwerp gestem. Tappancs 18:58, 1 Junie 2007 (UTC)

3. Teen die voorstel. Per Anrie. ► Adriaan ( Spreek ★ Bydraes ) ♪♫ 15:42, 16 Julie 2007 (UTC)

4. Teen die voorstel. Redelike gebruik is kopiereg diefstal. - Francis Tyers 15:44, 16 Julie 2007 (UTC)