Hali maada

Kutoka Wikipedia

Maji katika hali mango ni barafu au theluji

Maji katika hali kiowevu jinsi tunavyoijua kila siku: majimaji (isipokuwa mlimani huko nyuma ni mango)

Mvuke ya maji hauonekani lakini ni kile kinachojaza mapovu ndani ya maji yanayochemka

Hali ya maada ni muundo jinsi maada hutokea katika hali mbalimbali, ama kama elementi (dutu tupu) au kama kampaundi (dutu za mchanganyiko). Duniani kwa kawaida kuna hali tatu ya mada:

• mango (imara)
• kiowevu (majimaji)
• gesi (kama hewa)

• Hali ya nne ni utegili (plasma) lakini duniani inatokea tu katika maabara penye joto, baridi au shindikizo kubwa sana. Lakini katika ulimwengu kwa jumla maada nyingi iko katika hali ya utegili kwa sababu atomi za jua na maada ya nyota ziko katika hali ya utegili kutokana na joto kali na shindikizo kubwa.

Hali za maada hutofautiana jinsi vipande vidogo ndani ya dutu yaani atomi au molekuli zake zahusuiana.

Katika hali mango zakaa pamoja kila atomi mahali pake. Tunasema: Dutu ni imara. Dutu katika hali hii ina umbo, mjao na uzani maalumu.

Katika hali kiowevu atomi zina nafasi ya kuachana na kubadilishana mahali. Twasema dutu ni kama majimaji. Dutu katika hali hii ina mjao na uzani maalumu lakini haina umbo. Kiowevu chakubali kila umbo la chombo kinamomwagwa.

Katika hali ya gesi atomi hazishikwi pamoja zaelea kwa mwendo huria. Atomi na molekuli za gesi huelekea kusambaa na kukalia nafasi yote ambamo imewekwa. Dutu katika hali hii ina uzani lakini haina umbo wala mjao kamili.

[hariri] Atomi katika hali maada mbalimbali

Atomi au molekyuli katika hali mango

Atomi au molekyuli katika hali kiowevu

Atomi au molekyuli katika hali ya gesi