Andalucía

Frå Wikipedia – det frie oppslagsverket

Comunidad Autónoma de Andalucía

Autonom region i Spania
Hovudstad	Sevilla
Flatevidd  - Rangering i Spania	87 268 km² 2.
Folketal (2003)  - Rangering i Spania  - Folketettleik	7 478 432 1. 85,7/km²
Grunnlagd	1981
Offisielle språk	Spansk
President	Manuel Chaves González (PSOE)
Nettstad	www.juntadeandalucia.es
Flagg

Andalucía (stundom òg skrive Andalusia) er ein spansk autonom region. Hovudstaden er Sevilla. Regionen grenser til Extremadura og Castilla-La Mancha i nord, Murcia i aust, britiske Gibraltar i sør, Portugal i vest, og har kyst mot Middelhavet og Atlanterhavet i sør.

Innhaldsliste 1 Historie 2 Kultur 2.1 Musikk 2.2 Mat 2.3 Språk 3 Geografi 4 Bakgrunnsstoff 5 Kjelder

[endre] Historie

Området var romersk provins under namnet Hispania Baetica. Det blei erobra av visigotar og seinare maurarar, som ga det namnet Al-Andalus.

Området har mange spor etter tidlegare tider. Den ein gong så mektige antikke byen Tartessos ligg i Andalusia. Ein kan òg sjå ei rekke mauriske byggverk her, som Alhambra i Granada, Mezquita i Córdoba og Torre del Oro og Giralda i Sevilla.

[endre] Kultur

[endre] Musikk

Musikkstilen og dansen flamenco kjem frå denne regionen. Improviserte flamencosongar frå Andalusia kalla cante hondo blir framførte av éin songar med mykje ornamentikk og noterepetisjon, men med lite rytme.

[endre] Mat

Det andalusiske kjøkenet er prega av sjømat med mykje fisk og skaldyr. Det finst òg mange lokale søtsaker, som pestiños, frityrsteikte kaker bada i honning, småkakene alfajores og mandelmakronane amarguillos.

Sherry og gazpacho kjem frå Andalusia.

[endre] Språk

Spansken ein snakkar i Amerika er nært i slekt med den andalusiske dialekten fordi Sevilla var eit viktig utgangspunkt for den spanske koloniseringa av verdsdelen på 1500- og 1600-talet.

[endre] Geografi

Regionen er delt inn i åtte provinsar som kvar har namn etter den største byen dei inneheld: Almería, Cádiz, Córdoba, Granada, Huelva, Jaén, Málaga og Sevilla. Andre andalusiske byar er Algeciras, Jerez, Marbella og San Fernando i Cádiz.

[endre] Bakgrunnsstoff

[endre] Kjelder

• «Andalucia», «Andalusian cuisine» og «Music of Andalusia» på engelsk Wikipedia

	Spanske autonome regionar
Andalucía | Aragón | Asturias | Balearane | Baskarland | Cantabria | Castilla-La Mancha | Castilla y León | Catalonia | Extremadura | Galicia | Kanariøyane | La Rioja | Madrid | Murcia | Navarra | Valencia