Wäissrussland

Vu Wikipedia, der fräier Enzyklopedie.

Dëse Geographiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Рэспубліка Беларусь
Respublika Belarus


Detailer	Detailer

Offiziell Sprooch:

Wäissrussesch, Russesch

Haaptstad:

Minsk

Staatsform:

Republik

• President:

Aljaksandr Lukaschenka

• Premierminister:

Sjarhej Sidorski

Fläch:

207 600 km²

Bevëlkerung:

9 824 568 ^[1]

• Bevëlkerungsdicht:

47,3/km²

Onofhängegkeet:

vun der Sowjetunioun
25. August 1991

Nationalfeierdag:

27. Juli

Nationalhymn:

My Belarusy (Мы, беларусы)

Währung:

Rubel (BYR)

Zäitzon:

UTC +2 (+3 am Summer)

Internet TLD:

.by

International Virwahl:

+375

Wäissrussland ass eng onofhängeg Republik an Osteuropa. Wäissrussland grenzt am Nordwesten u Litauen a Lettland, am Osten u Russland, am Süden un d'Ukrain an am Westen u Polen. D'Haaptstad ass Minsk.

D'Sozialistesch Sowjetrepublik Wäissrussland huet de 27. Juli 1990 hir Souverenitéit deklaréiert an de 25. August 1991 d'Onofhängegkeet erkläert. Nodeems sech d'Sowjetunioun am Dezember 1991 opgeléist huet, ass Wäissrussland dunn och faktesch en onofhängege Staat ginn. Nationalfeierdag ass den Dag vun der Souvernitéitserklärung, de 27. Juli.

Den Aljaksandr Lukaschenka, dee schonn zënter 1994 President ass, huet mat sengem autoritaire Regierungstil d'Land am Laf vun der Zäit ëmmer méi an d'international Isolatioun gefouert. Massiv Kritik ^[2] un de sëlleche Mënscherechtsverletzungen an de Virworf Walen ze manipuléiere komme vir op aus dem Westen, der EU an dem Europarot, den USA a vun netstaatlechen Organisatioune wéi Amnesty International.^[3] Zënter dem 10. Abrëll 2006 däerf de Lukaschenka kee Fouss méi an d'Europäesch Unioun setzen. ^[4]

D'Verhältnes zu anere fréiere Sowjetrepubliken ass méi ambivalent. Mee och de Versteesdemech mam Noper Russland ass zënter den energiepoliteschen Differenze vun 2007 ferm strapazéiert.

Gutt Relatiounen huet Wäissrussland dogéint mam Iran, Nordkorea, China, Kuba a Venezuela.

[Änneren] Ëmweltkatastrof

D'Reakteraccident vum 26. Abrëll 1986 zu Tschernobyl ass nëmmen eng 10 km südlech vun der wäissrussescher Grenz, an der haiteger Ukrain, geschitt. Ronn 70% vum Fallout sinn deemools iwwert wäissrusseschen Territoire niddergaangen an hu grouss Deeler vum Land verstralt.