Europar sugegorri

Wikipedia(e)tik

Europar sugegorri
Vipera berus
Sailkapen zientifikoa
Erreinua: Animalia Klasea: Reptilia Ordena: Squamata Azpiordena: Serpentes Familia: Viperidae Azpifamilia: Viperinae Generoa: Vipera Espeziea: V.berus
Binomial izena
Vipera berus Linnaeus,1759

Eduki-taula 1 Banaketa 2 Itxura 3 Ohiturak 4 Ugalketa 5 Pozoia 6 Ikus, gainera

[aldatu] Banaketa

Europar sugegorria (Vipera berus), Europako zati handi batean aurkitzen den sugea dugu. Zirkulo Polar Artikotik Iberiar eta Italiar Penintsulako iparraldera, Balkanak utzi gabe, zabaltzen da. Erdialdeko eta hegoaldeko Europan nahiko esporadikoa izaten da.Errusiatik Ozeano Bareko kostaldera ere hedatzen da.

[aldatu] Itxura

Helduak 65cm inguruko luzera izan dezake buztana barne. Emeak arrak baino handiagoak izan daitezke. Sugegorriaren gorputza lodia da eta bere muturra zapala da.Burua triangelu-formakoa eta ondo definitua. Begininiak bertikalak ditu eta ez du betazalik. Bere ezkata dortsalak karenatuak ditu. Sugegorri gehienek bizkar hezurrean sigi-saga egiten duen lerro bat izaten dute ongi nabarmendua.

Koloreak asko aldatzen dira sexuaren arabera. Arrak zuri eta grisak, beltz marka bortitzekin. Emeak berriz, arre kolorezkoak edo gorrixkak izaten dira. Sabela grisa edo beltza izaten da; batzuetan orban zuriekin. Buztana horia, laranja eta azpitik gorria.Badaude oso ilunak, ia beltzak, diren ale batzuk.

[aldatu] Ohiturak

Bere bizilekua zabala da: belar-soro, txilardi, otadi, sastrakadi, baso ireki eta oro har, landaretza ugariko parajeetan. Atsegin dituen beste tokiak , hesiak, baso-ertzak, mendiko pisten ezpondak eta nekazarien eraikuntzetako paretak izaten dira.Itsas mailatik 3000 metroko altueraraino (Alpetan) ager daitezke. Oso ehiztari trebea da harrapakinak harrapatzen. Haien artean mikrougaztun, sugandila, musker eta txoritxoak aurkitzen dira. Harrapakinak Jacobsen organoari esker eta mingaina mugituz detektatzen ditu. Organo horrek usaimenaren antzeko funtzioa betetzen du eta mingainaren bidez jasotako estimulu kimikoak aztertzen ditu. Ehizakiak hiltzeko sugegorriak dituen letaginak erabiltzen ditu. Letagin hauek zulatuak eta mugikorrak dira. Ausikitzerakoan pozoia zuzenean harrapakinari sartzen dio. Gero, pozoiak bere lana egin arte, itxaroten du eta ondoren, mingaina erabiliz ehizakiaren arrastoari jarraitzen dio. Aurkitzen duenean, burutik hasita, ehizakia oso-osorik irensten du.

[aldatu] Ugalketa

Udaberrian ugaltzen dira. Sugegorriak obobibiparoak dira. Arrautzak amaren barruan txitatzen dira erditzeko unea iritsi arte. 4-8 kumeak uztaila-abuztutik aurrera ateratzen dira.

[aldatu] Pozoia

Nahiz eta indar handiko pozoia den bere hozkada ez da aspis sugegorriarena baino arriskutsuagoa, dena den, gizakiarentzat ezinbesteko kasuak eman dira.

[aldatu] Ikus, gainera

• Aspis sugegorri
• Kantabriar sugegorri
• Orsini sugegorri
• Suge biperakara