Ozián Indico
De Biquipedia
| Os zinco ozians d'a Tierra |
L'Ozián Indico ye o terzer bolumen d'augua más gran d'o mundo, y cubre alto u baxo lo 20% d'a superfizie d'a Tierra. Muga a lo norte con o sur d'Asia; a l'ueste con a Peninsula Arabica y Africa; a l'este con a Peninsula Malaya, as Islas Sonda, y Australia; y a lo sur con l'Antartida.
Ye desalpartato de l'Ozián Atlantico por o meridián 20 graus este, a lo sur d'Africa, y de l'Ozián Pazifico por o meridián 147 graus este. O punto más a lo norte d'o Ozián Indico ye alto u baxo á 30 graus norte de latitú d'o Golfo Persico. L'ozián tien alto u baxo 10.000 km d'amplaria entre as puntas sur d'Africa y Australia; a suya aria ye 73.556.000 km², encluyendo o Mar Royo y o Golfo Persico. O bolumen de l'ozián s'estima en 292.131.000 km³. Chicotas islas puntian os cantos continentals.
As nazions de l'ozián son Madagascar, a cuatrena isla más gran d'o mundo; Comores; Seychelles; Maldibas; Maurizio; y Sri Lanka. Indonesia lo rodia. A importanzia de l'ozián como una rota de tramit entre Asia y Africa lo ha combertido en un foco de conflitos. De todas manieras, denguna nazión lo ha xalapato con esito dic'os empezipiallos d'o sieglo XIX cuan Anglaterra controlaba a mayoría d'a tierra perimetral.
