Pous Zefirinus

vanuit Wikipedia, die vrye ensiklopedie.

Zefirinus was die vyftiende pous van die Rooms-Katolieke Kerk.

Inhoud 1 Biografie 2 Pontifikaat 3 Verering 4 Webskakels 5 Verwysings 6 Nota

[wysig] Biografie

Pous Zefirinus was ‘n Romein van geboorte. Sy geboortedatum is onbekend. Hy is oorlede op 20 Desember 217. In 199 volg hy Pous Victor I op en word na sy dood opgevolg deur Pous Callixtus I. Hy is begrawe in ‘n aparte kripte in die Callixtus begraafplaas op die Via Appia. Die naam Zefirinus beteken “Weste wind”.

[wysig] Pontifikaat

Pous Zefirinus lei die Kerk in die 3de eeu, ‘n periode gekenmerk deur dogmatiese probleme oor die Drie-eenheid, gnostieke leerstellings, montanisme en modalisme. Sy beeld word veral bepaal deur die geskrifte van die latere teenpous Hippolitus. Hy noem Zefirinus “swak en korrup”. Hy verwyt Zefirinus laksheid jeens die sabellianisme en die monargianisme. Desondanks word die verspreider van die opvattings Noëtius van Smirna deur Zefirinus met die instemming van sy raadsman die latere Pous Callixtus geëkskommunikeer. Hippolitus en Pous Zefirinus het veral verskil oor boetedoening. Zefirinus en Callixtus was van mening dat boetedoening en vergiffenis herhaal kan word na terugval in die sonde, terwyl Hippolitus dit veroordeel het. Dit het in 217 tot ‘n skisma gelei.

Zefirinus het in die spoor van die konflikte rond Noëtius van Smirna die eerste pouslike uitspraak ex cathedra gemaak: “”Ek erken slegs een God, Jesus Christus, en geen ander, wat gebore is of geleef het.” Met die dogmaformulering skep Zefirinus ‘n versoeningsmoontlikheid met die modalistiese patripassiane van Kleomenes wat die leer van Noëtius van Smirna aangehang het, asook die ditheïstiese opvattings van Hippolitus.

Zefirinus voer ook ‘n paar kleiner gebruike in soos die hostieskaal of siborie en die kristalkelk. Hy het ook die ouderdomsgrens vir nagmaal vasgestel op 14 jaar iets wat onveranderd gebly het totdat Pous Pius X dit na 7 jaar verlaag het.

Die Christenvervolgings het verskerp tydens die bewind van Zefirinus. 'n Deel daarvan het verband gehou met die feit dat die keiser Septimius Severus in 203 ‘n herdenking ter viering van sy die tiende bewindsjaar gehou het. Christene het die vierings nie bygewoon nie. Later die jaar het die keiser ‘n edik uitgevaardig wat bekering tot die Christendom verbied het met baie swaar strawwe. Dit was alles deel van Septimius se beleid om ‘n enkele Romeinse godsdiens tot stand te bring.

‘n Teenpous Natalius, wat biskop van ‘n mededingende Christelike sekte in Rome was, het glo onderdanigheid aan Pous Zefrinus beloof “in sak en as” nadat hy “deurnag deur heilige engele gegesel is.”

Geskiedskrywers is verdeel oor die daadkrag of gebrek daaraan wat Zefirinus aan die dag gelê het, maar almal is dit eens dat sy raadgewer en opvolger Callixtus ‘n groot invloed op hom gehad het.

[wysig] Verering

Pous Zefrinus word as heilige in die Rooms-Katolieke Kerk vereer. Sy feesdag is 26 Augustus.

[wysig] Webskakels

CE Inskrywing in die Catholic Encyclopedia (Engels)

[wysig] Verwysings

• Catholic Encyclopedia: "Pope St. Zephyrinus" (1913)
• Rendina, Claudio, The Popes Histories and Secrets (2002)
• Pierre de Luz - Histoire des Papes - Albin Michel - 1960
• Michel Lhospice - La succession des 261 papes de l'église romaine - Les Cahier de l'Histoire nº21 Oktober 1962

[wysig] Nota

• Saamgestel uit die Nederlandse, Engelse, Duitse en Franse Wikipedias.

Pouse van die Rooms-Katolieke Kerk

Petrus - Linus - Anacletus I - Clemens I - Evaristus - Alexander I - Sixtus I - Telesforus - Higinus - Pius I - Anicetus - Soter - Eleuterus - Victor I - Zefirinus - Callixtus I - Urbanus I - Pontianus - Anterus - Fabianus - Cornelius - Lucius I - Stefanus I - Sixtus II - Dionisius - Felix I - Eutichianus - Gajus - Marcellinus - Marcellus I - Eusebius - Miltiades - Silvester I - Markus - Julius I - Liberius - Damasus I - Siricius - Anastasius I - Innocentius I - Zosimus - Bonifatius I - Celestinus I - Sixtus III - Leo I - Hilarius - Simplicius - Felix III - Gelasius I - Anastasius II - Simmachus - Hormisdas - Johannes I - Felix IV - Bonifatius II - Johannes II - Agapetus I - Silverius - Vigilius - Pelagius I - Johannes III - Benedictus I - Pelagius II - Gregorius I - Sabinianus - Bonifatius III - Bonifatius IV - Deusdedit - Bonifatius V - Honorius I - Severinus - Johannes IV - Theodorus I - Martinus I - Eugenius I - Vitalianus - Adeodatus - Donus - Agato - Leo II - Benedictus II - Johannes V - Konon - Sergius I - Johannes VI - Johannes VII - Sisinnius - Konstantyn - Gregorius II - Gregorius III - Sagarias - Stefanus II (III) - Paulus I - Stefanus III (IV) - Adrianus I - Leo III - Stefanus IV (V) - Paschalis I - Eugenius II - Valentinus - Gregorius IV - Sergius II - Leo IV - Benedictus III - Nicolaas I - Adrianus II - Johannes VIII - Marinus I - Adrianus III - Stefanus V (VI) - Formosus - Bonifatius VI - Stefanus VI (VII) - Romanus - Theodorus II - Johannes IX - Benedictus IV - Leo V - Sergius III - Anastasius III - Lando - Johannes X - Leo VI - Stefanus VII (VIII) - Johannes XI - Leo VII - Stefanus VIII (IX) - Marinus II - Agapetus II - Johannes XII - Leo VIII - Benedictus V - Johannes XIII - Benedictus VI - Benedictus VII - Johannes XIV - Johannes XV - Gregorius V - Silvester II - Johannes XVII - Johannes XVIII - Sergius IV - Benedictus VIII - Johannes XIX - Benedictus IX - Silvester III - Benedictus IX - Gregorius VI - Clemens II - Benedictus IX - Damasus II - Leo IX - Victor II - Stefanus IX - Nicolaas II - Alexander II - Gregorius VII - Victor III - Urbanus II - Paschalis II - Gelasius II - Callixtus II - Honorius II - Innocentius II - Celestinus II - Lucius II - Eugenius III - Anastasius IV - Adrianus IV - Alexander III - Lucius III - Urbanus III - Gregorius VIII - Clemens III - Celestinus III - Innocentius III - Honorius III - Gregorius IX - Celestinus IV - Innocentius IV - Alexander IV - Urbanus IV - Clemens IV - Gregorius X - Innocentius V - Adrianus V - Johannes XXI - Nicolaas III - Martinus IV - Honorius IV - Nicolaas IV - Celestinus V - Bonifatius VIII - Benedictus XI - Clemens V - Johannes XXII - Benedictus XII - Clemens VI - Innocentius VI - Urbanus V - Gregorius XI - Urbanus VI - Bonifatius IX - Innocentius VII - Gregorius XII - Martinus V - Eugenius IV - Nicolaas V - Callixtus III - Pius II - Paulus II - Sixtus IV - Innocentius VIII - Alexander VI - Pius III - Julius II - Leo X - Adrianus VI - Clemens VII - Paulus III - Julius III - Marcellus II - Paulus IV - Pius IV - Pius V - Gregorius XIII - Sixtus V - Urbanus VII - Gregorius XIV - Innocentius IX - Clemens VIII - Leo XI - Paulus V - Gregorius XV - Urbanus VIII - Innocentius X - Alexander VII - Clemens IX - Clemens X - Innocentius XI - Alexander VIII - Innocentius XII - Clemens XI - Innocentius XIII - Benedictus XIII - Clemens XII - Benedictus XIV - Clemens XIII - Clemens XIV - Pius VI - Pius VII - Leo XII - Pius VIII - Gregorius XVI - Pius IX - Leo XIII - Pius X - Benedictus XV - Pius XI - Pius XII - Johannes XXIII - Paulus VI - Johannes Paulus I - Johannes Paulus II - Benedictus XVI

Teenpouse

Hippolitus – Novatianus – Felix II – Ursinus – Eulalius – Laurentius – Dioscurus – Eugenius I - Theodorus II – Paschalis I – Theofilactus - Konstantyn II – Philippus – Johannes – Anastasius – Christoforus – Bonifatius VII – Donus II - Johannes XVI – Gregorius – Silvester III – Benedictus X – Honorius II – Clemens III – Theodoricus – Albertus – Silvester IV – Gregorius VIII – Celestinus II – Anacletus II – Victor IV – Paschalis III – Callixtus III – Innocentius III – Nicolaas V – Clemens VII – Benedictus XIII – Alexander V – Johannes XXIII – Clemens VIII – Benedictus XIV – Felix V