Jan Desmarets
Uit Wikipedia
Jan Desmarets (°Yper, 21 januoari 1961) es nen expressionistischn kunstenoare die bronzn beeldn makt.
[bewerkn] Leevn
Jan Desmarets wos upgegroeid in Wervik in e familie mei negen kinders. Je wos den voorlatstn.
J'eit e kunstupleidienge gevolgd an de Koninklijke Academie voor Schone Kunsten van Gent.
Zyn eerste tentoonstellienge ield y in 1985. Sinsdien exposeert y geregeld in België en in 't buutnland.
[bewerkn] Werkn
Bronzn beeldn zyn zyn specialiteit. Soms monumentoal van grotte, soms meer dan twee meiters oge.
De kunstenoare beeldt meestol mienschn, beestn en mythologische figuurn uut, dikkers binst da z'in vulle actie zyn. Lik nen oop vintjes te lope, peirdn in galop, ne puut die an 't spriengn es, of ne reiger die juste ne vis up it.
't Es Jan Desmarets te doene vo de vitaliteit, de kracht, de dynamiek van 't moment. Da doet y deur zyn beeldn zo vele meugelik uut te zuuvern en details achterwege te loatn, zo bevriest y de bewegienge van zyn ounderwerp. Peirdn mei drie pootn, of mienschn zounder kop of mei één been, en zyn gin uutzounderiengn.
Kunstcritici noemn zynen styl intiem expressionistisch, of ook wel fauvistisch.
Veel van zyn beeldn zyn in updracht gemakt en stoan in e openboare plekke. Lik Waregem Koerse, e levensgroot bronzn tweekoppig januspeird da stoat up de maart van Woaregem. Of et kunstwerk De Sprint by De Schakel, ook in Woaregem. Recentelik es d'r e standbeeld van em ounthuldigd vlak voor 't nieuw schoolgebouw up de KATHO-RENO-campus (leroarnupleidienge) in Toeroet.
