H8000
Uit Wikipedia
H8000 es de noame voo de hardcorescène in West-Vloandern, die ipkwam middnt de joarn ’90. De noame wèr uitgesprookn als Hate Thousand. H stoat voe Hate, 8000 voe de West-Vlamsche postnummers.
Inoud |
[bewerkn] Geschiedenisse
De hardcorescene in West-Vloandern kwam ip in 't midden van de joarn 90. Groepn lik Liar en Congress shockeerdn de internationoale hardcorescene omda ze metal in under geluud brachtn. Ze noemdn under nieuwe genre ‘edgecore’. In dien tyd wa voorol old school hardcore en emo populair. Der kwam veel kritiek uut 't buutnland, mo in oeze streke wa de ‘metalcore’ vree populair.
Buutn 't zwoare geluud, a de edgecore ôok een sterke straight-edge bôodschap. Veel bands kwoamn ip voo diernrechtn en veganisme en teegn drugs. Ondertussn kwam ôok in Amerika edgecore ip me bands lik Earth Crisis. Azô kostn sommigste H8000 bands toern deur Europa, Amerika, Japan,… en werdn ze vree populair.
Toen da veel edgecorebands lik Blindfold, Spirit of Youth, Regression, Sektor, Solid en Spineless stoptegen, wa de rek der 'n bitje uut voo 'n poar joar.
Mo sinds kort es H8000 were bezig an e remonte. Êest en voorol kwoamn der mêer beatdown groepn uut Yper, lik Retaliate en First Alliance. In plekke van rappe metal, singalongs en straight edge, brachtn zudder lompe, zwoare beatdown, arte moshpits en violent dancing. Boovndien woarn ze nie straight-edge, mor addn ze mêer een hiphop mentaliteit me danze under eign crews begostn te vormn.
Ôok andere genres kwoamn ip in de streke: old school hardcore, metalcore, deathcore en crossover. 't Epicentrum van de scene verschoof van Kortryk na Brugge en Yper.
In 2006 stoptegen Liar en Congress, de twêe belangrykste bands van de scène. Ip 't latste iptreedn van Congress kwaamn der mêer dan 850 fans uut West-Vloandern, joung en oud. Ondanks da die twêe groepn stopten, es de H8000 vandoage populairder dan ôoit.
[bewerkn] Bands
- Oude periode: Liar, Congress, Blindfold, Spirit of Youth, Sektor, Shortsight, Regression, ODK Crew, Firestone, Solid, Spineless, Vitality,…
- Nieuwe periode: Morda, Core of Anger (†), Blood Redemption, Senseless Wake, Shredder, The Boss, First Alliance (†), Fatal Recoil, Rafflesia, Your God Is Dead, No Recess, Exzistem (†), Knockdown, All My Sins, Urge For Blood,...
[bewerkn] Labels
- Genet Records
- Goodlyfe Records (legendoarisch over de hêle wereld)
- Eyespy Records
- Reality Records
[bewerkn] Documentaire
In 2004 kwam ter een DVD uut me interviews me belangryke gastn uut de H8000 scene.
[bewerkn] Festivols
Joarliks zyn ter een poar hardcorefestivols in oeze streke:
- Ieperfest (êen van de grôotste hardcorefestivols in Europa)
- Tieltfest
- Bergrock (Blanknberge)
- Stekkerrock (Nieuwpoort)
- Groezrock
- Thoprock (Brugge)
- H8000-fest (Kortryk)
- Northseafest (Heist)
- Falloutfest (Knokke-Heist)
[bewerkn] Scène
Belangryke platselikke scenes zyn:
- Kortryk
- Yper (Vort'n Vis)
- Brugge
- Toeroet
- De kuste (D'n Oane (Broedkasse), Heist (Ravelingen), Nieuwpôort, Brèènienge, …)
- En in mindere moate Tielt en Roeseloare.