Trevixo

Da Wikipedia, ła ençiclopedia libara.

Treviso

[[Image:{{{panorama}}}|300px|Panorama di Trevixo]]

Nome ufficiale:

{{{nomeUfficiale}}}

Latitudine: 45° 40′ 0
Longitudine: N° 12′ 15

15 m s.l.m.

55 km²

82.399 01-01-06

1498 ab./km²

Monigo, San Paolo, Santa Bona, San Pelajo, Santa Maria del Rovere, Selvana, Fiera, Sant'Antonino, San Lazzaro, Sant'Angelo, San Giuseppe, Canizzano

Comuni contigui:

Carbonera, Casier, Paese, Ponzano Veneto, Preganziol, Quinto di Treviso, Silea, Villorba, Zero Branco

CAP:

31100

Prefiso teł:

0422

Codice ISTAT:

026086

Codice catasto:

L407

Nome abitanti:

trevigiani o trevisani (ant. trivigiani)

Santo patrono:

San Liberale

Giorno festivo:

27 de apriłe

Sito istituzsionałe

Situada al sentro de ła pianura veneta ała confluenzsa del Boteniga e dei so rivi nel fiume Sil e poxada sue tre cołine del Domo, de Piazsa dei Signori e de Sant'Andrea, Trevixo a xe na sità di zirca 80.000 anime, de orixine vecie e che par tradision de ła cuxina e de piaxeri vari ga sempre fato vegnar in mente a bea vita, tanto xe vero che łe so tere furon ciamae, sin dai tempi del Medioevo, a Marca gioiosa et amorosa. A gà 'na diocesi tant granda, che va oltra anca dai confini dea provincia, fin a'a provincia de Padoa e Venezsia. 'E çità pì importanti dentro a sta diocesi le é Castelfranco, Mojan, Miran e San Dona'.

Un tòco del muro che girava intorno ala cità

[modifica] Giografia

Trevixo la se cata nte ła pianura veneta, zirca a 15 chiometri a sudovest deła riva destra de la Piave a ła confluensa tra el Sil, fiume de risorgiva, el Boteniga, che, ricevui la Łimbraga e ła Piavexeła e rivà fin in sentro, al se divide in tanti canałi (Cagnan grando, Cagnan medio o Buranełi, Roja o Siłeto, el Canal dełe Convertìe), e ‘l Storga, che ‘l bagna el comun a est.

[modifica] El nome

Par che al nome Tarvisium el vegna da 'na romanixasión de n’altra paroła che la se riferìa ai Taurusci, popoło de area çeltica, che ‘l stea sui Monti Tauri ała fine dełe Alpi Orientałi e che se pensa che ‘l vepie costruì ła prima comunidà trevixana. No manca gnanca chi che la tacà el nome al indoeuropeo tarvos (toro) col sufiso –isium come che faxea i Romani. N’altra opinión a se rifà al gałico trev- dopo cambià in tarv-, che vołea dir viłajo de łegno. Xe da xontar anca che ‘l nome “Tarvisium” el fusse vegnùo da na statua co tre vixi che ła dovea star in beła mostra inte ła piasa sentrał. Par ultima che xe ła ipotexi de ła derivasión da do parołe romane, Ter- e –vixi, che e corispondéa a tre coi, dove deso a ghe xe ‘l Dòmo, ła Piasa dei Sióri e ła Piasa de Sant' Andrea, dove a sarìa sta fonda' a cità.