Scopa
Da Wikipedia, ła ençiclopedia libara.
Ła scopa l'è un zugo de carte italian, che se zuga con un mazso de 40 carte, come quełe da briscoła (in Vèneto de sołito se dòpara łe carte trevixane).
Se xuga in 2 o 4 xugadori, ma se xè un numaro dispari anca co 3 xugadori. Se scominsia smissiando łe carte, se ghin dà 3 par omo e 4 łe va in toła. 'Na volta par omo se tira su łe carte in toła.
Scopo del xugo xè far pì punti de mazso, i xè 5: tirar su pì carte, pì ori, che i xè i danari, pì 6 e 7, che i fa punto de primiera, e il 7 beło e il Re beło de ori.
Cò un xudagore tira sù 'na carta e lasa la toła vòda, el ghà fato "Scopa" e ła vałe un punto.
Se in toła ghe xe 2 carte, par esempio 3 e 4 te połi tor sù tuti e dò se te ghe un 7. Se non te ghè carte da ciapare xè mejo coverdare.
"Co fanti e Cavałi, no te sbaji mai."
(origine sconosciuta)
|
Ghe xè 'na variante ciamà Scopon (sientìfico) dove se zuga in 2 copie e se dà 10 carte par omo. In stà version l'azso se ciàma "Pija tuto" parchè połe tirar sù tute e carte in toła.