Nevegal
Da Wikipedia, ła ençiclopedia libara.
Alpe del Nevegal | |
---|---|
Paexe: | Itałia |
Regione/i: | Vèneto |
Provincia/e: | Bełun |
Altezsa: | 1.012 m s.l.m. |
Cadena: | Prealpi Venete |
Coordinate: | |
L’Alpe del Nevegàl ła xe on anpio altipian situà a na dozsena de km a sud de ła zsità de Bełun.
El Nevegal el se affaccia come na teraza su le Dolomiti degradando dolzemente dai 1764 m del Col Visentin fin ai 1000 m del Nevegal passando traverso i colli Faverghera (1611 m) e Toront (1675 m) con i so acoglienti rifugi da in do che se pol vedar, in tuto el so splendor: le zime dolomitiche pi alte e celebri come la Civetta e el Pelmo fin a la Marmolada, un belissimo panorama su la sità de Belun sul gruppo dolomitico del Schiara e su tuta la Valbeluna.
Vardando verso osidente se vede le Pale de S. Lucano, i Monti del Sol e le Vette Feltrine con i magnifici tramonti; mentre a est, el monte Cavallo, el Crep Nudo, el Cansiglio e le montagne furlane.
Ma la sorpresa pi granda la se ga da la zima del Visentin vardando verso sud: traverso la pianura veneta se pol vedar la laguna de Venezsia e ne le giornada particolarmente nìtide se riesse a vedar parfin la sagoma del canpanil de San Marco.