Meru
Da Wikipedia, ła ençiclopedia libara.
I meru i xe on popoło che vive sol monte Kenya e ne i so dintorni. I meru, ameru ne la so lengoa, i parla el meru ma i capise anca el swahili e el kikuyu.
Indice |
[modifica] Grupi
I meru i se divide en sete grupi:
- tigania
- igemebe
- imenti
- miutuni
- igoji
- mwimbi
- muthambi
Altri do grupi, i chuka e i tharaka, i vien ancò considerà do grupi etnici separadi, anca se lori i continua a sentirse de i meru. El sistema de governo tradizionale el xera fondà so on cosilio de i anzsiani votà da la popolazion. Ghe xera consili a livelo de clan, de grupo e su fin al "njuri ncheke", el consilio supremo de tuto el popolo meru. Tra i meru se catava anca de le società segrete che le tendea a de le funzsioni particolari.
[modifica] Storia
La tradizsion orale de i meru la xe varia. Sto fato, e altri segni, el ga portà i studioxi a credar che i meru i sia el rsultà de l’union de diversi pooli. I gavaria meso insieme le tradizsioni de le origini, dando vita a na mitologia de le origini contrastante. Alcni antropologi, specialmente quei che i ga studià tra i tharaka, i ga racolto storie simili a quele del Vecio Testamento. Ste storie le xe de dubia origine. Visto che i antropologi i ga utilizsà el juto de zoeni studenti che i ga podesto rimestar le storie vecie co quele de la Bibia che i ga studià a scola.
[modifica] Scole
Anca se i meru i vive en te na zona de speso seca e poareta, le scole le xe tra le mjo del paexe. Tute le scole le xe stà costruie da i misionari catoleghi e protestanti. Ens to modo, i meru, che i xe na minoranza numerica, i ga tanti personaji de primo pian en te la società keniana. De particoalre interese le xe le scole tecniche e le aplicazsioni fate a l’agricoltura e la canalizazsion de le acque potabili da parte de i misionari italiani de la Consolata de Torino.
[modifica] GEMA
Meru, embu e kikuyu (le tre etnie che le vive sol monte Kenya) le ga formà l’aleanzsa ciamada GEMA (Gikuyu-Embu-Meru Association). Sta coalizsion la gavea, e on certo modo la ga ancora, interesi politeghi e economici. La GEMA la ga rinovà la so esistenzsa en tel 2002, ano de la vitoria de l’oposizsion contro el governo del partito KANU, chel gavea guidà el paexe fin da l’indipendenzsa.
- Portałe Africa: varda łe altre voxe de Wikipedia che łe parla de Africa