Embu
Da Wikipedia, ła ençiclopedia libara.
I Embu i xe n’etnia kenyana. El teritorio ancestrale el xe quelo conpreso en te i distreti de Embu e de Mbeere. Ancò, i studioxi i considera i mbeere come on grupo diverso da i embu. I embu i xe considerà cuzsini co i kikuyu e i meru che i abita ne la stesa zona sul Monte Kenya.
[modifica] Storia
No ghe xe prove serte de l’origine de i embu. I studiosi i pensa che i embu, co kikuyu e meru, i sia vegnudi da el bazsin del Congo durante le migrazsioni bantu. I saria ndà fin a la costa de l’oceano Indiano e dopo tornà ndrio fin al monte Kenya. La mitologia de i embu la dixe che i saria nati a Mbue Njeru, on posto rente de la sità de Runyenjes. I embu i xe senpre stà agricoltori, ma i ga anca animali da alevamento. Senzsa esar famoxi guerieri, i ga senpre proteto el teritorio da i atachi de i kamba e de i maasai.
[modifica] Economia
I embu i xe bacani. La produzsion agricola la xe vendua sol marcà de Nairobi. La tera fertile e l’acqua par l’irigazsion i permete boni racolti. El problema pi groso el xe la framentazsion de i tereni co el pasar de le generazsioni. Tanti embu i lasa la tera par catar laoro en te le zsone urbane.
- Portałe Africa: varda łe altre voxe de Wikipedia che łe parla de Africa