Gipuzkera
Da Wikipedia, ła ençiclopedia libara.
El gipuzkera (guipuzcoano en castilian) l'è un diałeto del basco, anca conosuo come diałeto central, che se parla in te ła parte central de Gipuzkoa e in te ła vałe de Sakana (Navara), in tel Paexe Basco spagnoło.
Indice |
[modifica] Estension
El gipuzkera no l'è mia parlà en tuta ła Gipuzkoa. In tel bacin del fiume Deva, da Leintz Gatzaga fin a Elgoibar, se parla el bizkaiera (diałeto de ła Bizkaia), e a Oiartzun e in tel bacin del fiume Bidasoa se parla alto-navaro. Tutavia ła frontiera tra el gipuxcoan e 'l alto-navaro l'è drio canbiar a favor del gipuxcoan, sicuramente a cauxa del prestigio che el gà avù par tanto tenpo e par l'influenzsa de i mexi de comunicazsion in Gipuzkoa.
[modifica] Varianti del gipuzkera
El gipuxcoan atual el ga quatro varianti principałi:
- Variante de Beterri (da ła xona de Tolosa a Donostia-San Sebastián).
- Variante del Goierri.
- Variante de ła xona de Urola (da Zarautz a Mutriku).
- Gipuxcoan de Navara (Burunda, Echarri-Aranaz).
[modifica] Particołarità del gipuzkera
Caratristiche fonetiche e morfołogiche:
- Alternanzsa: a/e (burua > burue).
- Iato marcà, intercałando na consonante: buruba, txoriya.
- Union de łe vocałi: zaharra > zarra.
- Pałatałixazsion: oilo > oillo.
- No se distingue mia el nominativo plural -ak e 'l ergativo plural -ek, che i vien rexi con -ak.
- Se mete in evidenzsa tute łe fraxi subordinè: etorri den gizona nire aita da.
[modifica] Inportanzsa
El gipuzkera l'è stà uno de i principałi diałeti storici del basco, e l'è stà łéngoa łeteraria da el secoło XVIII in avanti. Su de eło se baxa ła imensa majoransa del basco artificial (batua), el basco atualmente più parlà, specialmente in Araba-Álava.
Al dì d'ancó el gipuzkera, cosita come i st'altri diałeti del basco, e in general el basco che parla i gipuxcoani, l'è drio mutarse in batua, dovuo a ła forzsa che ga i mexi de comunicazsion e ła łeteratura.
[modifica] Varda anca
[modifica] Ligamenti de fora
- Portałe Paexi Baschi: varda łe altre voxe de Wikipedia che łe parla de Paexi Baschi