Celti
Da Wikipedia, ła ençiclopedia libara.
I Celti i gera 'na popołazsion indoeoropea che, intel so periodo de masimo splendor (V-III secoło a.C.), ła se ga estesa inte on'anpia area de ł'Eoropa, dałe Ixołe britaniche fin al bazsin del Danuvio (oltre a qualche insediamento ixolà pì a sud, 'nte łe penixołe iberica, itałica e anatołica). Unìi dałe orixini etniche e culturałi e dała condivixion de on steso grupo łengoistego, i xe sta senpre połiticamente frazsionai; tra i vari grupi de popołazsion celtiche a se distingue i Britani, i Gałi, i Panoni, i Celtiberi e i Gałati, stanzsiai rispetivamente 'nte łe Ixołe Britaniche, 'nte łe Galie, in Panonia, in Iberia e in Anatolia.