Thalía

Mula sa Tagalog na Wikipedia, ang malayang ensiklopedya

Para sa ibang gamit, tingnan Thalia (paglilinaw)

Thalía
Impormasyon
Buong pangalan	Ariadna Thalía Sodi Miranda
Kilala rin bilang	Thalía
Kapanganakan	Agosto 26, 1971 (1971-08-26) (edad 36)
Pinagmulan	Lungsod ng Mehiko, Mehiko
Genre	Latin Pop, Pop Rock, Dance-Pop
Trabaho	mang-aawit, artista, manlilikha, negosyante
Taong aktibo	1981 - kasalukuyan
Label	Fonovisa Records (1990-1993) EMI (1994-present)
Kaugnay	Din Din, Timbiriche
Website	Thalia.com

Si Thalía (Ariadna Thalía Sodi Miranda sa totoong buhay) ay isang matagumpay na mang-aawit at aktres mula sa Mehiko na nagantimpalaan ng Latin Grammy. Isa siya sa mga kilalang aktres sa telebisyon at nakapagbenta ng halos 20 milyong album sa buong mundo.^[1] Mas kilala siya sa Pilipinas bilang aktres na gumanap sa papel na Marimar at Rosalinda.

Nang namatay ang kanyang ama sa sakit na diabetes, noong siya ay limang taon^[2], si Thalía ay hindi nakapagsalita na kahit isang salita ng isang taon. Nag-alala ang kanyang pamilya sa kanyang kondisyon, na naging dahilan sa pagpapatingin sa kanya sa isang sikologo.

Idolo niya si Nadia Comaneci, isang sikat at magaling na gymnast. Kaya si Thalía ay nag-ambisyong maging isang gymnast^[3]. Maraming nakakapagsabi na may alitan sina Thalía at Paulina Rubio (dating kasamahan ni Thalía noong sila ay miyembro ng grupong Timbiriche). Nagsimula ang kwentong ito nang ang dalawa ay di umano ay nag-away sa bago magsimula ang isang pagtatanghal, ang motibo raw ay dahil masyado daw maganda si Thalía kaysa kay Paulina at ang huli ay nainggit sa una.^[4] Nagtambal sina Thalía at Eduardo Capetillo, dating miyembro ng Timbiriche, sa telenobelang Marimar. Namatay ang kanyang nobyo (at sila ay dapat na magpapakasal) na si Alfredo Díaz Ordaz, prodyuser ng una niyang dalawang album, noong Disyembre 16, 1993^[5]. Ito ang dahilan ng paghihiwalay ni Thalía sa Timbiriche at pagiging malayo sa balitang ito noong panahon ng Marimar.

Sinasabi ng mga press na si Thalía ay nagpatanggal ng dalawa nitong tadyang dahil sa ito ay may masyadong maliit na baywang, siya ay may eksaktong 55 sentimetrong baywang (o 21.7 pulgada); ngunit ito ay laging hindi niya pinatototohanan^[6].

Mga nilalaman 1 Talambuhay 2 Diskograpiya 2.1 Thalía (1990) 2.2 Mundo de Cristal (1991) 2.3 Love (1992) 2.4 En Éxtasis (1995) 2.5 Nandito Ako (1997) 2.6 Amor a la Mexicana (1997) 2.7 Arrasando (2000) 2.8 Con Banda: Grandes Exitos (2001) 2.9 Thalía (2002) 2.10 Thalia's Hits Remixed (2003) 2.11 Thalía (2003) 2.12 Greatest Hits (2004) 2.13 El Sexto Sentido (2005) 2.14 El Sexto Sentido Re+Loaded (2006) 2.15 Lunada (2008) 3 Iba pang paglalabas 3.1 Mga katipunan 3.2 Pampelikulang awit 3.3 Diskograpiyang Timbiriche (kasama si Thalia) 3.4 DVD 3.5 Mga nag-iisa 4 Samahang pantagahanga 5 Pilmograpiya 6 Mga telenobela 7 Mga kawing panlabas 8 Talasanggunian

[baguhin] Talambuhay

Si Thalía ay ipinanganak noong Agosto 26, 1971. Ang kanyang mga magulang ay sina Ernesto Sodi Pallares, isang kriminologo, at si Yolanda Miranda Mange. Siya ang bunso sa limang magkakapatid: Laura Zapata (isa ring sikat na aktres sa telebisyon sa Latino Amerika at anak ni Yolanda Miranda sa kanyang unang kasal), Federica (isang arkeolohista), Gabriela (isang daluhasa sa kasaysayan ng sining) at Ernestina (isang manunulat at patnugot).

Taong 1981, nag-umpisa ang karera ni Thalía sa musika bilang bokalista nang Mehikanong batang pangkat na Din Din. Siya ay gumanap sa Juguemos a Cantar bilang miyembro ng grupo at sa bandang huli bilang soloista. Bilang bokalista, siya ay kinikilalang may boses na mezzo-soprano. Noong 1984, siya ay binigyan ng gagampanan sa bersyong pang-kabataan ng produksyong pang-entablado na Grease, siya ay ang pangunahing tauhan na Sandy. Taong 1986, pinalitan niya ang isa sa mga orihinal na babaing bokalista sa grupong Timbiriche na si Sasha Sokol. Noong taong din iyon, binigyan muli siya na gagampanan sa unang niyang telenobela, ang Pobre Señorita Limantour. Taong 1988, pinagbidahan niya ang Mehikanong telenobela na Quinceañera, at pagkatapos niyon ay nagtungo siya sa Los Angeles, California para maghanda sa kanyang sariling karera.

Noong 2000, pinagbidahan niya ang isang malayang pelikula, ang Mambo Café, isang maliit na produksyon ng Hollywood na kung saan gumanap siya bilang isang dalagang taga-Puerto Rico.

Noong Disyembre 2, 2000, pinakasalan ni Thalía si Tommy Mottola, dating presidente ng Sony Music at dating asawa ni Mariah Carey, sa St. Patrick's Cathedral sa New York sa isang tatlong milyong dolyares na seremonya at handaan. Sa kasalukuyan, nakatira sa lungsod ng New York sina Thalía at ang kanyang asawa.

Nagtrabaho rin si Thalía bilang prodyuser ng rekord, kompositor, host sa telebisyon at radyo, fashion designer, natnugot ng pahayagan ng isang magasin at modelo. Siya rin ang naging panauhin sa mga programang pangtelebisyon katulad ng Entertainment Tonight, El Show de Cristina, Good Morning America, Hard Copy, The Rossie O'Donnell Show, at 20/20.

Noong Setyembre 22, 2002, dinukot ang kanyang dalawang nakakatandang kapatid na sina Laura Zapata at Ernestina Sodi pagkatapos manood ng isang pagtatanghal sa isang teatro^[7]. Pagkalipas ng halos dalawang linggong pagkakadukot, pinalaya ng mga nagdukot si Laura noong Oktubre 11^[8]. Pinalaya rin si Ernestina noong Oktubre 27, pagakalipas ng limang linggong pagkakadukot^[9]. Sinasabing nagbayad ng isang milyong dolyar bilang kapalit sa paglaya ng dalawa ang pamilya ni Thalía, ngunit ito ay hindi pinatotohanan.

Noong taglamig nang taong 2006, si Thalía ay naaksidente habang nag-iiskii sa Aspen, Colorado^[10][11]. Siya ay nagpalipas ng Pasko na may sprain sa kaliwang tuhod.

Taong 2007, umanib siya sa ABC Network para magsimula nang isang programang pangradyo na The Conexión Thalia Radio Show, na kung saan pinag-uusapan niya rito ay tungkol sa musika, moda, balita at usaping pangpolitikal.^[12][13]

Noong Hunyo 12, 2007, ayon sa inilabas na balita sa websayt ng magasin na Hello!, si Thalía sa isang natatanging panayam para sa Mehikanong edisyon na ¡Hola!, inihayag niya na nagdadalang-tao siya. At noong Oktubre 7, 2007, sinalubong nina Thalía at Tommy ang kanilang unang anak (may anak si Tommy sa una niyang kasal kay Lisa Clark), isang babae na pinangalanang Sabrina Sakaë.^[14]

Ilalabas ni Thalía ang album na Lunada sa Hunyo 24, 2008.

[baguhin] Diskograpiya

[baguhin] Thalía (1990)

Taong 1990, inilabas ni Thalía ang kanyang unang album na Thalía. Ito ay ginawa ni Alfredo Diaz Ordaz. Ito ay inilabas noong Oktubre 1990 sa pamamagitan ng Fonovisa Records. Ang album na ito ay pinasikat ang mga single na "Un Pacto Entre los Dos", "Salíva", "Amarillo Azul", at "Pienso en Ti".

[baguhin] Mundo de Cristal (1991)

Si Thalía ay nagtungo sa Espanya noong 1991 at pinangunahan ang ilang programang pangtelebisyon. Taong din iyon, inilabas niya ang pangalawa niyang studio album na Mundo de Cristal, na prinoduce ni Alfredo Diaz Ordaz. Inilabas ito ng Fonovisa at pinasikat ang tatlong Mehikanong top ten hits na "Sudor", "En la Intimidad" at "Fuego Cruzado".

[baguhin] Love (1992)

Ang pangatlong album ni Thalía na Love ay ginawa ni Luis Carlos Esteban sa Espanya, at inilabas noong 1992. Taong din iyon ay ang simula ng kanyang matagumpay na acting career sa Mehiko. Kasama sa record ang mga Mehikanong numero unong hits na "Love" at "Sangre". Ito rin ay naglalaman ng top ten hit na "La Vida en Rosa", isang Espanyol-Pranses na adaptation na signature song ni Édith Piaf na "La Vie en Rose", ang temang awitin ng telenobelang María Mercedes.

Taong 1992, pinagbidahan ni Thalía ang telenovela ng Televisa na María Mercedes, at sinundan pa ito ng mga seryeng katulad ng Marimar, María la del Barrio at Rosalinda, na kung saan, lahat ng telenovelang nabanggit, ay naibenta ito sa 110 bansa at napanood ng milyong manonood. Ang kanyang mga telenovela ay ipinalabas sa buong Latin Amerika at mga bansang tulad nang Pilipinas, Indonesia, Gresya, Polonya, Portugal, Espanya at Estados Unidos. Ang kanyang mga telenovela ay hango sa kwentong Cinderella na kung saan ang bida ay ipinanganak sa kahirapan at makakakilala ng isang binatang mayaman, at sa huli sila ay ikakasal.

[baguhin] En Éxtasis (1995)

Taong 1995 umalis si Thalía sa Melody/Fonovisa para sa EMI at naglabas ng label debut album, ang En Éxtasis. Ginawa ni Óscar López at Latin Pop impresario na si Emilio Estefan Jr., ang En Extasis ay naglalaman ng kanyan unang major international hit na "Piel Morena". Ang iba pang mga single mula sa album na ito ay kasama ang cover ni Juan Gabriel na "Gracias a Dios," ang sinulat ni A.B. Quintanilla na "Amandote" at "Quiero Hacerte el Amor". Ang "María la del Barrio", na kasama rin sa album, ay temang awitin sa ganoon din pamagat na telenovela, na kung saan si Thalía ang gumanap sa bidang papel.

[baguhin] Nandito Ako (1997)

Inilabas noong Pebrero 1, 1997, ginawa ni Thalía ang album na Nandito Ako para sa merkado ng Pilipinas, na kung saan ito ay inirecord na bahagya sa wikang Filipino. Ang album ay naglalaman ng apat na awiting Tagalog, limang bersyon na Ingles mula sa En Éxtasis at isang remix. Ang album ay niremastered at inilabas ito ng EMI Philippines taong 2007 kasama ang temang awitin ng Marimar bilang unang track. Ang mga larawan ng album ay mula sa album ni Thalía na El Sexto Sentido.

Taong din iyon, inilabas ng Atlantic Records ang soundtrack ng animated feature na pelikulang Anastasia, na kung saan kasama ang bersyong Espanyol ng Journey to the Past (Viaje Tiempo Átras) bilang bonus track na inawit ni Thalía.

Idineklara noong Abril 25, 1997 sa Los Angeles, California, Estados Unidos na "Thalía Day".^[15] Siya ay pinangalanang isa sa "dalawamput-limang Pinakamagagandang Tao", pitong beses ng magazine na People en Español.^[16]

[baguhin] Amor a la Mexicana (1997)

Bago matapos ang taong 1997, ginawa ni Emilio Estefan Jr. ang pang-anim na studio album ni Thalía na Amor a la Mexicana. Halos lahat ng mga awit na kasama sa album ay isinulat ni Kike Santander, na responsable rin sa breakthrough hit ni Thalía na "Piel Morena". Ang album ay nagdala sa mga hits na katulad ng "Amor a la Mexicana", "Por Amor" at "Mujer Latina". Ang bersyon sa Brazil album ay naglalaman ng tatlong bersyong Portuges na mga kanta sa album. Sa Pransya, ito ay inilabas bilang "Por Amor", kasama ang dalawang bonus remixes. Ang remix ng "Amor a la Mexicana" ay naging pangunahing single ng album. Bilang resulta nito, ang single ay umani ng malaking promosyon at ito ay umabot sa numero onse sa Pransya. Bilang kasama sa kampanya noong 2005, inilabas muli ito ng EMI at ni-remaster ang tunog at apat na bonus club remix.

[baguhin] Arrasando (2000)

Matapos tumigil ng dalawang taon, si Thalía ay bumalik noong 2000 kasama ang pangatlo niyang studio album na prinoduce kasama si Emilio Estefan, ang Arrasando. Ang album ay inilabas noong Abril 25 at inilabas ang "Entre el Mar y Una Estrella" bilang unang single nito. Ang mga single na "Entre el Mar y Una Estrella", "Arrasando", "Regresa a Mí", at "Reencarnación" ay Spanish radio hits. Ang "Entre el Mar y Una Estrella" ay pinangunahan ang Billboard's Hot Latin Tracks at Latin Pop Airplay, na naging unang niyang single na makagawa nito. Ang iba pang mga single ay nag-chart sa top 25 ng Latin Pop Airplay chart.

Bilang resulta ng tagumpay ng album, pagkatapos ng taon, si Thalía ay nominado sa dalawang kategorya sa Latin Grammy - "Best Female Pop Vocal Album" at "Best Sound Engineered Album." Napanalunan niya ang huli at natalo siya sa una ng Mi Reflejo ni Christina Aguilera.

[baguhin] Con Banda: Grandes Exitos (2001)

Noong Agosto 28, 2001, inilabas ni Thalía ang kanyang compilation album na Con Banda: Grandes Éxitos. Ang tribute album para sa kanyang bansang sinilangan ay naglalaman ng marami niyang hits, na kung saan ito ay muling nirecord na may tipikal na tunog banda ng Mehiko. Kasama rin ang dalawang remixes at dalawang bagong tracks ("La Revancha" and "Cuco Peña"), na kung saan ang kantang isinulat ni Thalía na "La Revancha" ay inilabas lang sa Mehiko. Gumawa rin ng music video para sa bersyong remix ng "Amor a la Mexicana". Ang remix ay hindi re-release ng orihinal na kanta. Ang Guillermo Gil-produced compilation ay naging nominado para sa 2002 Latin Grammy Award para sa "Best Banda Album."

[baguhin] Thalía (2002)

Taong 2002, inilabas ni Thalía ang ikapito niyang studio album, Thalía, na kung saan ito ay halos ang mga kanta ay isinulat at prinoduce ni Estéfano. Nangibabaw ang pares na Hot Latin Tracks chart-topping singles (ang "Tú y Yo" at "No Me Enseñaste") at isang top-ten hit (ang "¿A Quién Le Importa?"). Itong album na ito ay may kasamang tatlong kantang Ingles, kasama na ang Dead or Alive cover na "You Spin Me Round (Like a Record)". Ang record ay humahawak sa numero unong spot sa halos anim na linggo sa Top Latin Albums chart, at umabot sa ikalabing-isang spot sa Billboard 200 album chart. Sa huli ang album ay certified platinum sa Estados Unidos na nakapagbenta ng halos 200,000. Ang kantang isinulat nina Estéfano at Julio Reyes power ballad na "No Me Enseñaste" ay marahil na pinakamalaking hit niya sa album, na umani ng maraming nominasyon mula sa Latin Billboard at chart-topping success. Ito ay numero unong hit sa Billboard's Hot Latin Tracks at umabot sa panglimang posisyon sa Argentina.

Si Thalía ay nominado sa isang kategorya sa Latin Grammy - "Female Pop Vocal Album", at apat na kategorya sa Latin Billboard - "Pop Track: Female" (No Me Enseñaste), "Tropical Track: Female" ("No Me Enseñaste"), "Premio de la Audiencia," at "Pop Album: Female". Napanalunan niya ang dalawang huling mga award.

[baguhin] Thalia's Hits Remixed (2003)

Taong 2003, inilabas ni Thalía ang Thalía's Hits Remixed, isang compilation na nagtatampok ng mga remixes ng kanyang mga hits na awitin sa ilalim ng EMI label. Bukod pa sa mga remixes, naglalaman din ito ng bersyong Ingles ng "Arrasando" na pinamagatang "It's My Party", na inilabas sa Gresya.

[baguhin] Thalía (2003)

Bago matapos ang taong 2003, inilabas ni Thalía ang una niyang crossover-album na Ingles na Thalia. Ang album ay walang nilalaman na mga ritmong Latin katulad ng kanyang nakaraang mga album sa EMI, bagkus ito ay pop album. Ang album ay naglalaman ng hit na "I Want You" (isang impluwensyang Hip-Hop na track), na kasama ang Amerikanong rapper na si Fat Joe. Ang kanta ay naging numero unong hit sa Argentina at Brazil, lumabas bilang ikalabing-isa sa United World Chart at lumabas bilang ikalabing-dalawa sa Billboard Hot 100 chart sa Estados Unidos. Ang bersyong Espanyol nito, "Me Pones Sexy," na kung saan kasama rin si Fat Joe at lumabas sa pang labing-siyam sa Hot Latin Tracks chart. Ang iba pang mga singles mula sa album ay ang "Baby, I'm in Love," at "Don't Look Back" (bersyong Ingles ng Espanyol na "Toda la Felicidad" na kasama rin sa album na ito). Ang parehong mga track ay hindi ganoong nagtagumpay.

[baguhin] Greatest Hits (2004)

Taong 2003, inilunsad ni Thalía ang kanyang clothing line, na natatanging makukuha lang sa piling tindahan ng Kmart, sa ilalim ng pangalang brand na Thalía Sodi Collection.^[17] Siya rin ay humahawak sa sarili niyang brand ng tsokolateng Hershey's.

Pagkatapos ng taong 2003, nagpasiya ang EMI na panahon na para kay Thalía na maglabas ng greatest hits album. Ito ay inilabas noong Pebrero 2004. Simpleng pinamagatang Greatest Hits, ang compilation ay naglalaman ng mga hits sa panahon noong siya ay nasa EMI, mula sa "Piel Morena" hanggang sa "Acción y Reacción". Ang ballad na "Cerca de Ti" ay ang pangatlong single na Espanyol na mula sa kanyang 2003 crossover album. Ang kanta ay isang malaking hit sa Latin charts, na nanguna sa Billboard's Hot Latin Tracks chart. "Acción y Reacción", orihinal na nirecord para sa kantang 2002 album, Thalía, ay hindi na naisama sa album. Ang bersyong demo ng kanta ay nag-leak noong May 2002 at ito ay tanggap ng mga fans niya. Nagpasya si Thalía na muli itong irecord at ire-arrange ang "Acción y Reacción" at inilabas bilang isa sa track sa kanyang Greatest Hits album. Ito rin ay inilabas bilang single noong 2004. Ang track ay tungkol sa relasyon ni Thalía kay Tommy Mottola. Kahit na tanggap ito ng fans niya, ang "Acción y Reacción" ay hindi nag-chart na kahit ano sa Billboard's Hot Latin Tracks chart.

[baguhin] El Sexto Sentido (2005)

Ang El Sexto Sentido ay ang pang-siyam na studio album ni Thalía. Ito ay inilabas noong Hulyo 19, 2005 at ito ay inirecord na karamihan ay sa wikang Espanyol, ngunit mayroon din itong awit na Ingles. Ang album ay tumanggap ng katamtamang response mula sa publiko at mga kritiko. Ito ay lumabas sa publiko bilang numero uno sa kanyang tubong bansa na Mehiko. Ang "Amar Sin Ser Amada", isang rock-edged at tango-based na kanta, ay ang unang single sa album, at ito ay lumabas sa numero siyam sa Mehiko. Ang track din iyon ay lumabas sa numero dos sa Hot Latin Tracks chart. Ang pangalawang single, ang ballad na "Un Alma Sentenciada" ang pinili, na inaasahang magiging "No Me Enseñaste" ng album. Gayon man, ang reaksyon ng publiko ay hindi gaanong positibo dahil ito ay nabigong lumabas sa Top 40, lumabas ito sa numero 47 sa Mehiko. Ang "Seducción," isang high-energy pop track at paborito ng mga fan, ay naging pangatlong single. Ang single na ito ay lumabas na numero kwatro sa Mehiko.

[baguhin] El Sexto Sentido Re+Loaded (2006)

Noong Hunyo 6, 2006, ang El Sexto Sentido ay muling inilabas sa ilalim ng pamagat na "El Sexto Sentido: Re+Loaded", na may kasamang tatlong bagong kanta at isang remix. Isa sa bagong nitong tracks, ang "Cantando Por un Sueño", ang titulong track ng palabas sa telebisyon na may parehas na pamagat, ay inilabas bilang unang single mula sa nirelease na Re+Loaded, ngunit ito'y sa Mehiko lamang. Ang kanta ay inilabas bilang promo para sa palabas na pangtelebisyon, at nagpasiya si Thalía na ipromote ang panglimang single, ang "Olvídame." Ang kanta ay hindi nagtagumpay. Ang "No, No, No", isa pang bagong track ng re-release na Re+Loaded, na kasama si Anthony "Romeo" Santos na mula sa bandang Latin na Aventura, ay pinili bilang pang-anim at huling single. Ang ballad na Latin ay naging matagumpay agad; ito ay nanguna sa airplay chart sa Puerto Rico at naging top 5 hit sa Hot Latin Tracks chart. Ang kanta ay nagwagi sa award na "Best Pop Song of the Year" noong 2007 Premios lo Nuestro.

Ang album na ito ay umani ng maraming nominasyon mula sa Latin Grammy Awards, Billboard Latin Music Awards, Orgullosamente Latino Awards, Oye Awards, Premios Juventud at Premios lo Nuestro.

[baguhin] Lunada (2008)

Inilahad ni Thalía noong Enero 12, 2008 na ginagawa niya ang kanyang susunod na studio album. At ayon pa sa kanya, lahat nang mga kanta ay pili.

Noong Marso 24 ng ipagdiwang ni Thalía ang unang anibersaryo ng kanyang palabas na panradyo, inilaha niya na ang kanyan susunod na album ay ilalabas sa Hunyo 24.

Sa website ng Univision noong Abril 30, inilunsad ang sample audio ng dalawa sa magiging tracks sa kanyang susunod na album na may mga pamagat na Ten Paciencia at Sangre Caliente. Binigyan ni Thalía (at ng Univision) ng pagkakataon ang mga fans na pumili, sa pamamagitan ng pagboto, sa dalawa kung alin sa mga iyon ang gagamitin ni Thalía bilang single para sa paglulunsad ng kanyang album. At noong Mayo 9, dahil sa mataas na nakuhang boto, napili ang Ten Paciencia bilang single.^[18]. Kinumpirma rin na Lunada^[19] ang pamagat ng 2008 album ni Thalía.

Naglabas din si Thalía ng isa pang track mula sa Lunada na may pamagat na Bendita^[19] noong Mayo 10 bilang selebrasyon sa araw ng mga ina. Ang Bendita ay mismo niyang isinulat at iniaalay niya ito sa lahat ng mga ina at sa kanyang anak na si Sabrina Sakaë.

[baguhin] Iba pang paglalabas

[baguhin] Mga katipunan

• Thalia Mix, Melody/Fonovisa (1993)
• Los Deseos de Thalía: Grandes Exitos, Melody/Fonovisa (1994)
• 20 Kiliates Musicales, Melody/Fonovisa (1996)
• Bailando en Éxtasis, EMI (1997)
• Mis Mejores Momentos: Para Coleccionistas, Melody/Fonovisa (1998)
• Jugo de Exitos, Melody/Fonovisa (1998)
• Serie Millennium: 21, Melody/Fonovisa (1999)
• Serie Sensacional: La Sensacion de Thalia, Melody/Fonovisa (2000)
• Serie 32, Melody/Fonovisa (2001)
• 15 Exitos, Melody/Fonovisa (2002)
• Edicion Limitada, Melody/Fonovisa (2002)
• Esenciales: The Ultimate Collection, Melody/Fonovisa (2002)
• Oro: Grandes Exitos, Melody/Fonovisa (2004)
• Grandes Exitos, Melody/Fonovisa (2004)
• The Sixth Sense (El Sexto Sentido), EMI (2005)
• Combo de Exitos: Somos la Historia, Melody/Fonovisa (2006)

[baguhin] Pampelikulang awit

• Anastasia Soundtrack (1997)

[baguhin] Diskograpiyang Timbiriche (kasama si Thalia)

• Timbiriche VII (1987)
• Timbiriche VIII-IX (1988)
• Los Clásicos de Timbiriche (1989)

[baguhin] DVD

• Mambo Cafe (1999)
• Greatest Hits (2004)
• Combo de Exitos: Somos la Historia (2006)

[baguhin] Mga nag-iisa

Lahat na inilabas na regular na mga awiting single at ang kani-kanilang posisyon sa chart peak: Billboard Hot 100 (Hot 100), Hot Dance Club Play (HDM), Hot Latin Tracks (HLT), Latin Pop Airplay (LPA), at Latin Tropical Airplay (LTA).

Year	Single	Peak positions[20]					Album
		Hot 100	HDM	HLT	LPA	LTA
1990	"Un Pacto Entre Los 2"	–	–	-	-	–	Thalia (Debut Album)
1990	"Saliva"	–	–	-	-	–	Thalia (Debut Album)
1990	"Amarillo Azul"	–	–	-	-	–	Thalia (Debut Album)
1990	"Pienso en Ti"	–	–	-	-	–	Thalia (Debut Album)
1991	"En La Intimidad"	–	–	-	-	–	Mundo De Cristal
1991	"Fuego Cruzado"	–	–	-	-	–	Mundo De Cristal
1991	"Sudor"	–	–	-	-	–	Mundo De Cristal
1991	"Te Necesito"	–	–	-	-	–	Mundo De Cristal
1992	"Love"	–	–	-	-	–	Love
1992	"Sangre"	–	–	-	-	–	Love
1992	"La Vie En Rose (La Vida En Rosa)"	–	–	-	-	–	Love
1992	"Maria Mercedes"	–	–	-	-	–	Love
1994	"Marimar"	–	–	-	-	–	Marimar
1995	"Piel Morena"	–	–	7	4	–	En Éxtasis
1996	"Gracias a Dios"	–	–	26	8	–	En Éxtasis
1996	"Amándote"	–	–	–	–	–	En Éxtasis
1996	"Quiero Hacerte el Amor"	–	–	–	–	–	En Éxtasis
1996	"Me Faltas Tú"	–	–	-	-	–	En Éxtasis
1996	"Maria la del Barrio"	–	–	30	14	–	En Éxtasis
1997	"Amor a la Mexicana"	–	–	6	–	–	Amor a la Mexicana
1997	"Por Amor"	–	–	–	–	–	Amor a la Mexicana
1997	"Mujer Latina"	–	–	–	–	–	Amor a la Mexicana
1997	"Noches Sin Luna" ²	–	–	–	–	–	Amor a la Mexicana
1997	"Ponle Remedio" ²	–	–	–	–	–	Amor a la Mexicana
1997	"De Donde Soy" ²	–	–	–	–	–	Amor a la Mexicana
1997	" Echa Pa'Lante" ²	–	–	–	–	–	Amor a la Mexicana
2000	"Entre El Mar Y Una Estrella"	–	1	1	1	–	Arrasando
2000	"Arrasando"	–	–	3	1	-	Arrasando
2000	"Regresa a Mi"	–	–	19	12	–	Arrasando
2001	"Reencarnación"	–	–	30	17	–	Arrasando
2001	"Rosalinda (Ay Amor)"	–	–	46	23	37	Arrasando
2001	"Amor a la Mexicana" [Banda Version]	–	–	–	–	–	Con Banda, Grandes Éxitos
2001	"Arrasando" [Banda Version] 1	–	–	–	–	–	Con Banda, Grandes Éxitos
2001	"Piel Morena" [Banda Version] 1	–	–	–	–	–	Con Banda, Grandes Éxitos
2001	"La Revancha" 1	–	–	–	–	–	Con Banda, Grandes Éxitos
2002	"Tú y Yo"	–	–	1	1	3	Thalía (Spanish album)
2002	"No Me Enseñaste"	–	–	1	3	1	Thalía (Spanish album)
2003	"¿A Quién Le Importa?"	–	–	9	1	7	Thalía (Spanish album)
2003	"Dance Dance (The Mexican)"	–	6	–	–	–	Thalía (Spanish album)
2003	"I Want You/Me Pones Sexy"	22	27	9	1	3	Thalía (English album)
2003	"Baby, I'm in Love/Alguien Real"	–	12	–	–	–	Thalía (English album)
2004	"Cerca de Ti"	–	–	1	1	4	Thalía (English album)
2004	"Acción y Reacción"	–	–	–	–	–	Greatest Hits
2005	"Amar Sin Ser Amada"	–	–	2	7	8	El Sexto Sentido
2005	"Un Alma Sentenciada"	–	37	13	11	6	El Sexto Sentido
2006	"Seducción"	–	–	32	14	23	El Sexto Sentido
2006	"Cantando Por Un Sueño" 1	–	–	–	–	–	El Sexto Sentido (Re+Loaded)"
2006	"No, No, No" (feat. Aventura)	–	–	4	4	5	El Sexto Sentido (Re+Loaded)
2006	"Olvídame"	–	–	–	–	–	El Sexto Sentido

• ¹ Inilabas lang sa Mehiko
• ² Inilabas lang sa Latin Amerika

[baguhin] Samahang pantagahanga

Ang kaunaunahang opisyal na fan club ni Thalía, na Mundo de Cristal (MDC), na ipinangalan pagkatapos sa kanyang awit at record na may kaparehang pamagat, itinatag ito noong Setyembre 10, 1991 ng isang Mehikanang panatiko, na si Sonia Hernández. Sa simula, ito ay isang maliit na grupo lamang, na karamihan ay kapamilya, kamag-anak at kaibigan ni Hernández's, di kalaunan, sa pagsali ng mas marami pang fans mula sa ibang siyudad ng Mehiko, ito ay naging opisyal na fan club sa Mehiko, at maging din sa buong mundo. Ito ay mayroong halos dalawampung sangay mula sa mga bansang nasa Latin America, Europa, at maging sa Estados Unidos. Ang mga ibang fan club, na kinikilala ng mga lokal na record labels, ay nabuo sa loob ng karera ni Thalía, ngunit ang tanging internasyonal at opisyal na fan club na kinikilala ni Thalía ay ang MDC.^[21]

[baguhin] Pilmograpiya

• Mambo Café (1999)^[22]

[baguhin] Mga telenobela

• Rosalinda (1999)
• María la del Barrio (1995/96)
• Marimar (1994)
• María Mercedes (1992)
• Luz y Sombra (1989)
• Quinceañera (1987/88)
• Pobre Señorita Limantour (1987)

[baguhin] Mga kawing panlabas

• (Ingles), (Kastila) Opisyal na websayte
• (Kastila), (Ingles), Opisyal na samahang pantagahanga
• (Kastila) Opisyal na websayt ng kanyang programang pang-radyo
• (Ingles), (Kastila) EMI | Televisa | Music
• (Ingles) Thalía sa The Internet Movie Database

[baguhin] Talasanggunian

• Diskogapiya ni Thalía
• Talambuhay, Diskograpiya at mga telenobela

t • u • b Thalía Mga studio album Thalía (1990) · Mundo de Cristal · Love · En Éxtasis · Nandito Ako · Amor a la Mexicana · Arrasando · Thalía (2002) · Thalía (English) · El Sexto Sentido Iba pang mga album Con Banda: Grandes Éxitos · Hits Remixed · Greatest Hits Mga single Arrasando · Tú y Yo · No Me Enseñaste · ¿A Quién le Importa? · Dance Dance (The Mexican) · I Want You" · Baby, I'm in Love · Don't Look Back · Cerca de Ti · Acción y Reacción · Amar Sin Ser Amada · Un Alma Sentenciada · Seducción · Cantando por un Sueño · Olvídame · No, No, No Mga kaugnay na paksa Diskograpiya · Mga Gantimpala