అక్కినేని నాగార్జున

వికీపీడియా నుండి

అక్కినేని నాగార్జున (ఆగష్టు 29, 1959 న చెన్నై లో జన్మించిన) ప్రసిద్ధ తెలుగు సినిమా నటుడు మరియు నిర్మాత. ఇతను 1960, 70 లలొ ప్రఖ్యాత నటుడైన అక్కినేని నాగేశ్వర రావు యొక్క కుమారుడు.

విషయ సూచిక 1 వ్యక్తిగతం 2 సినిమా జీవితము 3 అవీ-ఇవీ 4 నటించిన చిత్రాలు 5 మూలాలు 6 బయటి లింకులు

[మార్చు] వ్యక్తిగతం

నాగార్జున సుప్రసిధ సినీ నటులైన అక్కినేని నాగేశ్వర రావు, అక్కినేని అన్నపూర్ణ దంపతుల రెండవ కుమారుడు. నాగార్జున హైదరాబాద్ పబ్లిక్ స్కూల్ లో ప్రాధమిక విద్యను, లిటిల్ ప్లవర్ స్కూల్ లో ఇంటెర్మీడియట్ విద్యను అభ్యసించాడు. తరువాత మద్రాస్ లో మెకానికల్ ఇంజినీరింగ్ చదివాడు. తరువాత మిచిగన్ విశ్వ విద్యాలయంలో ఆటోమొబైల్ ఉన్నత విద్యను అభ్యసించారు ^[1]. ఇతని ప్రధమ వివాహం ఫిబ్రవరి 18, 1984 ^[2] నాడు లక్ష్మితో ^[1] జరిగింది. ఈమె ప్రసిధ నటుడు వెంకటేష్ కు సోదరి ^[3]. వీరిరువురు విడాకులు తీసుకున్నారు^[4]. తరువాత 1992 జూన్ నెలలో నాగార్జున శివ చిత్రంలో సహనటి అయిన అమలను వివాహమాడాడు. ఈమె మాజీ దక్షిణ భారత నటి. నాగార్జునకు ఇద్దరు కుమారులున్నారు. మొదటి వాడు నాగ చైతన్య (పుట్టిన తేదీ నవంబర్ 23, 1986) ^[2] మొదటి భార్య కొడుకు. అఖిల్ (పుట్టిన తేదీ ఏప్రిల్ 8 1994)^[2] రెండవ భార్య కొడుకు.

[మార్చు] సినిమా జీవితము

ఇతని మొదటి చిత్రం విక్రం, మే 23, 1986 లో విదుదల అయింది. ఈ చిత్రం హిందీ చిత్రం హీరోకి అనువాద రూపము. తరువాత నాలుగు చిత్రములలొ నటించిన పిమ్మట, ఈయన మజ్ఞు సినిమాలొ విషాద కధానాయకుడి పాత్ర పోషించాడు. విషాద పాత్రలు పోషించటంలో నాగార్జున తండ్రి, నాగేశ్వరరావు సుప్రసిద్దుడు. నాగార్జున, తన తండ్రితో కలసి మొదటిసారిగా కలెక్టరుగారి అబ్బాయి చిత్రంలొ నటించాడు. సినీనటి శ్రీదేవితో నటించిన ఆఖరి పోరాటం సినిమా నాగార్జునకు విజయాన్ని అందించిన మొదటి చిత్రం. ఈ చిత్రం 12 కేంద్రాలలో 100 రోజులు ఆడింది. తరువాత మణిరత్నం దర్శకత్వం వహించిన ప్రేమకధా చిత్రం గీతాంజలి మరియు రాంగోపాల వర్మ దర్సకత్వం వహించిన యాక్షన్ చిత్రం శివ, ఈ రెండు చిత్రములు పెద్ద విజయం సాధించి ఇతనిని విజయవంతమైన తెలుగు కధానాయకుల సరసన నిలబెట్టాయి. నాగార్జున నూతన దర్శకులను ప్రోత్సహించి తాను నిర్మించే సినిమాలకు దర్శకత్వము వహించే అవకాశము ఇస్తాడన్న పేరు ఉన్నది. శివ చిత్రాన్ని హిందీలో పునర్నిర్మించి బాలీవుడులో కూడా అడుగుపెట్టాడు. ప్రెసిడెంట్ గారి పెళ్లాం, హలో బ్రదర్ వంటి చిత్రాలు ఈయనకు మాస్ హీరో అన్న పేరును తెచిపెట్టాయి. ఆ తరువాత కృష్ణ వంశి దర్శకత్వములో విడుదలైన నిన్నే పెళ్లాడుతా భారీగా విజయవంతమయ్యింది. ఆ తరువాత అన్నమయ్య చిత్రములో వాగ్గేయకారుడు అన్నమయ్య పాత్రను పోషించే సవాలును స్వీకరించి విజయం సాధించాడు. ఈ సినిమా 42 కేంద్రాలలో 100 రోజులు పైగా నడిచినది.

2006లో నాగార్జున తన తాజా చిత్రము శ్రీ రామదాసు లో ముఖ్య పాత్రైన రామదాసు ను పోషించి విమర్శకుల ప్రశంశలందుకున్నాడు. ఈ చిత్రానికి కె.రాఘవేంద్రరావు దర్శకత్వము వహించాడు.

[మార్చు] అవీ-ఇవీ

• ఈయన తన తండ్రి యొక్క నిర్మాణ సంస్థ అయిన అన్నపూర్ణ స్టూడియోస్ ని పునరుద్ధరించి తెలుగు సినిమా పరిశ్రమలో ఇటీవల కాలములో ఒక విజయవంతమైన నిర్మాతగా పేరు తెచ్చుకొన్నాడు.

[మార్చు] నటించిన చిత్రాలు

సంవత్సరం	సినిమా	సినిమాలో పాత్ర పేరు	ఇతర వివరాలు
2008	కృష్ణార్జున	కృష్ణ
2007	డాన్	సూరి
2006	బాస్	గోపాల కృష్ణ
2006	శ్రీరామదాసు	గోపన్న /శ్రీ రామదాసు	విమర్శకుల ప్రశంసలు నంది బహుమతులు - ఉత్తమ నటుడు విజేత
2006	స్టైల్		అతిధి పాత్రలో
2005	సూపర్	అఖిల్	ఫిలంఫేర్ తెలుగు ఉత్తమ నటుడు బహుమతికి ఎంపిక
2004	మాస్	గణేష్/మాస్
2004	నేనున్నాను	వేణు
2003	యల్ ఓ సి కార్గిల్	మేజర్ పద్మపాణి ఆచార్య, 2 రాజపుఠానా రైఫిల్స్
2003	శివమణి 9848022338	శివమణి
2002	మన్మధుడు (సినిమా)	అభిరామ్
2002	సంతోషం (సినిమా)	కార్తీక్	నంది బహుమతులు - ఉత్తమ నటుడు విజేత
2001	స్నేహమంటే ఇదేరా	అరవింద్
2001	ఆకాశ వీధిలో	చందు
2001	బావ నచ్చాడు	అజయ్
2001	ఎదురులేని మనిషి	సూర్యమూర్తి/సత్యమూర్తి
2000	ఆజాద్	ఆజాద్
2000	నిన్నే ప్రేమిస్తా	శ్రీనివాస్
2000	నువ్వు వస్తావని	చిన్ని
1999	రావోయి చందమామ	శశి
1999	సీతారామరాజు	రామరాజు
1998	చంద్రలేఖ	సీతా రామారావు
1998	ఆటో డ్రైవర్	జగన్
1998	ఆవిడా మా ఆవిడే	విక్రాంత్
1998	అంగారే	రాజా
1997	రచ్చగన్	అజయ్	తమిళ్
1997	అన్నమయ్య	అన్నమయ్య	నంది బహుమతులు - ఉత్తమ నటుడు విజేత
1996	నిన్నే పెళ్ళాడుతా	శీను
1996	రాముడొచ్చాడు	రామ్
1996	వజ్రం
1995	సిసింద్రీ
1995	క్రిమినల్	అజయ్
1995	ఘరానా బుల్లోడు	కళ్యాణ్
1994	హలో బ్రదర్	దేవ/రవివర్మ
1994	గోవిందా గోవిందా	శ్రీను
1993	అల్లరి అల్లుడు	కళ్యాణ్
1993	వారసుడు	వినయ్
1993	రక్షణ
1992	ప్రెసిడెంట్ గారి పెళ్ళాం
1992	ద్రోహి
1992	అంతం	రాఘవ్
1991	ఖుదా గవా
1991	కిల్లర్	ఈశ్వర్/కిల్లర్
1991	జైత్రయాత్ర
1991	శాంతి క్రాంతి
1991	చైతన్య
1991	నిర్ణయం
1990	శివ	శివ
1990	ఇద్దరు ఇద్దరే
1990	నేటి సిద్దార్థ	సిద్దార్థ
1990	ప్రేమ యుద్దం
1990	శివ	శివ	ఫిలంఫేర్ తెలుగు ఉత్తమ నటుడు విజేత
1989	అగ్ని
1989	గీతాంజలి	ప్రకాష్
1989	విక్కీ దాదా	విక్రం (విక్కీ)
1989	విజయ్	విజయ్
1998	జానకి రాముడు	రాము
1998	మురళీ కృష్ణుడు	మురళీ కృష్ణ
1998	చినబాబు
1998	ఆఖరి పోరాటం	విహారి
1987	కిరాయిదాదా
1987	అగ్నిపుత్రుడు
1987	కలెక్టర్ గారి అబ్బాయి
1987	సంకీర్తన
1987	మజ్ను
1987	అరణ్యకాండ
1986	కెప్టెన్ నాగార్జున	నాగార్జున
1986	విక్రం	విక్రం

[మార్చు] మూలాలు

1. ↑ ^{1.0 1.1} http://www.nagfans.com/release.asp?submod=Profile&module=Nag%20Store
2. ↑ ^{2.0 2.1 2.2} http://www.idlebrain.com/celeb/bio-data/bio-nag.html
3. ↑ http://timesofindia.indiatimes.com/articleshow/24966153.cms
4. ↑ http://www.totaltollywood.com/articles/nag2.html

[మార్చు] బయటి లింకులు

• నాగార్జున అభిమానుల సైటు
• తెలుగు సినీరంగంలో 20 సంవత్సరాలు పూర్తిచేసుకున్న నాగార్జున
• ఇంటర్నెట్ మూవీ డేటాబేసు లో అక్కినేని నాగార్జున పేజీ