Karne ya 14
Kutoka Wikipedia
Karne ya 14 ilikuwa kipindi cha miaka mia moja kati ya 1301 hadi 1400. Kikamilifu kilianza tar. 1 Januari 1301 na kuishia 31 Desemba 1400. Namba zake zinafuata hesabu ya miaka "baada ya Kristo".
Kama kila "karne" ni kipindi kinachohesabiwa kwa hiari ya kibinadamu kwa sababu ni mgawanyo wa kalenda tu - hali halisi maendeleo na mabadiiliko makubwa hayafuati migawanyo ya kalenda ya kibinadamu.
Kuna mambo mengi yaliyotokea wakati wa karne hii.
Yaliyomo |
[hariri] Karne ya saa za kwanza
Labda badiliko kubwa lilikuwa uenezi wa saa za kimekanika kwenye minara ya miji ya Ulaya. Tofauti na saa za jua au saa za maji ziliwaonyesha watu wengi wakati tena bila kujali hali ya hewa. Wataalamu wengi huamini ya kwamba hakuna mitambo mingine iliyobadilisha utamaduni wa kibinadamu kama saa.
[hariri] Karne ya kifo katika Ulaya
Ulaya iliathiriwa mara ya kwanza na ugonjwa wa kuambukizana wa tauni. Tauni ilua wakulima wengi ikasababisha njaa kali zote pamoja zikaua zaidi ya theluthi ya wakazi wote wa Ulaya.
Vifo vingi vilisababisha hofu kubwa kati ya watu. Wayahudi walikoseshwa na kushtakiwa kuwa sababu ya maradhi na vifo wakauawa na kudhulumiwa katika nchi nyingi za Ulaya.
[hariri] Uenezaji wa milki ya Waturuki Waosmani
Udhaifu wa Ulaya katika karne hii ilisaidia uenezaji wa milki ya Waturuki Waosmani kutoka Anatolia kuingia nchi za Balkani (Ulaya ya Kusini-Mashariki). Hivyo utawala wa Kiislamu ulianza kuenea hata katika mashariki ya Ulaya. Himaya kubwa iliyoelekea kuwepo kwa karne sita zilizofuata iliimarisha misingi wake. Baadaye athira yake ilifikia pwani za Uswahilini na Uganda.
[hariri] Milki za Afrika
Katika Afrika ya Magharibi Wahaussa wanaunda milki zao za kwanza. Mali inapanuka. Majengo makubwa ya Zimbabwe Kuu yanaanzishwa.categorie:14e eeuw
