Sociology

Frae Wikipedia

Sociology is the study o societies an whit wey fowk acts in groups. Sociology is a social science.

Auguste Comte (1789 - 1857) wis the first tae uise the term. The problems caused by the chynges tae an industrial society, whaur mony fowk flittit tae ceeties an wrocht in factories, wis an early focus o sociology. Karl Marx, Max Weber an Emile Durkheim wis kenspeckle in the study o social phenomena. Themes includit: community, authority, status, “alienation” (isolation) an want o pouer.

In the 2000s, sociology leuks tae sic things as: race, ethnicity, cless, gender, the faimily an social interaction. It studies the brakdoun o social structurs; crime an divorce an aw. Mair oot ower sociology can be seen as the study o the warld-wide society. A society is the community o fowk that leeves in a parteecular kintra or region an haes skared customs, laws, an organizations.

[edit] Whit daes sociologists dae?

Sociologists researches the structurs that organizes society, sic as race, gender (whither a body is a mannie or wifie), an social clesses (rich or puir). They study the faimily an examine problems sic as crime an drog misuiss.

Maist sociologists wirks in ane or mair speicialized airts or "sub-fields". Sociology includes mony sub-fields that examines the different aspects o society. For example, social stratifeecation studies inequality an cless structur in society. The field o demography studies chynges in a population size or type. The field o creeminology examines creeminal behavior an crime. Poleetical sociology studies govrenment an laws. Sociology o race an sociology o gender examines whit wey fowk thinks anent race an gender.

Mony sociologists daes research ootby the varsities an aw. Their research helps teachers, lawmakkers, an govrenment admeenistrators tae mak better institutions, govrenment programmes, an rules.

Sociologists aften uises stateestics for tae coont an meisur paitrens in whit wey fowk acts or behaves. Sociologists interviews fowk or hauds group discussions for tae find oot why fowk behaves in certain weys. Some sociologists combines different research methods.

[edit] History o sociology

Social analysis haes been duin syne the time o Plato, an auncient Greek philosopher. Sociology becam a kin o science in the early 1800s. European ceeties wis chyngin as mony fowk flittit tae the ceeties an begoud tae wirk in factories. Sociologists ettelt tae unnerstaund whit wey fowk interactit an whit wey groups interactit.

The wird sociology wis cleckit bi a French thinker cried Auguste Comte in 1838. early 1900s thinkers that wrate aboot sociology includit Karl Marx an Max Weber.

Sociology wis teached at a varsity for the first time at the Varsity o Kansas in 1890. The first European depairtment o sociology wis foondit in 1895 at the Varsity o Bordeaux bi Émile Durkheim. The first sociology depairtment tae be staiblished in Breetain wis at the London School of Economics and Political Science in 1904. In 1919 a sociology depairtment wis staiblished in Germany at the Ludwig Maximilians Varsity o Munich bi Max Weber.

[edit] Mair readin

• Babbie, Earl R. 2003. The Practice of Social Research, 10th edition. Wadsworth, Thomson Learning Inc., ISBN 0-534-62029-9
• Giddens, Anthony. 2006. Sociology (5th edition), Polity, Cambridge.
• Nisbet, Robert A. 1967. The Sociological Tradition, London,